Tamanut tusarniaanermut tunngasoq. Containeri marlunnik perusuersartarfilik tankimut katersuivilik, imermut tankilerlungu umiarsualiviup eqqaani killilimmik inissikkallarnissaanut immikkut akuereqqulluni, nunaminertamut qinnuteqaat, immikkoortoq 40B1- Ittoqqortoormiut.
Takornarissanut atungassiamik, umiarsualiviup eqqaani, containeri 20 fod, perusuersartarfiit marluk aamma imermut tanki immikkut akuereqqulluni, killilimmik atuinissamik nunaminertamut qinnuteqaat, KPT 40B1 Ittoqqortoormiut, tinguneqarpoq ulloq 19.04.2024.
Qinnuteqarnermi titartagaq ilanngussaq.
Containeri 20 fod, iluaniipput imermut tanki, aamma perusuersartariit marluk, tankimut katersuivilik.
Inatsit
Pilersaarusiorneq aamma nunaminertat atorneqartarnerat pillugit Inatsisartut inatsisissaannik nalunaarut nr. 4 af 25. januar 2024.
§ 37. Nunaminertanut oqartussaasunit akuersisoqarsimatinnagu nunaminertaq sunaluunniit nalinginnaasumik atorneqassanngilaq atorneqalissananiluunniit, taamaattorli tak. § 38, imm. 4.
Imm. 2. Nunaminertanut oqartussaasunit akuersisoqarsimatinnagu nunaminertap suulluunniit
atorneqarnera allanngortinneqassanngilaq.
§ 45. Nunaminertamik atugassiineq nuna tamakkerlugu pilersaarusiornermi soqutigisanut, taakkununngalu ilanngullugu Namminersorlutik Oqartussat suliassaqartunut inatsisaat imaluunniit nuna tamakkerlugu pilersaarusiornermi sanaartukkanik pilersaarusiornermi soqutigisat, uniuutissanngilaq.
Imm. 2. Aamma nunaminertamik atugassiineq kommunimut pilersaarummut naapertuuttussaavoq, ilanngullugu sumiiffiup ilaanut pineqartumut aalajangersakkat kommunimut pilersaarummi aalajangersagaasut, §§ 20 aamma 21.
§ 50. Immikkut akuersissuteqarneq sumiiffiup ilaanut aalajangersimasumut kommunimut pilersaarummi aalajangersakkat tunngaviinut akerliunngippat, sumiiffiup ilaanut aalajangersimasumut aalajangersakkat sukumiisut, takuuk § 14, imm. 3, saneqqunneqarnissaannut immikkut akuersissuteqarnerit kommunalbestyrelsimit nalunaarutigineqarsinnaapput.
Imm. 4. Aalajangersakkat sanilinut attuumassuteqartunulluunniit allanut pingaarutillit saneqqunneqarnissaannut immikkut ittumik akuersinerit, sanilit imaluunniit allat suliap naammassineqarneranut annertuumik nammineerlutillu soqutigisaqartutut nalilerneqartut kommunalbestyrelsimit tusarniarneqarneranniit minnerpaamik sapaatit akunneri marluk ingerlareerpata, aatsaat nalunaarutigineqarsinnaapput. Tusarniaanermi sumut immikkut ittumik akuerineqanissamik qinnuteqartoqarnersoq aammalu oqaaseqaatigiumasat sivikinnerpaamik sapaatit akunnerinik marlunnik pifkssaliussap iluani nassiunneqassasut nalunaarutigineqassaaq.
Containerimi perusuersartarfiit Kommunimi pilersaarut, immikkoortoq 40B1 Radiup Aqqutaani umiarsualik – Ittoqqortoormiut inissisimavoq.
Kommunimi pilersaarut, atuuttumi immikkoortoq 40B1 atungassiaaavoq, talittarfilittut saputilittullu, quersuaqarfittut, inaalitsivittut assigisaattullu umiarsualivimmi atortorissaaruteqarfilittut umiarsualivimmi siunertanut atugassiissutigineqarnissaa aalajangerneqarpoq. Imartaa kisartarfittut pituttarfillu atorneqarsinnaavoq. Immikkoortortap 40B1 ilaanut pilersaarut atuuttoq: Soqanngilaq
Immikkut ittumik akuersineq.
Nunaminertaq qinnutigineqartoq inissisimaffiani pilersaarut 40B1, Radiup Aqqutaani umiarsualik immikkoortortap pilersaarut atuuttoq aaliangersakkat sukumiisunut peqanngilaq.
Containeri perusuersarfinnut imermullu tankitalik takornarissanut atungassiaq inissiingallarnissaq aqqusnernup qeqqaniit 7,5 m qaninerussanngilaq, Radiup Aqquserna, immikkoortumi 40B1- Radiup Aqqutaani umiarsualik, Ittoqqortoormiut.
Kommunimi immikkut ittumik akuersisoqarsinnaavoq pilersaarut aaliangersakkat tunngaviangalungit qinnuteqaat pilersaarutip siunertaannut naapertuuppat. Pilersaarusiorneq aamma nunaminertat atorneqarnerat pillugit inatsisit §50. stk.1-mi toqqammaviangalungu.
Sanaartungassatut pilersaarut kommunip pilersaarutaani naapertuummat, kommunimiit taperserneqarpoq.
Suliap ingerlannissaat.
Kommunimi pilersaarummi aaliangersakkat pingaarnerit malittarisassiat immikkut akuersisoqarsinnaavoq aatsaat eqqaamiusut imaluunniit illuatungiliuttulluunniit isumaat oqaaseqaataalluunniit tusaqqaarlungit, tamatumani pilersaarusiornermi inatsimmi §50, stk. 4 periarfissiissutaammat.
Aammattaaq pisortat ingerlatsineranni suliassat suliarineqartarnerat pillugu Inatsisartut inatsisaat § 19 naapertorlungu suliami (illuatungiulluni) sunnerneqartoq/tut paasissutissanik aalajangersimasunik suliassami pilersaarummut tunngasunik, illuatungimut tusarniaaffiusussat inaarutaasumik aalingiisoqartinnangu angunneqarsimassasoq.
Containerimik inissiingallarneq pilersaarut eqqaaamiusumut sunniuteqarsinnaammat ilaatigut inissamik tingusinissaa illuatungiliuttutut eqqaamiusut tusarniaaffigineqassapput.
Tusarniamermi killingititaq
Qinnuigineqarputit periarfissinneqarlutillu suliamut tusarniaanermut piffissarititaq oqaatigiumasat imal. anngukkumasatit allakkatingut tunniusseqqullutik nalilersuinermi ilaatinneqassapput, kingusinnerpaamik ulloq 22. juli 2024
Oqaatigiumasat ima anngukkumasanut allakkatingut nassiussiffissaq
Kommuneqarfik Sermersooq
Reference: BOG-2019-01230-014
lupt@sermersooq.gl cc:sai@sermersooq.gl
Imaluunniit
Kommuneqarfik Sermersooq
Sanaarfinermut Avatagiisinullu Ingerlatsivik
Postboks 1005
3900 Nuuk
Tusarniutip akissutaa nunaminertamik qinnuteqaatip ingerlateqqinnissaanut atorneqassaaq.
Suliamut tunngatillungu allanik apeqqutissaqaruit tikilluaqqusaavutit Sanarfinermut Avatagiisinullu Ingerlatsivimmut.
Illit illuatungiliuttutit suliaq inaarsarneqareerpat aalajangiussamut ilisimatinneqarumaarputit.
Uku allakkat assilineri, qinnuteqartumut ilisimatisissutigineqarput
