Nunaminertanut Illuliornermullu Oqartussat

Misissuinissamut aggersaaneq

2 years tilbage

Nuummi mittarfiup tallineqarnissaanut atatillugu sanaartorfissat B2 aamma B3 tamarmik Nukappiakulummiittut Naalakkersuisunit arsaarinnissutigineqarput Pigisanik aalaakkaasunik arsaarinnissuteqartarneq pillugu Inatsisartut inatsisaat nr. 25, 30. oktober 1992 aallaavigalugu. Arsaarinnissuteqartarnernut ataatsimiititaliamik pilersitsisoqarpoq ilaatigut taarsiissutissat angissusissaanik aalajangiisussamik.
Inatsisip § 3, Imm. 3-mi ima allassimavoq: “Ataatsimiititaliap isumagissavaa misissuinissap qaqugu sumilu pinissaata tamanna sivikinnerpaamik sapaatit akunnerinik sisamanik sioqqullugu nunamut tamarmut aviisit aqqutigalugit tamanut nalunaarutiginissaa. Nalunaarutikkut tassuuna ilisimatitsissutigineqassaaq arsaarinninnissamik aalajangikkap tamanit takuniarneqarsinnaalluni sumiinnera.”


Misissuinissamut aggersaasoqarpoq:
Sanaartorfissaq 3-mut 1. juli 2019 Nal. 12.00, aamma
Sanaartorfissaq 2-mut 1. juli 2019 Nal. 12.30


Arsaarinnissuteqarnissamut aalajangernermut tunngatillugu paasissutissat suliamullu tunngatillugu paasissutissat Kommuneqarfik Sermersuumi aamma Naalakkersuisut nittartagaanni 1. Juli 2019-ip tungaanut soqutiginnittunit tamanit takuniarneqarsinnaapput.


Misissuinissamut tunngasunik saaffiginnissutit uunga nassiunneqarsinnaapput Arsaarinnissuteqartarnernut ataatsimiititaliaq, Kalaallit Nunaanni Eqqartuussiveqarfik, Jens Kreutzmannip aqqutaa 1.


Stig Nørskov-Jensen
Kalaallit Nunaanni Eqqartuussiveqarfimmi eqqartuussisutut qullersaq
Arsaarinnissuteqartarnernut ataatsimiititaliami siulittaasoq