Aningaasaqarnermut Inuussutissarsiornermullu Ataatsimiititap maajip sisamaanni 2020 ataatsimiinnermini aalajangerpaa Kommunimut pilersaarummut tapiliussatut siunnersuut 3E5-4 tamanut tusarniaassutigineqassasoq.
Siunertaa
Kommunimut pilersaarummi matumani immikkoortup ilaa 3E5 iluarsineqarpoq, mittarfiliornissamut atatillugu nunaminertamik qaartiteriffissamik pisariaqartitsisoqaqqinnissaa pissutigalugu. Pilersaarummut tapiliussatut immikkoortup ilaa 4B4 aaqqiivigineqarpoq, qaartiterusoqarnissaanik nunaminertamik atugassiisoqarluni. Tamatuma kingunerisaanik immikkooortut ilaat 4D2, 4D9 iluarsineqassapput.
Kommunimut pilersaarummut tapiliussassatut siunnersuut Nuuk Airport suliarineqarpoq Nuummi mittarfiup allineqarnissaanut atatillugu pilersaarutit pioreersut, kingullermillu Atlantiku qulaallugu timmisartunut mittarfissap illutassai pillugit pilersaarutit tunngavigalugit suliarineqarluni. Pilersaarummut tapiliussamut siullermut sanaartorfissat ilanngunneqarnikuupput, taakkunani timmisartoqarfiup illutassaa, iluarsaassisarfik, timmisartut illutassaat allallu sanaartorneqarsinnaassallutik. Siunertat taakkua pilersaarutitut siunnersuummi matumani aalajangiusimaneqarput. Immikkoortup ilaani B-mi kommunimut pilersaarutitut tapiliussami siullermut nunaminertamik immikkoortitsiffiupput qatserinermi sungiusartarfik, orsussamik tigooraavik aammalu siunissami biilinut uninngatitsisarfissamut sillimmatissaq.
Siunnersuummi ilanngullugit inissaqartinneqassapput, timmisartoqarfiup avannamut kujammullu tallissutaanut uiggiullugit qullersuit timmisartut tikikkiartorneranni ersarissaatit 410 m-sut takitigisumi
Tamanut oqallisissiaq
Siunnersuut tamanut tusarniaassutigisassanngorlugu sapaatit-akunnerini arfineq-pingasuni piffissami maajip 20-aniit juulip 15-iata 2020-p tungaanut saqqummiunneqarpoq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput juuli 15-at 2020 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani takuneqarsinnaavoq
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.