Marie Fleischer vicekommunaldirektørinngorpoq

Kommuneqarfik Sermersuumi vicekommunaldirektørinngortussaq maanna toqqarneqarpoq, taannalu Nuummi kommuneqarfiup allaffiani ilisarisimaneqarluartuuvoq

Marie Fleischer kommunimi inuussutissarsiornermut pisortatut siornatigut sulinikuuvoq, kingullermilu Tamanut Kiffartuussivimmi pisortaasimalluni.

Atorfinitsitsinissamut ataatsimiititaliamit tamarmiusumit isumaqataaffigineqartumik vicekommunaldirektørinngortussaq toqqarneqarpoq.

”Marie taannarpiaavoq Kommuneqarfik Sermersuumi sulinissamut piukkunnaatilik. Kommunimi aqutsinermik aningaasaqarnermullu tunngasunik ilisimasaqarluartuuvoq. Peqatigitillugulu nutaamik eqqarsarsinnaassuseqartarpoq, aalajangigassanillu imaannaanngitsunik aalajangiisinnaassuseqartarluni”, kommunaldirektøri Lars Møller-Sørenseni oqarpoq.

Marie Fleischer 1. novembari atorfinissaaq. Kommunimi qitiusumik aqutsisoqarfiup ataaniittoq Suliffeqarfimmik Kiffartuussivik ulluinnarni pingaarnertut akisussaaffeqarfigissavaa. Aammattaaq kommunaldirektørimut taartaasassaaq.