Meeqqavit ulluunerani paaqqinnittarfia naammaginngikkukku naammagittaalliuteqarnissannut pisinnaatitaaffeqarputit. Soorlu makkua naammagittaalliutigisinnaavatit:
- Meeqqavit utaqqisut allattorsimaffianni inissisimanera
- Angerlarsimaffimmi paarsisussamik atorfinitsitsineq
Najukkanni kommunalbestyrelse-mut naammagittaalliuteqarsinnaavutit. Naammagittaalliutit allagaassaaq, eqqaamajullu pappilissat naammagittaalliutinnut tunngassuteqartut ilanngutissagakkit. Naammagittaalliutivit kommunalbestyrelse-mit aalajangiiffigineqarnera naammaginngikkukku Isumaginninnermi Naammagittaalliuteqartarfimmut ingerlateqqissinnaavat.
Kommunalbestyrelse-p naammagittaalliutinut allanut tunngasunut aalajangiineri naammaginngisatit oqartussaasunut allanut ingerlateqqissinnaanngilatit.