Peqqinneq Susassaqartitsinerlu

Tusarniaaneq Kommuneqarfik Sermersuumi tapiisarnermut maleruagassat pillugit

4 years tilbage

Peqatigiiffinnut tamanut.

Kommuneqarfik Sermersooq timersornermut politikkeqarpoq, tassani sunngiffimmi sammisassat pillugit malittarisassat pingaarnerit allassimapput. Tamannalu atatillugu kommunitsinni
naapertuuttunik tapiisarnermut maleruagassanik pisariaqartitsisoqalerpoq peqatigiiffilerinerup iluani timersorneq aammalu sunngiffimmi sammisassat pillugit.

Tamanna malitsigivaa tapiisarnermut maleruagassat atuuttut nutarsarneqarlutillu nalimmassartariaqalernerat. Taamaattumik pisortatigoortumik tusarniaaneq ingerlanneqarpoq tapiisarnermut maleruagassat sunngiffik aammalu timersorneq pillugu.
Ilisimasatit, misilittakkatit aammalu kissaatitit aallaavigalugit malueragassaalertussat nalimmassarusuppagut pitsanngorsarlugillu.

Tapiisarnermut malueragassat atuuttut ugguuna aaneqarsinnaapput: http://sunngiffik.gl/. Timersornermut politikki ugguuna aaneqarsinnaalluni www.sermersooq.gl.

Siunnersuuteqarnissamut oqaaseqaateqarnissamut nassiussivissaq: Peqqinneq Sunngiffillu pillugu immikkoortoqarfik, postboks 1005, 3900 Nuuk imaluunniit e-mail-ikkut: peqatigiiffiit@sermersooq.gl kingusinnerpaamik ataasinngorneq decemberip 4-aat 2017.

Siunnersuuteqarnissamut ulloq kingulleq tunniussivissaq:
Ataasinngorneq 4. december 2017

Tapiisarnermut maleruagassatut siunnersuutit tusarniaassutigineqassapput:
Ataasinngorneq d.18. december 2017

Akissuteqarnissamut tunniussivissaq kingulleq:
Ataasinngorneq 15. januar 2018

Tapiisarnermut maleruagassat nutaat naatsorsuutigineqarpoq inaarneqarnissaat:
2018 aallartilaarnerani