Kommunalbestyrelsip februaarip 13-ianni 2023-mi ataatsimiinnermini pilersaarutitut qinnuteqaatip Issortarfimmi Allaffeqarfiit sapaatip-akunnerini arfineq-pingasuni tamanut tusarniaassutigineqarnissaa aalajangerpaa.
Siunertaa
Pilersaarutitut qinnuteqaat Issortarfimmi Allaffeqarfiit pilersaarummik piginnittoq Piginneqatigiiffik Anpartsselskabet 1/9 2005, Per Laugesenimit, sinnerlugu Sanarfinermut Avatangiisinullu Ingerlatsivimmit saqqummiunneqarpoq.
Pilersaarut:
Issortarfimmi Allaffeqarfiit pillugit pilersaarummut qinnuteqaammi 15.000 m2-it illunut tallimanut allaffissornermut inuussutissarsiutinullu agguataakkat pineqarput.
Ukuninnga sanaartornissaq qinnuteqaatigineqarpoq:
– Illut tallimat 2-4-nik quleriillit.
– Illoqarfimmi aqqusineq nutaaq Issortarfimmut atassuserneqassaaq.
– Nutaamik sanaartornermi biilit unittarfii.
– Sanaartukkanut pioreersunut atatillugu biilit unittarfii nutaat 25-t pilersinneqassapput.
– Aqqusineeqqat aamma pisuinnaat aqqutaat.
Pilersaarut kommunip illoqarfimmik alliartortitsinissamik pilersaarusiaanut pingaarnernut naapertuuppoq.
Tamanut oqallisissiaq
Siunnersuut tamanut tusarniaassutigisassanngorlugu sapaatit-akunnerini 8-ni saqqummiunneqassaaq piffissami 01.03.2023 – 26.04.2023
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit akerliliissutillu Kommuneqarfik Sermersuumi ulloq 26.04.2023 nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Pilersaarut uani atuarneqarsinnaavoq
Illuliornissamut qinnuteqaat kommunip nittartagaani www.sermersooq.gl-imi tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani www.sermersooq.gl-imi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.