Tiilerilaami innuttaasut meeqqallu nuannaartut

Oktoberip 28-iani innuttaasut meeqqerivimmut ammaanersiornermut qaaqqussaapput ”Merterdid Naaqqaviad” ammarneqarmat.

Meeqqerivimmi pialuit pinngussallu ukiualuit sanaartornerup ingerlanneqarnerani uninngasimasut, kiisami atorneqaqqissinnaanngorput.

”Iluaqaaq nutaamik meeqqerivittaarluni, atortuutigillu atoqqissinnaanngorlugit, karsinimi uninngaanarnikuupput, massakkullu atoqqissinnaanngoratsigu nuannaaqaagut”, Meeqqerivimmi ningio Elisabeth K.Berthelsen oqarpoq.

Innuttaasut meeqqallu meeqqerivittaartik nuannareqaat, ingammik meeqqat pinnguartaartik aammalu meeqqerivimmi sammisassaqaqqilernertik nuannaralugu.

”Innuttaasut nuannaaqaat nutaamik kusanartumillu meeqqerivittaarnertik, pisariaqartissimavaammi, meeqqallu nuannaarnerugunarput. Karsini soqutiginartorpassuit poortoqqasimasut pinnguareqqissinnaanngorpaat, sammisassallu nuannersut assigiinngitsut aallussinnaanngorlugit”,Elisabeth oqarpoq.