Innuttaasunut

Kommunalbestyrelsimi ilaasortanik sulinngiffeqartoqarnera.

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Marlunngorneq ulloq 28. aggusti Kommuneqarfik Sermersuumi kommunalbestyrelsimi nikisitertoqarpoq. Ilasaasortat marluk Nivi Olsen (D) aamma Malene Lynge(IA) kommunip avataanut nuuttussanngorneq pillugu sulinngiffeqarnissamik qinnuteqarput.

Nivi Olsen Michael Rosingimit taarserneqassaaq, kommunalbestyrelsimut qinersisoqarmat Demokraatit sinnerlugit sassartoq, maannali Suleqatigiissitsisuni ilaasortaasoq. Malene Lynge Charlotte Pike-mit (IA) taarserneqassaaq.

Nivi Olsen Kommunalbestyrelsimi ilaasortaanermi saniatigut borgmesterip tulliatut siullertut inissisimavoq – Randi Vestergaard Evaldsenillu (D) taarsissavaa. Marlene Lynge borgmesterip tulliata aappaatut inissisimavoq. Uju Petersenimit (IA) taarserneqassaaq.

Nivi Olsen aamma Malene Lynge, ataatsimiititami siulittaasuupput, aappaa Meeqqanut Atuarfeqarnermullu Ataatsimiititami aappaalu Sanarfinermut Avatangiisinullu Ataatsimiititami. Kikkut siulittaasunngussanersut ataatsimiititat taakku marluusut inissitsiterluni ataatsimiinneranni aalajangerneqassaaq.