Kommunimut pilersaarummut tapiliussat 1C6-1 aamma 2C3-1 inaarutaasumik akuersissutigineqarneri

Kommunimut pilersaarummut tapiliussat ”Paassaasivik” aamma ” Talittarfiup saava inissiallu, Iggiaata avannaatungaani, Nuussuaq pillugu Kommunimut pilersaarummut tapiliussaq 2C3-1” Kommuneqarfik Sermersuumi kommunalbestyrelsimit oktobarip pingajuanni 2017 akuersissutigineqarput.

Paassaasivik

Kommunimut pilersaarummut tapiliussaq 1C6-1

KOMMUNIMUT PILERSAARUMMUT TAPILIUSSAP SIUNERTAA:
Kommunimut pilersaarummut tapiliussatut siunnersuummi immikkoortup ilaa pioreersoq »1B3 Nuukullak« allanngortinneqarpoq, immikkoortoq B-mit (Inuussutissarsiuteqarfik) immikkoortoq C-mut (Qiterisaqarfik tamanut siunertat), tamatumuuna immikkoortup siunissami atorneqarnissaanut illoqarfimmi atuuffinnut nutaanut pitsaassutsinullu naleqqussarneqarnissaa periarfissaalissalluni. Pitsaasunik illoqarfiup immikkoortullit inissiaqarfillillu illoqarfimmik ineriartortitserusunneq kommunip Illuliortaatsimut politikkiani kommunalbestyrelsimit 2016-imi akuersissutigineqartumi ilaatinneqarpoq.

Kommunimut pilersaarummut tapiliussatut siunnersuut pilersaarusiorfiusumi illoqarfiup ingerlaavartumik ineriartortinneqarnissaanut ammaassiffiussaaq. Sanaartorfissanik nutaanik immikkoortitsisoqarpoq, nunaminertanik atugassiissutit pioreersut, inissianik pingasuniit tallimanut quleriilinnut sanaartorfiusinnaasut, aallaavigalugit. Pilersaarummi inissiaqarfinnik inini allerni, sumiiffimmi pioreersut tamaaniiginnarnissaannik nutaaliortoqarnissaanillu periarfissiilluni qiterisaqarfittalinnik sanaartortoqarnissaanut periarfissaqassaaq.

Kommunimut pilersaarummut tapiliussatut siunnersuummi Qinngutta tungaanut immikkoortumi nutaami paassaasivitoqqap eqqaa ilaatinneqarpoq. Aammattaaq illuaraliortoqarnissaanut, cafeliornissamut sukisaarsaartarfittullu atugassamik sanaartornissamut, assersuutigalugu immikkoortumut attuumassuteqartumik sineriakkut pisuinnaat aqqutaannik pilersitsinissamut periarfissiisoqassaaq.

Talittarfiup saava inissiallu, Iggiaata avannaatungaa, Nuussuaq

Kommunimut pilersaarummut tapiliussaq 2C3-1

KOMMUNIMUT PILERSAARUMMUT TAPILIUSSAP SIUNERTAA:
Kommunimut pilersaarummut tapiliussamut siunnersuutip siunertaraa, naluttarfiup Maliup eqqaani kangerliumanermi illoqarfiup ineriartorteqqinnissaanut periarfissaqalersitsinissaq. Pilersaarutitut siunnersuummi malitassat, nutaamik kajuminnartumillu sunngiffimmi timersornermilu neqeroorutit peqqinnartut immamut avatangiisilimmik ineriartornissamut pilersitsissapput, Nuummilu inissaaleqinerup iliuuseqarfiginissaa eqqarsaatigalugu inissialiornissamut qaninnerulersitsissalluni.

Kommunimut pilersaarummut tapiliussamut siunnersuut Larsen & Co A/S-imit suliniutissatut siunnersuummit aallaaveqarpoq: Nuussuaq, Inissiat, Talittarfiup saava Atortorissaarutillu, Nuuk, Pilersaarusiornermut Inatsimmik allannguinermi 1. januar 2016 naapertuuttumik Kommunalbestyrelsimit 14. juni 2016 akuerineqarsimasoq.

Kommunimut pilersaarummut tapiliussatut siunnersuut naapertorlugu, inissiat 80-it sanaartorfinnut sisamanut agguataakkat sanaartorneqarnissaat periarfissaalissaaq, taakkulu quleriit arfinillit tikillugit portussuseqalersinnaapput, inissiallu angissusaat piginnittuilu assigiinngitsuusinnaallutik. Aammattaaq sanaartorfissamik ataatsimik ilasisoqarpoq, tassanilu meeraaqqerivimmik meeqqeriviutigisumik/sammisassaqartitsivimmik/cafémik sanaartortoqarnissaa periarfissaassaaq kiisalu naluttarfiup Maliup allilerneqarnissaanut periarfissat ammaanneqarnissaannut nunaminertamik ilasisoqarluni.

Inatsisitigut atuutsitsineq
Kommunimut pilersaarummut tapiliussaq inaarutaasumik akuersissutigineqarnikoq tamanut saqqummiunneqareerpat, inatsisinut imalunniit kommunimut pilersaarummut tapiliussami aalajangersakkanut akerliusumik sanaartotoqarsinnaassanngilaq, Pilersaarusiornermut inatsit § 30 takiik.

Naammagittaalliornissamut ilitsersuut
Kommunalbestyrelsip aalajangiinera pillugu naammagittaalliuteqarusukkaanni, tamanna Naalakkersuisunut saaffiginnissutigineqassaaq:

Naalakkersuisut, Ineqarnermut Naalakkersuisoqarfik, Postboks 909, 3900 Nuuk.

Naammagittaalliut saqqummiussap uuma saqqummiunneqarneraniit sapaatit akunneri arfineq pingasut qaangiutsinnagit tunniunneqareersimassaaq.