Nuuk Nordisk: Zombieland

Nuuk Nordisk kulturfestivalimut atatillugu isiginnaagassiaq Zombieland takutinneqarpoq, isiginnaagassiaq atuakkiortumik Sørine Steenholdtip atuakkiaaniik tigulaagaavoq.

Isiginnaartitsisut inuusuttut pingasut Amisuna Berthelsen, Nukakkuluk Kreutzmann aammalu Hans-Suersaq Poulsen isiginnaagassiaq inuusuttut sinnattorisaat, annilaangagisaat neriutaallu isiginnaagassiami takutippaat.

Isiginnaagassiaq sakkortuvoq, sanngiittunut tulluarsagaanngitsoq. Kommuneqarfik Sermersuumiit isiginnaariat isiginnaagassiaq isiginnaaramikku, isiginnaartitsisut takuaat isiginnaartut illartillugit, qullilisillugit tiguartikkaat.

Isiginnaagassiaq imminut toquttumik, akiniaarusuttumik, anaanamullu maqaasisumik imaqarput, isiginnaagassiarlu misigissutsinik sakkortuunik imaqarluni.

Isiginnaagassiaq sapaatiuppat oktoberip 13-iata tungaanut blok 2-imi takuneqarsinnaavoq.