Foodlab

Kommuneqarfik Sermersooq Foodlab-imik atuerusussinnaasunik oqaloqateqarnissamut qaaqqusivoq


27.NOVEMBARI

NAL. 16.30-17.30

NUUKULLAK 35 - NUUK 3900


Kommunimit kissaatigineqarpoq Nuummi nutaaliorlutik nerisassassiortartunut pitsaanerusumik sinaakkutissaqartitsinissaq. Eqqarsaatigineqarpoq Foodlab igaffiussasoq atuisunit ingerlanneqartoq aallarnisaasut suliffeqarfiillu kalaallit nerisassaataat aallaavigalugit ataatsimoorfigisinnaasaat. Peqatigitillugu Foodlab suleqatigiinnut atortulersuinikkut toqqammaviussaaq.

Foodlab aallarterlaanut annikitsunnguanik misileraasunut aamma suliffeqarfinnut misi­littagaqareersunut sammitinneqarpoq, nioqqutissianik nunatsinni takornarianullu nerisassiassanik nioqqutissiorusuttunut. Foodlab pillugu takorluugaraarput amerlanerusut kalaallit nerisassaataannik misiliraanikkut isumassarsiffigisinnaasaat, piffis­sallu ingerlanerani nutaaliornikkut aallarnisaaffigisinnaasaat.

Suliffeqarfeeqqat kalaaliminernik nioqqutis­siorusuttut igaffimmi atortuutinik assigiinngitsorpassuarnik peqarneratigut Foodlab ingerlatsinermut aningaasartuutinik annikilli­saasitsisinnaavoq.

Taamaalilluni Foodlab atorlugu nunaqavissunut takornariaqarnermilu suliffissuarnut immikkut nioqqutissanik suliffeqarfeeqqat akilersinnaasumik nioqqutissiornissaat piviusun-ngortinneqarsinnaavoq.

Piffissap ingerlanerani Foodlab atuisut aqqutigalugit ilisimasanik pioreersunik katersiffiusinnaavoq aamma inuiaqatigiinni soqutigisaqaqatigiinnik pilersitsisinnaalluni, taamaasilluni atuisut kattussinnaallutik aallarnisaasunullu nioqqutissiassanut immikkut soqutigisalinnut ataqatigiiaarisinnaallutik.

Oqaloqateqarnerup kingorna nutaamik neqerooruteqartitsinissamut isumassarsiat ilanngunneqarumaarput.

PDF