Tusarniaanermut kpt nr. 15-mut tunngasumut eqqaasitsissut. immikkoortup ilaa 4B4 inuussutissarsiuteqarfik, avannamut kangimut, Nuuk
Qarasaasiatigut systemimik ajutoortoqarnera pissutigalugu Sanarfinermut Avatangiisinullu Ingerlatsivik nalunaaruteqarpoq, tusarniaanernik akissutinik tigooraanerput ullormiit 22. maaji 2026-miit ullumimut nassiunneqarsimasut tiguneqarsinnaasimanngimmata.
Piffissami tassani tusarniaaneqartuni ingerlatsivimmut nassiussimaguit, piumaffigilaassavatsigit akissuteqaatitit nassiussatit, nassiuteqqissagitit uunnga: sai@sermersooq.org
Tusarniaanermut ulloq killigitinneqartoq juunip pingajuat 2026.
Aningaasaqarnermut Inuussutissarsiornermullu Ataatsimiititap 21.04.2026 ataatsimiinnermini aalajangerpaa Kommunimut pilersaarummut tapiliussatut siunnersuut nr. 15 4B4 tamanut tusarniaassutigineqassasoq.
Siunertaa
Illersornissaqarfimmi sulisut utaqqiisaasumik inissinneqarnissaasa periarfissaalernissaannut kommunimut pilersaarummut tapiliussaq suliarineqarpoq. Utaqqiisaasumik inissiffissaq piffissami killiligaannarmi akuersissutitut tunniunneqarsinnaavoq tassaniissinnaappullu containerit inissiffissat, tupiliat assigisaaluunniit nuunneqarsinnaasut.
Akuersissutip atorunnaarsinneqarnerata kingorna immikkoortoq torersarneqarsimalluni kommunimilu malittarisassat malillugit qimanneqassaaq. Immikkoortoq
Illersornissaqarfiup inissiffissaatut atorneqarnera atorunnaarsinneqareerpat, immikkoortoq inuussutissarsiuteqarfittut ineriartortitsiffiusussatut atorneqassaaq.
Tamanut oqallisissiaq
Siunnersuut sapaatip-akunnerini 6-ini tamanut tusarniaassutigisassanngorlugu saqqummiunneqassaaq, piffissami 22.04.2026 – 03.06.2026
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit kingusinnerpaamik 03.06.2026 uunga nassiunneqassapput: sai@sermersooq.org
Oqaaseqaatit akerliliissutillu piffissarititap iluani tiguneqartut Kommunalbestyrelsip pilersaarummut qinnuteqatip inaarutaasumik suliarineranut ilaatinneqassapput.
Tusarniaanermut akissutit tiguneqartut tamanut saqqummiunneqassapput ugguuna https://dagsordener.sermersooq.gl/ pilersaarusiornermut tunngaviusumik isumaqatigiissutip inaarutaasumik suliarineqarnerani. Tusarniaaneq pillugu akissuteqarnermi tusarniaaffigineqartoq akuersissummik tunniussisarpoq tusarniaaneq pillugu akissut tamanut saqqummiunneqassasut, tassunga ilanngullugit nassiussisup aqqa, paasissutissat tusarniaanermut akissuteqaammiittut tamanut saqqummiunneqassasut.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq: https://sermersooq.fra1.digitaloceanspaces.com/wp-content/uploads/2026/04/hoering-2204-kal.pdf