Ittoqqortoormiini arsaattarfiup pioreersup eqqaani inissisimasussamik multibaneliornissamut nunaminertamik atugassinneqarnissamik qinnuteqaammik Sanarfinermut Avatangiisinullu Ingerlatsivik tigusaqarpoq.
Multibane qinnutigineqartoq 18 x 9 meterisut annertussuseqarpoq, nalinginnaasutullu ungalulittut multbanitut, målertarfiit tunuanni portusuunik sinaakkuteqarluni, uertitanik teqeqqoqarlunilu isuinilu 240 x 160 centimeterinik målertarfilerlugu suliarineqassaaq. Målertarfiit illuani isertarfittut anisarfittullu atortussanik ammaneqassapput, qaavatigulllu basketballernermut atortunut ikkussinissamut piareersagaallutik.
Pilersaarusiortarneq nunaminertamillu atuineq pillugit Inatsisartut inatsisaat nr. 4, 25. januaari 2024 meersoq aamma Kommunimut pilersaarut 2036 pillugit Namminersorlutik Oqartussat inatsimmik nalunaarutaat qinnuteqarnermi pilersaarummut tunngaviuvoq.
Nunaminertaq immikkuualuttup ilaata D0D4 – Arsaattarfiup ilagaa. Immikkoortup atorneqarnissaa siunertanut sukisaarsarnermut siunertanut, soorlu arsaattarfimmut atorneqarnissaa, aalajangerneqarpoq.
Qinnuteqaat pillugu oqaaseqaatissaqaruit akerliliissutissaqaruilluunniit Sanarfinermut Avatangiisinullu Ingerlatsivimmut nassiussinnaavatit, kingusinnerpaamik ulloq 12. august 2026.
Tusarniaanermut akissutit suliap normuanik nalunaaqutseqquneqarput BOG-2020-11112-441
Oqaaseqaatit uunga nassiunneqassapput:
Kommuneqarfik Sermersooq
Sanarfinermut Avatangiisinullu Ingerlatsivik
Sanaartornermut Immikkoortortaqarfik
Postboks 1005, 3900 Nuuk
sai@sermersooq.org
