Nuummi Apummik Ilusilersuineq ulluni 5-8 marsi ingerlanneqaqqissaaq! Apummik Ilusilersuititsinermi Nuup umiarsuarnut imarpikkoorutinut umiarsualivitoqqaani, Sikukimi, apummik ilusilersuiffinngortitsisoqassaaq, holdit 20-usut Ilusilersukkani Ilusilersugaanngitsunilu unammiffissaanik
Holdit apummik issoqqaarisumik 3x3x3 meterimik angitigisumik tunineqassapput, ullullu pingasut affarlu ingerlaneranni apummik ilusilersuissapput. Ilutsini marlunni ajugaasunik akissarsitinneqassapput sapaammi marsip 8-ni 2020 nal. 15.
1994-imi Nuummi Apummik Ilusilersuisoqaqqaarpoq. Taamani Nuummi apummik ilusilersuinerit siullersariinnanngilaat aammali Kalaallit Nunaanni siullersaalluni!
Apummik Ilusilersuineq Peter Barfoedimit Tegnestuen Nuuk A/S-imeersumit aallartinneqarpoq, taannalu ukiuni 15-ini ingerlanneqartarneranut suliniuteqartarsimaqaaq. 1994-imi Apummik Ilusilersuineq aallartimmat holdinik 21-nik ilaaffigineqaqqaariarluni soqutigineqarnerpaaffimminiikkami holdinik 55-inik peqataaffigineqarsimavoq. Apummik Ilusilersuititsinerup inuit assigiinngitsuneersut ataatsimoorsilerpai nunanilu tamalaani maluginiarneqalerluni.
Apummik Ilusilersuineq assut apeqqutigineqartarsimaqaaq taamaattumillu 2019-imi holdinik 13-inik kajumissutsiminillu ikiuuttunik 30-nik peqataaffigineqarluni aallartinneqaqqippoq. Apummik Ilusilersukkat illoqarfimmi kateriffiulluartut alakkaasunit soqutigineqarluarput. Ilusilersukkat meeqqanit inersimasunillu alutorineqarluaqaat, seqernullu tarrereernerani qulliit assigiinngitsunik qalipaatillit sissiukkamut alakkaasunut misigisassaasimallutik. Ukioq manna nuannatsitsinerup taamak nuannertigeqqinnissaa naatsorsuutigaarput, assigiinngisitaarnermik, isumassarsiorsinnaanermik nuannaarnermillu tamanut misigititsinissaq qilanaaraarput!
Apummik Ilusilersuinissamut peqataaneq akeqanngilaq. Mailikkut snow@sermersooq.gl-imut peqataanissamut nalunaartoqarsinnaavoq. Inussiarnersumik peqataasussat sisamat tamarmik aqqi, aamma sammivinni marluusuni sorlermi, tassa ilisarnanngitsunik ilusilersuinermi imaluunniit piviusorsiorpalaartunik ilusilersuinermi unammeqataanissaq nalunaarutigineqassaaq.
Apummik Ilusilersuititsinermi kajumissutsiminnik ikiuuttussarsiorpuguttaaq! Kajumissutsimik ikiuunnissamut ugguuna nalunaarit snow@sermersooq.gl.
Malinnaavigitigut:
Nittartagaq: www.snow.gl
Facebookimi nittartagaq: Nuuk Snow Festival
Instagram: @nuuksnowfestival