Takornarialerinermut aningaasaliissutinut qinnuteqartussarsiorneq

Kingusinnerpaamik qinnuteqarfissaq: 1. februar 2019

Tunumi innuttaasut takornarialerinermut aningaasaliissutinik qinnuteqarnissamut  periarfissaqarput.

Aningaasaliissutinut qinnuteqarsinnaapput suliffeqarfiit, inuit ataasiakkaat aammalu soqutigisaqaqatigiittut immikkut suliniuteqarlutik kattussimasut.

Suliniutinni nalilersuutit suut naammassineqassappat?

Suliniummi najukkami aalajangersimasumik takornarialerinermik suliaqartup imaluunniit taassuma sullissinerata (suliaasa) annertusineqarnissaanut aningaasaliissutit, unammilleqatigiinnermut equsoortitsisussaanngitsumik imaluunniit Tunumi takornarialerinermi sulianut najoqqutassanut pitsanngorsaanissamut atorneqassapput.

Tunisassiornissaq imaluunniit sullissinissaq suliniummut ilaatinneqarpata, tunisassiassaq imaluunniit sullissinissaq sapinngisamik Tunut ingerlanneqassaaq.

Suliniummi inatsisit atuuttut malinneqassapput, tassunga ilanngullugu avatangiisit eqqarsaatigalugit imminut illersorsinnaasumik suliniuteqarneq

Suliniutigineqartoq piaakannersumik imminut akilersinnaasunngortinneqassaaq (Tunumi takornarialerinermi najoqqutassat tamanut atuuttut pitsanngorsarneqarnissaat siunertaralugu suliniutaanera aatsaat pineqanngippat).

Suliniutitsialammik ingerlataqaruit uunga qinnuteqarsinnaavutit:

Kommuneqarfik Sermersooq
Kuussuaq 2, Postboks 1005
3900 Nuuk, Grønland
E-mail: inpi@sermersooq.gl