Illoqarfimmik Inerisaaneq

Kommunimut pilersaarummut tapiliussatut siunnersuut, KPT 1A13-2 Qimerlua, Nuuk

4 weeks tilbage

Aningaasaqarnermut Inuussutissarsiornermullu Ataatsimiititap 8. novembari 2022 ataatsimiinnermini aalajangerpaa Kommunimut pilersaarummut tapiliussatut siunnersuut 1A12-2 tamanut tusarniaassutigineqassasoq.

Siunertaq

Kommunimut pilersaarummut tapiliussatut siunnersuummi immikkoortup nunap assingani killilersugaanera aamma inissiaqarfittut siunertatut atuunnera ingerlaannassaaq. Taamaattorli immikkuualuttut marluk atugassiissutigineqarput. Immikkuualuttoq A, kitaatungaaniittoq, inissianut siunertanut, “millionærbarakkinik” isaterinissamut periarfissiivoq tassunga ilanngullugu kollegianik ilinniartunullu inissianik, sanaartornissamut aalajangersimasumik periarfissiisoqarpoq. Immikkuualuttoq B, kangimut sammisumik, Qimerluata eqqaani inissianut pioreersunut.

Tamanut oqallisissianngortitsineq

Siunnersuut tamanut tusarniaassutigineqassaaq sap.ak. 6-ini piffissami 24. novembari 2022 – 5. januaari 2023.

Piffissami tusarniaaviusumi siunnersuut pillugu oqaaseqaateqartoqarlunilu akerliliissuteqartoqarsinnaavoq.

Oqaaseqaatit akerliliissutillu Kommuneqarfik Sermersuumi  ulloq 5. januaari 2023  nallertinnagu tiguneqareersimassapput, nassiunneqassappullu uunga Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunnit mailikkut: plan@sermersooq.gl

Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.

Inatsisinut tunngasut

Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.

Pilersaarut uani atuarneqarsinnaavoq

Kommunimut pilersaarummut tapiliussamut siunnersuut kommunip nittartagaani tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.