Sanarfinermut Avatangiisinullu Ingerlatsivik

Qamuteralaat pillugit ileqqoreqqusamut siunnersuut

5 years tilbage

Kommunalbestyrelsip ulloq 20.11.2018 ataatsimiinnermini, qamuteralaat pillugit ileqqoreqqusamut siunnersuummik tamanut tusarniaasoqarnissaanik akuersissuteqarpoq.

QAMUTERALAAT PILLUGIT ILEQQOREQQUSAQ
Ileqqoreqqusami nunaannarmi angallanneq pillugu aalajangersakkat tamanut atuuttut allaaserineqarput, assersuutigalugu angallassilinnginnermi aput qanoq annertutigissanersoq, tamassumalu saniatigut ileqqoreqqusami illoqarfinni nunaqarfinnilu angallanneq pillugu aalajangersagaqarpoq. Ilanngussani kommune tamakkerlugu sumi larvefodillit atorlugit ingerlasoqarsinnaanersoq takutinneqarpoq.

TUSARNIAANISSAMUT PIFFISSAQ
Tusarniaaneq sap.ak. 8-ni piffissami 28/11 2018 – 23/01 2019, taakkua kingorna akerliliissutsit suliarineqassapput siunnersuutigineqartorlu inaarutaasumik Kommunalbestyrelsimit akuersissutigineqassalluni.

PILERSAARUT UANI ATUARNEQARSINNAAVOQ
Qamuteralaat pillugit ileqqoreqqusaanut siunnersuut kommunip nittartagaani tusarniaassutini atuarneqarsinnaavoq: sermersooq.gl/kl/kommuuni/hoeringsportal imlt. Sanarfinermut Avatangiisinullu Ingerlatsivimmut oqarasuaat 36 74 00 sianernerluni pissarsiariniarneqarsinnaavoq. Akerliliissutit imaluunniit oqaaseqaatit uunga nassiunneqassapput plan@sermersooq.gl.

INATSISINUT TUNNGASUT
Pilersaarusiorneq aamma nunaminertat atorneqartarnerat pillugit Inatsisartut inatsisaat nr. 17, 17. november 2010-meersoq aamma Assartuutit motoorinik ingerlatillit atorneqarneri pillugit Namminersorlutik Oqartussat nalunaarutaat nr. 10, 10. oktobari 2013-imeersoq.