Kommune tamakkerlugu ukiut tamaasa angalanissamut tapiissutit Kommuneqarfik Sermersuumit innuttaasunut agguaanneqartarput.
Ukioq manna Angalanermut Aningaasaateqarfik 760.000 koruuninik aningaasaliiffigineqarpoq. Qinnuteqartut katillugit 128-upput taakkunanngalu 58-it angalanissamut tapiiffigineqartussanngorlutik.
Allamut angalaneq ajornermi kingunipiluutaasinnaasut pinaveersaartinnissaat Angalanermut Aningaasaateqarfiup siunertaraa. Innuttaasut Kalaallit Nunaanni aammali Nunatta avataanut angalanissaannut periarfissinneqarnerisigut nunani tamalaani takusaqartarnissaannik Kommuneqarfik Sermersooq periarfisseerusuppoq.
Ilaqutariit meerartallit kiisalu qinnuteqartut isertitakitsuusut kiisalu ilaqutariit aamma pissakitsut ukiuni tallimani angalasimanngitsut pingaarnersiorneqarsimapput.
Kommuneqarfik Sermersuumi innuttaasut tamarmik qinnuteqarnissamut periarfissinneqarput. Qinnuteqaatit tamavimmik Angalanermut Aningaasaateqarfimmi siulersuisunit peqqissaarullugit suliarineqarput.
Qinnuteqartut tamarmik toqqaannartumik nalunaarutisissapput.
Paasissutissat allat pillugit Angalanermut Aningaasaateqarfiup siulersuisuani siulittaasoq Rasmine Geisler mobilikkut attavigineqarsinnaavoq: 587431