Eqqagassat angisuut katersorneqartussangorput

Nuuk: Eqqagassaatitit angisuut, Kommuneqarfik Sermersuup najukkavit eqqaanut aassavai. Eqqagassaatitit angisuut aatinniarukkit Eqqakkanik Tigooraavik sianerfigissavat allaffigaluguluunniit.

Upernaaq manna eqqakkanik angiusuunik katersineq sapaatip akunnerani kingullermi Qinngutsinni aallartippoq. Tassani innuttaasut nammineq illumi, andelsboligimi inimiluunniit nammineq pigisami najugallit kommunip eqqaavilerisuinik aallertitsinissamik periarfissinneqarsimallutik. Aallertitsineq innuttaasut nammineerlutik piffisaqarnerat malillugu piffissamilu 17.00-miit 21.00 tikillugu, marlunngornermi, pingasunngornermi sisamanngornermilu ingerlanneqarpoq.

“Innuttaasunut eqqakkanik angisuunik allertitsiniarlutik nalunaarsimasunut assut iluatsilluarpoq. Taamaattorli ajoraluartumik aallertitsiniarlutik nalunaarsimasut amerlasimanngillat. Una eqqakkat angisuut eqqarsaatigalugit sullissinermik pitsanngorsaatitut isigisarput, amerlanerusunit maluginiarneqarumaartoq neriuutigaarput. Sapaatip akunnerini aggersuni innuttaasut Nuussuarmi Nuummilu najugallit, eqqakkanik angisuunik aallertitsinissaminnut inniminniisinnaapput, Qinngutsinnullu aqqusaaqqikkumaarpugut,” Nuummi eqqakkanik tigooraavimmi siunnersorti Zenica Gosvig Larsen oqarpoq, nagillunilu:

“Taamatut innuttaasunut neqerooruteqarnissarput toqqarsimavarput, eqqakkat angisuut isumannaatsumik eqqarneqarnissaat qularnaarniarlugu, tassuunalu eqqakkat aqqusernup sinaanut iliorarneqartut ikilisarniarlugit. Innuttaasunut avatangiisitsinnullu tamanna pitsaaneruvoq. Taamaammat kikkut tamaasa, eqqakkanik najukkap eqqaanut aallertitsinissamik neqeroorummik atorluaanissaannik sakkortuumik kaammattorusuppagut – nammineerlutik eqqakkanik tigooraavimmukaatinngikkaluarlugit.”

Sapaatip akunnerini aggersuni aallertitsinissamut periarfissat arlallit
Kommuneqarfik Sermersooq sapaatip akunnerani uani eqqakkanik angisuunik Nuussuarmi aallertassaaq, aallertitsinissamullu nalunaarsinnaalereerputit. Ullumi aallartitsivigerusutarni aamma aallertitserusullutit sianersinnaavutit. Ulluni taakkunani kommunimi sulisut nalunaaquttap 21.00 tungaanut oqarasuaat tigusinnaavaat. Atunngitsunillu biileqarpat ullumi pineqartumi aallertitsinissat periarfissaasinnaavoq.

Imatut aallertitsinissamut nalunaassaatit
Eqqakkanik tigooraavik attavigiuk
Oqarasuaat 36 74 11
E-mail: affald@sermersooq.gl

Aallertaarnissamut pilersaasut
Nuussuaq: 29-31. maj 2018
Nuuk: 5.-7. juni 2018
Qinngorput: 12.-14. juni 2018
Nuussuaq: 18.-20. juni 2018
Nuuk: 26.-28. juni 2018

Eqqaamajuk, aallertoqarnerani minnerpaamik inuk ataaseq najuutissammat, eqqakkat biilinut ikiorarneqarniassammata, eqqakkallu imatut immikkoortitissagakkit:

  • Eqqakkat savimerngit
  • Ikuallajasut – ikuallajasut minnerit pooqattanut ikiorqarneqassapput
  • Ikuallajasuunngitsut
  • Elektronik igaffimmilu atortut
  • Eqqagassat ulorianartut – qalipaatit allallu arrortikkuminaatsut

Sanilitit peqatigalugit eqqassinni saliinissamik aaqqissuunnissaanut aamma periarfissaqarpusi, tassanngalu eqqagassat katersorneqartut aatillugit.

Nuummi maajimi juunimilu eqqagassanik annertuunik katersineq