Maaru eqqaaniarneqartoq

Ammassallip kommuniani borgmesteriusimasoq, Vittus Maaru Mikaelsen pingasunngornermi ualikkut Tasiilap iliveqarfiani eqqaaniarneqarpoq.

Borgmester Asii Chemnitz Narup naasunik nassarpoq taakkulu Maarup ilivianut ilineqarput.

Borgmesteri oqalugiarnermini ilaatigut ima oqarpoq: – Kommunalbestyrelse sinnerlugu maaniippugut, qangalilu kissaatigisimavarput katerilluta eqqaanialaassasugut peqatigalusi. Uummammik pisumik qujassutissarpassuaqarpugut. Kommunerujussuanngornitsinni Maaru assut suleqataasimavoq. Angutaavoq alutornartoq nunaqqatiminut sullisserusuttoq, ilungersuuteqarluartoq, anguniakkanilu angorusuttarpai. Sulilluartutut eqqaamaqaarput.

  • Eqqaaneqarnera ataqqinartuutillugu uummammik pisumik qujaniarnermik apuukkusuppara, Asii Chemnitz Narup oqarpoq.

Vittus Maaru Mikaelsen Ammassallip kommuneani borgmesteriuvoq 1997-miit 2008-mut, kommunerujussuanngunnginnermilu 2009-mi borgmesteriulluni kingulleq.

Asii oqalugiareermat Inngeratsiler appisimaarput ilaqutaasullu aamma oqaaseqarlutik.