Nuunneq kommunimut nalunaarutigiuk

Nuunneq pillugu nalunaarut nuussatillutit immersussavat.

Nuunneq pillugu nalunaarut pisortat innuttaasunik nalunaarsuinermut atortarpaat.

Nuunninniit kingusinnerpaamik ullut tallimat qaangiutsinnagit nuunneq pillugu nalunaarutigissavat.

Nuunneq nalunaarutigiuk

NemID-mik peqaruit, nuunneq toqqaannartumik attaveqaatitigoortumik nalunaarutigisinnaavat.

Qallunaat Nunaanniit Kalaallit Nunaannut nuukkuit, siusinnerusukkullu Kalaallit Nunaanni najugaqarsimallutit, taava NemID atorlugu nuunnerit attaveqaatitigut nalunaarutigisinnaavat.

NemID-mik peqanngikkuit, imaluunniit Qallunaat Nunaanniit Kalaallit Nunaannut nuukkuit, nuunneq pillugu nalunaarut immersugaq nuuffigisannut innuttaasunut sullissivimmut imaluunniit nunaqarfiup allaffianut tunniutissavat.

Malugiuk
Nuunneq pillugu nalunaarneq akeqanngilaq.

Nuunninniit kingusinnerpaamik ullut tallimat qaangiutsinnagit nuunneq pillugu nalunaarut tunniutissagakku.

Kalaallit Nunaata Danmarkillu avataanut nuussaguit allamut nuunneq pillugu immersugassaq immersussavat. Tamanna kommunimi qimalikkannit innuttaasunik sullissivimmi imaluunniit nunaqarfiup allaffiani pissaaq.