Tusagassiortunut

Kommuneqarfik Sermersooq tusagassiuutitigut nalunaaruteqarnissamut sillimajuaannarpoq, taavalu pitsaasumik tutsuiginartumillu suleqatigiinnissaq angorusunneqarpoq, kiisalu tusagassiorfinnut ammasuullunilu ilakkuminartuuvoq.

Ammasuunissamik politikki

Kommuneqarfik Sermersuumi Ammasuunissamik politikki naapertorlugu ilaatigut attaveqatigiinnermut, tusagassiuutinut, internetsikkut inuit naapittarfiinut innuttaasullu saaffiginnissutaannut pingaarnertut kommunimit qanoq ittuunissaq allaaserineqarpoq. Ammasuunissamik politikki suli inerisarneqarpoq, immikkoortullu atuligassat ilaat atulersinniarneqaleruttorlutik, taamaattoq kingullertut allaaserineqarsimasoq kommuunip politikkiinut quppernermi atuarsinnaavat.

Nutaarsiassat

Nutaarsiassat nittartakkamut ilanngunneqartut tamaasa Kommuneqarfik Sermersuumit nutaarsiassatut isigineqarput.

Assit

Kommuneqarfik Sermersuup nutaarsiassatigut assit ikkussugai aallaaviatigut kikkunnit tamanit atorneqarsinnaapput, taakkulu nittartakkatigut pissarsiarineqarsinnaallutik. Sulisut assigi pissarsiarerusukkukkit, imaluunniit kommunip meeqqeriviini atuarfiiniluunniit meeqqat assigi pissarsiarerusukkukkit, attaveqaqatigiinnnermut immikkoortortaqarfik attavigisinnaavat – kommunikation@sermersooq.gl.

Borgmesterip assigi

Borgmesterip assigi tusagassiortunit atorneqarsinnaapput borgmesterillu qupperneraniillutik. (Under opdatering)

Kommunalbestyrelsip assigi

Kommunalbestyrelsip assigi aamma tusagassiortunit atorneqarsinnaapput taakkulu kommunalbestyrelsip qupperneraniipput.

Kommuunip ilisarnaataa

2018-imi kommunip ilisarnaataa immikkut ilusilik atorunnaariartuaarneqarpoq, tassanilu ajornaannerusumik assiliartalersuineq pisalerluni. Kommunimi ilisarnaat nutaaq atorneqarnerulissasoq aalajangiunneqarpoq, ilaatigut pequtini, biilini, naqitani il. il. ataavartumik taarsersuisoqarluni.

Ilisarnaatit internetimi atugassiat

Ilisarnaatit naqitassiat

Attaveqarfissat

Tusagassiortut attaveqaqatigiinnermut immikkoortortaq kommunikation@sermersooq.gl-imut allalluni imaluunniit kommuunimi attaveqaqatigiinnermut immikkoortortaqarfimmi sulisoq toqqaannartumik saaffigalugu.

Ingerlatsiviit

Ingerlatsivimmut imaluunniit immikkoortortaqarfimmut innersuussinermi paasissutissat ingerlatsiviit takussutissartaanni takuneqarsinnaapput.

Akuersissuteqarnermut uppernarsaaneq

Innuttaasoq allamut, assersuutigalugu journalinut, sullissinermut allanulluunniit nalinginnaasumik isertuunneqartussanut, akuersissuteqarnissamut tunngatillugu immersugassaq una aaneqarsinnaavoq innuttaasumillu immersorneqarluni. Akuersissuteqarnermut uppernarsaat uani aajuk.