Kommunalbestyrelse ulloq 15. maaji 2024-mi aalajangerpoq, pilersaarummut qinnuteqaat “Ujaqqerivik nutaaq aamma inuussutissarsiuteqarfik”, tamanut tusarniaassutigineqassasoq.
(Høringsfrist forlænget til d. 8. august 2024)
Siunertaa
Sanarfinermut Avatangiisinullu Ingerlatsivik Pilersaarusiorneq aamma nunaminertat atorneqartarnerat pillugit Inatsisartut inatsisissaannik nalunaarutaat nr. 4, 25. januar 2024-meersoq naapertorlugu “Ujaqqerivik nutaaq aamma inuussutissarsiuteqarfiliornissamut” pilersaaruteqarnissamut qinnuteqaammik tigusaqarpoq. Immikkoortoq qinnutigineqartoq immikkoortup ilaani 4D9-mi aamma 4D2-mi inissisimasumiippoq, Inuussutissarsiuteqarfiup 4B4-mi inuussutissarsiuteqarfiup mittarfiup avannamut kangiatungaani inissisimalluni.
Pilersaarusiorfiusoq 5,1 ha-itut annertussusilimmiippoq. Pilersaarummi siunertaavoq, ujarak/qaarsoq 1.112.000 m3-isut annertutigisoq qaartiterlugu ujaqqeriviliornissaq. Sumiiffik piffissap ingerlanerani inuussutissarsiorfinngortikkiartuaarneqassaaq, sanaartorfissanik qulinik 3.840 m2-imiit 5.180 m2-ip tungaanut annertussuseqartunik imaqartussaq.
Tamanut oqallisissiaq
Siunnersuut sapaatit akunnerini arfineq-pingasuni piffissami maajip 22-aniit juulip 10-ata 2024-ip 08.08.2024 tungaanut tamanut tusarniutigineqassaaq.
Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq. Oqaaseqaatit akerliliissutillu Kommuneqarfik Sermersuumi ulloq 10.07.2024 08.08.2024 nallertinnagu tiguneqareersimassaput nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl
Piffissarititap iluani oqaaseqaatit akerliliissutillu tiguneqartut kommunimut pilersaarummut tapiliussap Kommunalbestyrelsip inaarutaasumik suliarineranut ilaatinneqassapput.
Illuliornissamut pilersaarut uani atuarneqarsinnaavoq
Illuliornissamut qinnuteqaat kommunip nittartagaani www.sermersooq.gl-imi tusarniaanerni atuarneqarsinnaavoq, kommunimi innuttaasunik kiffartuussivimmi, kommunillu nittartagaani www.sermersooq.gl-imi imaluunniit Sanarfinermut Avatangiisinullu ingerlatsivimmut oqarasuaammut 36 74 00-imut sianerluni saaffiginninnikkut pissarsiarineqarsinnaavoq.