Illoqarfimmik Inerisaaneq

Pilersaarutitut qinnuteqaat ”Unaaq” immikkuualuttoq4A5, Nuuk

1 week tilbage

Kommunalbestyrelse ataatsimiinnerminni 22. marsi 2022 aalajangerpoq Pilersaarutitut qinnuteqaat ”Unaaq”  sapaatip-akunnerini arfineq-pingasuni tamanut tusarniutigineqassasoq.

Siunertaq

Inatsisartut inatsisaat nr. 34, 9. december 2015 naapertorlugu pilersaarutitut qinnuteqaat “Unaaq” Sanarfinermut Avatangiisinullu Ingerlatsivimmi tiguneqarpoq. Qinnuteqaammi pineqarpoq immikkuualuttoq 4A5 – Qinngutsinni inissialiorfissaq. Pilersaarummi ilaapput sanaartugassaq 96-inik inissiartalik pingasullu inuussutissarsiortunit attartorneqarsinnaasut katillugit 8.183 m2 missaanniittut. Illuliat 4-6 missaannik qulereeqassapput, inissiat angissusii assigiinngisitaartussaallutik (55-135 m2).

Pilersaarut immikkoortup ilaanut pingaarnertut siunertarineqartumut 4A5 Suloqqami inissiaqarfik, Nuuk  tapiliussatut inissisimasoq.

Tamanut oqallisissianngortitsineq

Sanaartugassatut qinnuteqaat tamanut tusarniaassutigineqassaaq, sapaatip-akunnerini arfineq pingasuni piffissami 2.3.2022 – 11.5.2022.

Piffissami tusarniaaviusumi sanaartugassaq pillugu oqaaseqaateqartoqarlunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi ulloq 11.5.2022 nallertinnagu tiguneqareersimassapput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl

Piffissarititap iluani sanaartugassat, oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput. 

Sanaartugassaq uani atuarneqarsinnaavoq

Kommunimut pilersaarummut tapiliussamut siunnersuut kommunip nittartagaani, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.