Innuttaasunut

Kommunalbestyrelsip Nunaqarfinnilu Aqutsisut suleqatigiinnissamut isumaqatigiissummik atsioqatigiipput

Paasissutissaq qangarnissaq

Akit, ammasarfiit, malittarisassallu il.il. uani saqqummiunneqartut qanganitsersimasinnaapput.

Kommuneqarfik Sermersuumi borgmesteri Asii Chemnitz Narup kommunimilu Nunaqarfinni Aqutsisuni siulittaasut sisamat qinigaaffimmi matumani suleqatigiinnissamik isumaqatigiissummik atsioqatigiipput.

Marlunngornermi ullaakkut borgmesteri Nunaqarfinnilu Aqutsisuni siulittaasut sisamat suleqatigiinnissamik isumaqatigiissummik nutaamik atsioqatigiipput.

Isumaqatigiissuteqarnikkut Kommunalbestyrelsip, nunaqarfinni aqutsisut attaveqaqatigiittarnermullu immikkoortortap atuuffii ersarissisinneqarlutillu erseqqissaatigineqarput. Peqatigitillugu isumaqatigiissut Kommunalbestyrelsip aningaasaliissutaasa sumut atorneqartarnerinik ersarinnerulersitsivoq.

Qinigaaffiup siuliani isumaqatigiissutaasumut sanilliullugit immikkoortut marluk erseqqissaqqinneqarput.

Kommuneqarfik Sermersuumi Pisortaqatigiit sulianut nunaqarfinni allannguutinik kinguneqartussanut tunngasunut tusarniaaqqaartartussanngortinneqarput.

Tamatuma saniatigut allaffissornermi sulianik ingerlatsisarneq ersarissarneqarpoq. Borgmesterip Allatseqarfiata nalilerpaa nunaqarfinni aqutsisunit siunnersuutit saaffiginnissutillu nalilissallugit, aalajangertassallugulu sulineq allaffissornikkut ingerlanneqassanersoq imaluunniit politikkikkut aalajangiiffigineqassanersoq – imaluunniit saaffiginnissutaasoq ingerlatsivinni pisortanut attuumassuteqartunut ingerlateqqinneqartassanersoq.

Suleqatigiinnissamik isumaqatigiissut atuaruk

Paasissutissat
Kommuneqarfik Sermersooq sisamanik nunaqarfinni aqutsisoqarpoq.

Kulusummi, Tiilerilaami Isertumilu Nunaqarfinni Aqutsisut Siulittaasoq Justus Poulsen

Kuummiinut aamma Sermiligaamut Nunaqarfinni aqutsisut Siulittaasoq Peter Nathanielsen.

Kapisilinni Qeqertarsuatsiaanilu Nunaqarfinni Aqutsisut Siulittaasoq Manassinnguak Noahsen.

Arsummi Nunaqarfimmi Aqutsisut Siulittaasoq Niels Peter Mikaelsen.