Nunat Avannarliit Nuummi Kulturisioqatigiinnerat tassaavoq sapaatip akunnera naallugu Kalaallit Nunaata qeqqani – Nuummi – eqqumiitsuliornermik kulturilerinermillu pikialaartitsineq.
Kalaallit Nunaanni kulturikkut aaqqissuussat annerpaat ilaannut ingerlanneqartuartumut Nunat Avannarliit Nuummi Kulturisioqatigiinnerat assigiinngitsutigut eqqumiitsuliornermi ukioq allortarlugu pikialaartitsisarneruvoq. Nunani avannarlerneersut issittormiullu peqataaffigisartagaannik eqqumiitsulioriaatsinut assigiinngitsunut tunngasunik pisartorpassuaqarpoq. Isiginnaariartut misigisaqarfigisinnaasaat ilaatigut tassaapput nipilersorneq, isiginnaartitsineq, assilialiorneq, saqqummersitsinerit, atuakkialerineq, workshopit aamma art-talks (oqaasinnguiniarluni eqqumiitsuliorneq). Nunat Avannarliit Nuummi Kulturisioqatigiinneranni qitiutinneqartoq tassaavoq pilersitseqatigiinneq peqataanerlu, peqataasut isiginnaartullu akornanni aliikkusersuinerit eqqumiitsuliornerillu ilisimaneqarnerulersinniarlugit.
Nuummi Nunat Avannarliit Kulturisioqatigiissinneqartarnerat kikkulluunniit soqutigisaannut tunngasunik pisoqarfiussaaq.
Tassunga tunngasumik uani paasissutissanik annertunerusunik atuarsinnaavutit.
Tullissaani kulturisiortitsineq 2025-mi oktobarip 23-aniit 26-anut pissaaq.
Nuummi Nunat Avannarliit Kulturisioqatigiissinneqartarnerannut qanoq ilillunga billetsimik pissarsissaanga?
Nuummi Nunat Avannarliit Kulturisioqatigiissinneqartarnerannut billitseerniarnissaq pisussaq sioqqulluarlugu nalunaarutigineqarumaarpoq.
Nuummi Nunat Avannarliit Kulturisioqatigiissinneqartarnerat 2015-imi aallartinneqarpoq, piginnittuullutik Kommuneqarfik Sermersooq aamma NAPA, Kalaallit Nunaanni Nunat Avannarliit Illuutaat.
Kulturisioqatigiissitsinermut kulturilerinermik suliallit Nuummeersut aningaasaliissuteqartartut amerlasuujupput. Ilaatigut Katuaq, Nunatta Isiginnaartitsisarfia, Nuummi Eqqumiitsulianik Saqqummersitsivik, Nunatta Atuagaateqarfia, Nuummi Katersugaasivik, Nunatta Katersugaasivia allarpassuillu. Nuummi suleqatigineqartut saniatigut kulturilerisut aamma nunanit tamalaaneersut arlalissuit festivalinik kulturimullu tunngasunik suleqateqarput.