Siunertaa
Kommunimut pilersaarummut tapiliussaq suliarineqarpoq sumiiffiup qitiusoqarfittut kikkunnilluunniit ornigarneqarsinnaasunik siunertalinnik akunnittarfinnik, cafénik, neriniartarfinnik, ataatsimeersuartarfinnik assigisaannillu atorneqarnissaa periarfissinniarlugu.
Pilersaarummi siunertat tunngaviillu:
- Immikkoortoq pisuinnaat aqqutaat pioreersut immikkoortumilu isikkiviit eqqarsaatigalugit aalajangiiffigineqassasoq
- Uninngasarfiit illoqannginnersallu pitsaasuunissaat atorluarsinnaanissaallu kiisalu kangerluup tungaanut nasiffiusinnaasunik isikkivissaqarnissaq qulakkiissallugit
- Sumiiffik attaveqaatit pioreersut tassunga ilanngullugit sineriak sinerlugu aqqut, biilinut inissiisarfiit il.il. eqqarsaatigalugit atugassanngortinneqassasoq.
- Sumiiffimmut inissiaqarfiit pioreersut eqqarsaatigalugit aalajangersaasoqassasoq
Tamanut oqallisissiaq
Pilersaarutitut siunnersuut piffissami 24. maajip – 5. juulip 2023-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput Juulip 5-at 2023 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani atuarneqarsinnaavoq
Kommunimut pilersaarummut tapiliussamut siunnersuut kommunip nittartagaani www.sermersooq.gl-imi tusarniaassut ataani atuarneqarsinnaavoq, kommunip innuttaasunik kiffartuussiviini imaluunniit Sanarfinermut Avatangiisinullu ingerlatsivimmut 36 74 00-imut saaffiginninnikkut pissarsiarineqarsinnaavoq.