Nuuk Nordisk: Atuartunut assiliinermik workshoppertitsineq

Meeqqat assiliisartullu sisamat naapippagut, assiliivitik nassarlugit anisut.

Meeqqat tamarmik immikkut assiliiveqarnertik nuannareqaat, ilaalu assiliillutik aallartereersimapput.

Workshoppernerminni assiliisartunik sisamanik ikiorneqassapput, taakkunanngalu torrattunik assiliinissamut ilinniartinneqassallutik.

Workshoppimi qulerutarineqarpoq illoqarfigisaq, meeqqallu namminneerlutik tamanna assiliinermikkut ujartussavaat.

Assilisat kingusinnerusukkut saqqummersinneqassapput Nunatta Atuagaateqarfiani tallimanngornermi oktoberip 11-iani nal.12-18 aammalu arfininngornermi oktoberip 12-ani nal.11-14.

Assiliisartut sisamat meeqqanut qulingiluanut workshoppertitsisut tassaapput: Charlotte Lakits Frankrigimiit, Konstantin Ikonomidis Sverigimiit, Nattaphon Kakatoom Thailandimiit, Dennis Møller Kalaallit Nunaanniit.