Kommuneqarfik Sermersuup timersornikkut suliniuteqarfimmi pingaarnertut anguniagaraa, amerlanerpaat timersorlutillu timimik aalatitsisarnissaat. Kommunip piumassutsimik sulerusussusillit qanimut suleqatigissavai, maanna timersorneq pillugu nalissaqanngitsumik suliniuteqalereersimasut.

Timersornermut politikkip naleqartitani atorlugit, anguniakkani pilersaarusianilu siunissami ineriartornissaq uani suliniuteqarfimmi pingaaruteqartumi siunertarissavai.

Timersornerup, Kommuneqarfik Sermersooq nunatsinni nunanilu allani ilisimaneqalernissaanik periarfissaqalersittarpaa, timersornerup silarsuaani alutornartunik aaqqissuussiviusarnikkut.

Timersorneq inuppassuarnut kajuminnartuuvoq. Timersorneq aalanerlu nuannerput pissanganarlutillu. Aalagaangatta timersornernut peqataalluta, tamatta naligiittarpugut qanorluunniit inuttut inissisimaveqaraluarutta. Timersornerup inuit katersuutsittarpai inuunermullu pitsaassutsimik, peqqinnermik, nuannaarnermik ataatsimuussusermillu qanorluunniit ukiulinnut pilersitsisarluni. Taamaattumik pingaaruteqarpoq, innuttaasut tamarmik ajornanngitsumik pitsaasumillu timersorfissaqarsinnaanissaat. Kommuneqarfik Sermersuumi assigiinngitsunik timersortartoqarpoq ilaatigut elitetut timersortartut, ulluinnarni innuttaasunut misigisanik nuannersunik tunisisartunik. Apeqqutaanngilaq pinngortitamut misigisassarsiorluni angalaaraanni, timimut anersaamullu nukkassaata- asumik, elitetut timersortartuugaanni unammersuarnissamut tullermut piareersartoq imaluunniit peqatigiiffinnut peqataaniarluni pigaanni ataatsimuussuseq pingaaruteqartarpoq. Tamakku tamarmik inissaqartinneqassapput, Kommuneqarfik Sermersoorlu tamanna anguniarlugu pimoorussilluni suliniuteqassaaq.

Sungiusarnermut timigissarnermut pinnguarnermullu tunaartassat pitsaasut pilersikkusuppavut qassinilluunniit ukiulinnut, periarfissallu attatiinnarusuppavut ineriartortillugillu taakku innuttaasunut tamanut ataatsimoornermik aalanermillu siuarsaasuummata. Siunissami ineriartornissamut timersorneq pillugu politikkimut tunngavissanut ilaavoq. Kommunalbestyrelsi immikkut akisussaaffeqarpoq, anguniakkatta angunissaanut, taamaattorli minnerusumik annerusumilluunniit peqataasorpassuit tunniussisarnerisigut timersorneq taamalu politikki piviusunngortinneqarput. Unammilligassaq ataatsimut tigussavarput, Kommuneqarfik Sermersuumilu timersorneq tamanut iluaqutaasussaq ineriartorteqqillugu.

Takorluugaq

Innuttaasut kikkulluunniit timersorusullutik pitsaasunik atugassaqarnissaat tunngavigalugu Kommuneqarfik Sermersuumi timersorneq pillugu politikkikkut takorluugaavoq. Sapinngisamik amerlanerpaat timersornermi peqatigiiffitsigut sammisaqartut eqqarsaatigalugit peqataatinneqassapput, imaluunniit namminneerlutik timersornermik ingerlataqarsinnaassallutik.

Meeqqat inuusuttullu sunngiffimmi timi atorlugu sammisaqartinneqarluarnissaannut Kommuneqarfik Sermersuumit immikkorluinnaq kissaatigineqarpoq.

Peqqinnartuuvoq, aammalu meeqqat inuusuttullu inooqataanerannik nukittorsaaqataalluni. Timersortartut immikkut pikkoriffeqartut pitsaasunik atugassaqartinnissaat Kommuneqarfik Sermersuumit neqeroorutigineqarusuppoq, taamaalillutik tamakkiisumik pikkoriffitik atorniassammatigit neriuutigineqarlunilu nuna tamakkerlugu nunanilu tamalaani angusaqartalerumaartut. Timersornerup siammarnissaa timersortartut pikkorivissut siuariartornissaat neriuutigalugu tunngaviusumik isummatsigut siuarsarusupparput.

Anguniakkat

Timersorneq innuttaasut inuunerannik pitsanngorsaasutut kommunimit isigineqarpoq inuillu ataasiakkaat peqqissutsimikkut timikkullu ineriartuutigisinnaasaattut isigalugu, aammalumi siunnerfilimmik siunnerfiillu piviusunngortinnissaannut suleqatigiissutsimik piginnaanernik, akisussaassutsimik anguniagaqarnissamullu piginnaasanik peqalersitsisutut isigineqarluni.

Iliuusissat

Innuttaasut amerlanerpaat assigiinngitsunik timersuutinik ingerlataqartuusut kommunimit aalajangersimasumik tapersersorneqassapput. Timersorneq peqqissutsimik siuarsaanermi kiisalu pitsaaliuinermik suliniuteqarnerni innuttaasut namminneerlutik akisussaaffigisaanni qitiuvoq, taamaattumik timersorneq kommunimit tapersersorneqassaaq.

Timersornermi Kommuneqarfik Sermersuup takorluugai suliassaalu piviusunngortinniarlugit aqqut assigiinngitsorpassuarnik imaqassaaq:

  • Timersornikkut neqerooruterpassuit ersarinnerulersinniarlugit kommunimit iliuuseqartoqassaaq, aammalu timersornermik ingerlataqartut amerlinissaat kommunimit ataavartumik malinnaavigineqassaaq

  • Nunatamakkerlugununanilutamalaani timersornikkut aaqqissuussinernut Kommuneqarfik Sermersuumit aggersaasartussatut neqeroorutiginissamut periarfissat eqqumaffigineqassapput. Taamaaliortoqassaarlu atortorissaarutigineqartut pisariaqartut piginerisigut aammalu taamatut aaqqissuussaqartoqarnerani allaffissornikkut aaqqissuussatigullu suliassat piareersimaffiginissaat eqqarsaatigalugit

  • Peqatigiiffilerinermipiumassutsiminnik suliaqartut naliitsumik iliuuseqarnerat Kommuneqarfik Sermersuumit pitsaanerusumik ikorfartorneqassaaq. Piumassutsiminnik suliaqartut allaffissornikkut ikorfartorniarlugit qarasaasiatigut ikiuuttarnissaq neqeroorutigineqassaaq

  • Kommunip peqatigiiffiillu akornanni sapinngisamik pitsaanerpaamik attaveqaqatigiinnissaq kommunimit qulakkeerneqassaaq aammalu peqatigiiffiit akornanni attaveqaatitut nukittuutut ataqatigiissaarineq isumagineqassalluni

  • Piumassutsimik suliaqartut piginnaasaasa ineriartorinnissaannut kommune neqerooruteqassaaq, taamaalillutimmi peqatigiiffinni suliat sapinngisamik pitsaanerpaamik suliarinissaannut piareersimalluarniassammata

  • Timersornikkut neqeroorutit inerisarnerisigut, timersornerup ineriartornera assigiinngisitaartuunissaa Kommuneqarfik Sermersuumit isumagineqassaaq. Nutaat takkutissapput, aammalu timersornermik ingerlataqartut nutaat takkutissallutik. Nalinginnaasumik peqatigiiffilerinermik ingerlatsinerup saniatigut, ataasiakkaat namminneq timersornermik namminneq isumartik atorlugu ingerlataqarnissaat annertuumik pisariaqartinneqassaaq

  • Timersortartut atortorissaarutit atortagaat pillugit inerisaaqqinnissamut tamakkiisumik pilersaarut Kommuneqarfik Sermersuumit suliarineqassaaq

  • Tamakkiisumik pilersaarummi immikkut eqqumaffigineqassapput, atortorissaarutit atukkiunneqartartut pioreersut iluarsartuunnerisigut timersornermik pitsaanerpaamik siuarsaanissamut atorsinnaanngorneqassasut aammalu neqeroorutinut eqaatsumik pisariaqartitanut tulluuttunngortinneqassasut

  • Kommunimittaaq pinngortitami sunngiffimmi periarfissatsialaqarnermi neqeroorutit inerisarneqarnissaat Kommuneqarfik Sermersuumit immikkut pingaartinneqarpoq

  • Taamaalilluni aamma kommunimi arsaattarfissuarmik pilersitsineq tamakkiisumik pilersaarummut aalajangiisuussaaq. Matumani pineqassapput arsaattarfissuaq utoqqaat timersornissaannut atortorissaarutilik, timigissartarfilik, kikkunnut tamanut eqaarsaartarfilik, atletikkertarfilik, innartortarfilik, crossfitsertarfilik isikkamillu arsaattarfilik. Arsaattarfissuassaq assersuutigalugu aamma tusarnaartitsinernut saqqummersitsinernullu atorneqarsinnaassaaq. Arsaattarfissuaq qulisaassaaq ivigaaraasaqarluni nunani tamalaani piumasaqaatinut naapertuuttumik malinnittumik
  • Avataaniit timersorneq pillugu suleqateqarneq, kommunimi timersornerup siuarsarnissaanut periarfissaalluartutut Kommuneqarfik Sermersuumit isigineqarpoq. Taamaalilluni kommunimit kiffartuussinermut najoqqutassaq ineriartortinneqassaaq, taannalu malillugu siunissami ungasinnerusumi ajornaatsumik tikeraanik tikilluaqqusisoqarsinnaavoq, atortorissaarutinik unnuisarfinnillu neqeroorfigalugit

Suliuniutit sukumiisut

Nittartagaq sunngiffik.gl

Nittartagaqarnikkut peqatigiiffiit namminneq allaffissornikkut atuinerannut annikillisaataasinnaavoq aammalu piumassutsiminnik suliaqartunik ujaasinissamut aaqqissuisunut ajornaannerussalluni, aammalu piumassutsiminnik sulisunut sulisussatut ajornaannerussalluni.

Nittartagaq toqqaannartumik peqatigiiffinnut, piumassutsimik sulisunut innuttaasunullu tunngatinneqarpoq. Nittartagaqarnikkut kommunimut iserfissaq ataasiinnaassaaq – isaavik ataaseq. Nittartakkatigut peqatigiiffiit, piumassutsiminnik sulisut innuttaasullu innuttaasunik sullissivimmut saaffiginninngikkaluarlutik paasissutissanik pissarsiniarsinnaapput aammalu nittartakkanik assigiinngitsunik misissueqqaaratik.

Nittartagaqarnikkut digitalinngortitsineq piulerpoq Kommuneqarfik Sermersuumilu piumassutsimik sulinissamut nalunaarsuinissaq, tapiissutinik qinnuteqarnissaq, atortorissaarutit aaqqissuussinerillu nalunaarsornissaat ajornaallillutik. Ima paasineqassaaq, peqatigiiffiit piumassutsimillu suliaqartut eqqarsaatigalugit paasiuminarnerulissaaq ammanerullunilu.

Tamatuma saniatigut nittartagaqarnikkut peqatigiiffiit niuernikkut ussassaarinernut, pilersaarusiornernut suliaqartut oqaloqatiginissaannut, piumassutsimillu suliaqartut sulisilernissaannut Kommuneqarfik Sermersuumit suleqataasoqassaaq.

Kommunimit pisariaqartinneqartoq malillugu nittartagaq peqatigiiffiit pisariaqartitaat naapertorlugit kommunimit ineriartortinneqassaaq.

Sunngiffimmi sammisassanut assigiimmik periarfissaqarneq

Sammisassaqartitsinermut allagartat, naluttarfimmut akeqanngitsumik iserneq aamma immaqa soorlu Nuussuarmi majuartaateeraliorneq il. il. kikkunnik tamanik assigiimmik pinninnissamik periarfissiissaaq.

Meeqqat inuusuttullu eqeersimaarnerusut amerlanerit

Meeqqat inuusuttullu amerlasuut timersornermik aallutaqartilernissaat anguniarlugu, taamatut aaqqiissuteqartoqassaaq tassanilu meeqqat arfinilinniit 17-it tikillugit ukiullit timersornermi peqatigiiffimmi ilaasortaasinnaallutik ukiup ataatsip missaani akiliinatik ilaasortaasinnaallutik.

Aaqqissuussineq kommunimi peqatigiiffiit oqaloqatiginerisigut pilersinneqassaaq aamma piffissami misileraaffiusumi Kommuneqarfik Sermersuumi aningaasanik aningaasalersorneqassalluni. Aammattaaq piffissami misileraaffiusumi meeqqat inuusuttullu sunngiffimmi sammisaqartitsinernut aaqqissugaasunut ilanngutitinnissaannut periutsinik nutaanik nassaartoqarluni. Aaqqiissut 2016-imi atulersinneqarpoq.

2016-ip naanerani ikinnerpaamik meeqqat inuusuttullu 100-200-it tungaanut aaqqiissut atorlugu sunngiffimmi atuisunngoreersimassapput. Ikinnerpaamik 50 %-ii sunngiffimmi susassaqartitsinermi akeqanngitsumik sammisaqartitsinerup naanerata kingorna sammisaqarnertik ingerlatiinnassagaat naatsorsuutigineqarpoq.

Sport Event Nuuk

Kommuneqarfik Sermersuup peqatigiiffiillu akornanni ataqatigiissitsisoq, ingerlatitseqqittarnermik paasissutissiisarnermillu qitiusoqarfik, timersoqatigiiffiit, sulisoqarfiit innuttaasullu suleqatigalugit ineriartortitsisoq unammiuaartarnernillu nutaanik pilersitsisoq, taamaalillunilu ingerlatsisut, kajumissutsiminnik suleqataasut minnerunngitsumillu timersortartut akornanni attaveqaateqalersitsisoq.

Kommunetapiissuteqartarnermigutkommunilu timersoqatigiiffiit timersortarfinnik atuinissaannut tiiminik tunioraasarnermigut inissisimaffeqareerpoq, taamatullu Timersortartut siunnersuisooqatigiivi pilersinneqaqqammersut suleqa- taalereerlutik.

Timersoqatigiiffinnik, timersornermut klubbinik soqutigisaqartunillu aningaasaleeqataasut najoqqutassiissutaat, aningaasaleeqataasunik atuutilersitsineq aammalu tuniniaanissamut periarfissaasa pitsanngorsarnerisigut suleqateqarneq, siunnersuineq ilitsersuinerlu. Timersoqatigiiffinnut peqatigiiffinnullu, klubbimut tassungalu aningaasaliisartumut naleqarnerulersitsisartumik aningaasaliisar- tut najoqqutassiaannik ineriartortitsineq atuutilersitsinerlu.

Sport Event Nuuk suleriaatsinik, mailikkut nutaarsiassanik, paasissutissanik suliaqarneq nassiussuineq, susassaqartitassanik eventinillu pilersitsineq, isumassarsianik ineriartortitsineq, pilersaarusiorneq, timersornermilu pisoqartitsinernik ingerlatsineq nalilersuinerlu, kiisalu allaffissornermut suliassanik assigiinngitsunik ilusilersuissaaq.

Atortorissaarutinik inerisaaneq

Suliniut siulleq tassaasariaqarpoq, assigiinngitsorpassuarnik atuiffiusinnaasoq, soorlu Suliniut Qulisatut ittoq.

Suliniut Qulisaq

Taamatut suliniuteqarnermi timersornerup iluani assigiinngisitaartut tunniussaqassapput, ima paasillugu meeqqat inuusuttullu suliniut iluaqutigissavaat, taavalu timersornermi atortutigut pioreersutigut piffissamik atuilluarnissaq piujumaarluni. Ima paasineqassaaq, timersorneq siammasissoq siammasissumik inerisarneqassaaq. Soqutigisaqaqatigiit allat, soorlu suliffeqarfiit, meeqqeriviit assigisaalu allat, timersoqatigiiffiit nutaat aammalu timersuutit nutaat atortuutitigut atuinissamut ilanngunneqassapput.

Atortuutit pioreersut iluarsartuunneri

Tamanna suliarineqassaaq Atuarfeqarnermut Ingerlatsiviup aammalu Peqqinneq, Pitsaaliuineq Susassaqartitsinerullu akornanni suleqatigiinnerisigut.

Ivigaaraasat imaluunniit sioqqanik arsaattarfiit tamaasa, silami timigissaatit, majuartaatit, unnuisarfiit, arsaattarfiit assigiinngitsunut atorneqarsinnaasut kiisalu sunngiffimmi sammisaqarnerni atortut allat kommunimit inerisarneqarlutillu aserfallatsaaliorneqartassapput. Atortortissaarutit ineriartortinneqarneri sammisaqartitsinerit inerisarneqarnerinut pisariaqartinneqarnerinullu malinnaatinneqassapput.

Kalaallit Nunaanni Timersoqatigiit Kattuffiannik suleqatigiinnissamut isumaq atigiissuteq arneq

GIF aamma Kommuneqarfik Sermersooq 2016-imi Kommuneqarfik Sermersuumi timersorneq pillugu suleqatigiinnissamut isumaqatigiissusiorput.

Isumaqatigiissut naapertorlugu Kommuneqarfik Sermersuup aamma GIFip suleqatigiinnerisigut suliassaqarfiit suliallu pissusissamisoortumik sammineqartassapput. Isumaqatigiissutip inuttassat, anguniakkat, akunniliussat kiisalu uppernarsaasiornerit attaveqaqatigiinnerillu nassuiarpai.

Kommunimi peqatigiiffinni assigiinngitsuni aamma atuarfeqarnermi suliassaqarfiup iluani eqaarsaarnissaq timigissarnissarlu pillugit kommune peqataatitsinissaminut qitiusumik inissisimavoq. Kommunimit pitsaassuseq qulakkeerneqassaaq aammalu timersorneq pillugu anguniagaq pigineqassalluni. Kommunimi timersornermut politikkip akuersissutigineratigut inerisaanissaq kommunimit tunngavilerneqassaaq.

Timersorneq pillugu siunnersuisooqatigiit

Timersorneq pillugu siunnersuisooqatigiit oqariartortartuussapput, timersoqatigiiffiit piumassutsiminnillu suliaqartut kissaataat, pisariaqartitaat, atortuutaat, nunatsinni assigiinngitsuni kulturikkullu tunuliaqutit assigiinngitsut isummallu assigiinngitsut pillugit timersorneq Kommuneqarfik Sermersuumi qanoq atulersinneqarsinnaanersut pillugit oqariartortartuussallutik. Timersorneq pillugu siunnersuisooqatigiit kommunip timersornerullu akornanni oqariartortartuussaaq, tassanilu sulisut nukissallit timersornerlu pillugit sulisuusut siunissami oqallittarfimmik peqalissallutik. Kommunimi illoqarfinni tamani najukkani timersorneq pillugu siunnersuisooqatigiinnik peqassaaq.

Timersorneq pillugu politikki naqitassiaq uani aajuk.

Quppernerup imarisaa qanganitsersimava?

Quppernermut naqqiutissaqarpit?