Quppernermi uani atuarfimmi atuartussatut, tikeraartutut atuartussatut, atuarfimmut allamut nuunnermi / kissaatigisatut nuunnermi atuartussatut nalunaarnerit pillugit paasissutissat nassaarissavatit.
Atuarfimmut allatsineq – Nuuk
Meeraq/meeqqat atualernissaminut allatsittussanngorpat illit/ilissi Innuttaasunik Kiffartuussivimmukassaasi. Atualernissamut allatsinnissamut immersugassaq immersorneqassaaq Innutaasunillu Kiffartuussivimmut utertinneqassalluni. Tamatuma kingorna meeraq ukiut marluk Nuummi atuareersimanngippat, meeraq najugaqarfimmi qanitaani atuarfissaanik tunineqassaaq. Ajornanngippat qatanngutigiit atuarfimmi ataatsimi allatsittarput.
Nuummi kommunimi illoqarfimmi atuarfiit katillugit tallimaapput:
Atuarfik Samuel Kleinschmidt (Nuuk)
Ukaliusaq (Nuuk)
Kangillinnguit Atuarfiat (Nuussuaq)
Nuussuup Atuarfiat (Nuussuaq)
Atuarfik Hans Lynge (Qinngorput)
Atuartut tikeraartut -Meeraq/meeqqat minnerpaamik sapaatip akunneri pingasut Nuummiikkallassappat tikeraartutut atualersinnaavoq. Taamaattoqarnerani nammineerluni Innuttaasunik Kiffartuussiviliartoqassaaq. Atuartutut tikeraartutut immersugassaq immersorneqassaaaq, immersugassarlu Innuttaasunut Kiffartuussivimmut utertinneqassalluni. Tamatuma kingorna meeraq ukiut marluk Nuummi atuareersimanngippat, meeraq najugaqarfimmi qanitaani atuarfissaanik tunineqassaaq. Ajornanngippat qatanngutigiit atuarfimmi ataatsimi allatsittarput. Meeraq/meeqqat annerpaamik qaammatit pingasut tikeraartutut atuartuusinnaapput, tamatuma kingorna nalinginnaasumik atuartutut allatsissallutik. Tamanna Innuttaasunik kiffartuussivimmi pissaaq.
Atuarfimmut allamut nuunneq/nuunnissamut kissaateqarneq – Meeraq atuarfimmut allamut nuunnissaanut (atuartoq/tut angajoqqaallu kissaateqarpata), angajoqqaat meeqqap atuarfigisaani atuarfiup pisortaa attaveqarfigissavaat. Tamatumani nuunnissamut/atuarfimmut allamut nuunnissamut kissaateqartoqassaaq. Atuarfimmut allamut nuunnissamut qinnuteqaat atuarfimmut allamut nuunnissamik kissaateqarnermik tunngavilersorluarneqarsimassaaq.
Nuup avataani – Atuarfimmut allatsinneq
Kommuneqarfik Sermersuup atuarfiinut Nuup avataaniittunut meeraq atualissaguni, angajoqqaat meerartik atuarfimmut ornigullutik allatsikkiartussavaat. Atuarfimmi atuarfiup allaffissornikkut ingerlatsiviata meeraq nalunaarsussavaa,allafissornikkullu qulakkiigassat isumannaarlugit.
Nuup avataani kommunimi illoqarfinni atuarfiit katillugit pingasuupput nunaqarfinnilu arfineq pingasuullutik.
Atuarfik Tuiisaq (Paamiut)
Tasiilami Alivarpi (Tasiilaq)
Ejnar Mikkelsenila Aluarpia (Ittoqqortoormiit)
Kapisillit Atuarfia
Qeqertarsuatsiaat Atuarfiat
Arsuup Atuarfia
Isertup Alivarpia
Kuummiini Alivarpik
Sermiligaap Alivarpia
Tiilerilaami Alivarpi
Kulusumi Alivarpi
Meeqqap allatsinnerani tikilluaqqusisoqassaaq, tassanilu meeraq angajoqqaallu atuarfiup ulluinnarni ingerlasarneranik ilisimatinneqassapput, maleruagassat, atuartitsinermut pilersaarutit ilisimasassallu pingaarutillit angajoqqaanut anngunneqassapput. Atuarfiarfiup aamma qulakkiissavaa paasissutissat pisariaqartut tamarmik eqqortumik nalunaarsorneqarnissaat, meeqqap atuarfimmi aallartilluarnissaa qulakkeerniarlugu.
Atuarfimmi pulaartutut allatsissinnaaneq periarfissaavoq, minnerpaamilli pulaartuuneq sapaatit-akunnerinik pingasunik sivisussuseqassaaq.