Qeqertat aamma Pukuffiup akornanni aqqut nutaaq – angallativit peernissaa eqqumaffigiuk

Angallatit puttaqutillu kingusinnerpaamik ulloq 8. septembari nooreersimassavatit. Ingerlaarfigineqarsinnaasoq angallatinut asserneqarpoq prammip kalittaatillu tamaani suliaminnik naammassinissaasa tungaanut.

Kommuneqarfik Sermersooq massakkut Qeqertat aammalu Pukuffiup akornanni nutaamik aqqutigineqarsinnaasumik pilersitsivoq. Tulliuttoq tassaavoq kitaatigut sapusiamiit Pukuffiup tungaanut ikaartarfiup ikkunneqarnissaa.

Ulloq 10. septembari ikaartarfik prammimiitillugu Polenimiit tikiunneqassaaq. Ikaartarfik umiatsiaaraatileqatigiiffiup Iggiaatalu kangerliumarngatigut ingerlanneqassaaq. Ikaartarfiup inissaanut ingerlanneqarsinnaaqqullugu 170 meterit missiliorlugit annertutigisumik inissaqarnissaq pisariaqartinneqarpoq.

Angallatit puttaqutillu nuussavatit
Kommuneqarfik Sermersuup angallataatillit, angallatiminnik avalattaatiniittuutillit, takussutissiami kiliortorniusamik ersersinneqartumi, qinnuigivai angallatiminnik nuussinissaannik. Angallatit nuussavat angallat kalittaat prammilu ikaartarfimmik usisoq tassani ajornaquteqanngitsumik angalasinnaaniassammata. Angallatit avalattaatillu piissavatit kingusinnerpaamik ulloq 8. septembari.

Imartami tassani angallatit avalattaatillu peersimanngikkukkit ulloq pineqartoq nallertinnagu, taava taakku Per Aarsleff Grønlandimit Iggiaanut illit akilikkannik nuunneqassapput.

Imartaq angallavigineqarnissaminut matuneqarpoq, prammip aammalu angallatip kalittaatip tamaani suliaasa naammassineqarnissaasa tungaanut.

Suliap ulloq 10-ani ingerlanneqarnissaa aatsaat pisinnaavoq ullormi tassani sila ajunngippat suliarlu ulloq taanna naammassineqarsinnaappat, kiisalu pisut naatsorsuutiginngisat ikaartarfiup ikkunneqarnissaanut ajornartitsinngippata.