Aninagasaqarnermut Inuussutissarsiornermullu Ataatsimiititap novembariip 12-ianni 2020 aalajangerpaa, kommunimut pilersaarummut tapiliussatut siunnersuut 1C14-4 tamanut tusarniaassutigineqassasoq.
Siunertaa
Kommunimut pilersaarusiornermut tapiliussap aalajangerpaa immikkoortup ilaa 1C14 eriagisassaqqittunut atuufeqarnissaa qitiusumik siunertamut (C), sumiiffimmi innuttaasunut siunertalinnut. Taamaasilluni sinaakkusiisinnaavoq kulturimut sammisalinnut suliffeqarfinnut, inuutissarsiortunut, privatimik inissianut kiisalu sukisaarsarfittut siunertalinnut.
Immikkoortup ilaa 1C14 sanaartorfittut ilusaa taamatut isikkoqartillugu attatiinnarneqassaaq, illuliat akunneri titarniusami amitsumi kiisalu ammasortai angisuut ingerlavissamik ilusinitsitsipput. Immikkoortup ilaata illuliat illoqarfiullu oqaluttuassartaata ilisarnaataa attatiinnassavaa nukittorsarlugulu, illutoqqat qaliai illugiimmik sivinganillit silataanilu iigai qalipannillit.
Maannakkut pilersaarut malillugu immikkuualuttut sisamat atugassanngortinneqarput.Immikkuualuttoq D sumiiffik sukisaarsarfittut pinnguarfinnut, sammisassaqartitsinernut siunertanut eqqissisimaartarfittullu. Immikkuualuttoq biinikt angallannernut asserneqassaaq. Immikkoortup ilaani 1C14-mi alliliinissamut periarfissat assigiinngitsut sanaartorfissallu tulliuttuni sukumiisumik nassuiaatigineqartut atugassanngortinneqarput.
Hans Egedep Aqquserna B-75-imiit biilinut angallattunut matuneqassasoq, inuussutissarsiortulli angallassinissaat periarfissiissutigalugu.
Tamanut oqallisissiaq
Pilersaarutitut siunnersuut piffissami 25. novembari 2020 – 20. januaari 2021-ip tungaanut tamanut tusarniutigineqassaaq.
Piffissami tusarniaaffiusumi siunnersuummut oqaaseqaateqartoqarsinnaallunilu akerliliissuteqartoqarsinnaavoq.
Oqaaseqaatit akerliliissutillu Kommuneqarfik Sermersuumi tiguneqareersimassapput januaari 20-at 2021 nallertinnagu, uunga nassiunneqassallutik Kommuneqarfik Sermersooq, Sanarfinermut Avatangiisinullu Ingerlatsivik, Postboks 1005, 3900 Nuuk imaluunniit mailikkut uunga nassiullugu: plan@sermersooq.gl
Oqaaseqaatit akerliliissutillu piffissaq eqqorlugu tiguneqartut kommunimut pilersaarummut tapiliussap Kommunalbestyrelsimi inaarutaasumik oqaluuserineqarnissaanut ilanngunneqassapput.
Inatsisinut tunngasut
Kommunimut pilersaarummut tapiliussassatut siunnersuutip tamanut saqqummiunneqareernerani nunaminertat, illut sanaartukkallu siunnersuummi pineqartut illuliorfigineqassanngillat allatigulluunniit kommunimut pilersaarutip imaluunniit kommunimut pilersaarummut tapiliussap inaarutaasup imarisaanut sioqqutsisutut isikkoqarsinnaasumik iluaqutiginiarneqassanatik.
Pilersaarut uani takuneqarsinnaavoq
Kommunimut pilersaarummut tapiliussaq Nunatta atuagaateqarfiani atuarneqarsinnaavoq, kommunip saaffiginnittarfiani pissarsiarineqarsinnaalluni, kommunip nittartagaani aaneqarsinnaalluni www.sermersooq.gl imaluunniit Sanarfinermut Avatangiisinullu ingerlatsivimmut uunga sianerluni 36 74 34 saaffiginninnikkut pissarsiarineqarsinnaalluni.