Eqqumiitsuliorneq kulturilu taakkuupput qangamiit ullutsinnut pisimasut kulturimik attassineq, ingerlatitseqqiineq kiisalu nutarterineq aqqutigalugit pisitsisut.

Eqqumiitsuliorneq kulturilu tamatigut aaqqiissutitaqarneq ajorput, kisiannili paasinnilersitsisarput.

Qanganngortoq, ullumi pisunut paasinninneq siunissamullu aaqqiissuteqarneq. Eqqumiitsuliorneq kulturilu taakkuupput aamma taakkuujuarsimapput inuiaqatigiit ineriartornissaannut apeqqutaalluinnartuusimasut.

Eqqumiitsuliornerup aammalu kultureqarnerup kingunerisussaavai ilisimassuseq, perorsarsimassuseq aammalu inuiaqatigiit eqqarsalersinnissaat. Kingunerisarpai ataqatigiinneq ataatsimut kinaassuseqarneq imminerminilu naleqassuseqarneq.

Taamaattumik Kommuneqarfik Sermersuumi eqqumiitsuliornermut kulturimullu aningaasaliisarpugut.

  • Innuttaasut tamarmik kulturimik atuilersinnissaannik sulissuteqarpugut
  • Peqatigitillugu eqqumiitsuliortut eqqumiitsuliaminnik inuussuteqarsinnaanerisa tunngavissaat pitsanngorsassavarput.
  • Kulturip ingerlarnga allanngoriartorpoq, eqqumiitsulioriaatsit nutaat nioqqutigineqaleriartorput, nunarsuarmioqataalerneq assigiinngitsutigut niuerutigineqarsinnaalerpoq.
  • Kulturimik ingerlataqartut akornanni, kulturikkut inuunermi inuiaqatigiinnilu immikkoortuni allani, eqqumiitsuliaatitta pitsaassuseqarluarnissaanni naleqalersitsisumillu suleqatigeeriaaseqarnissami nukittuumik attaveqaateqarnissaq pisariaqartipparput.
  • Najukkami aamma nunarsuarmi kulturi pillugu oqimaaqatigiissumik politikkeqarneq, ileqquusumik kulturerineqartup aamma ikinnerusunit kulturerineqartup akornanni.

Kulturi pillugu politikki immikkoortunut marlunnut avillugu tunngavilerneqassaaq: politik & iliuusissamik pilersaarut.

Ilanngutsitsinissap ingerlanneqarnissaa pillugu takussutissaq

  • Eqqumiitsuliortut akornanni qiteritinneqartussat pillugit nalunaarusiaq, suliarineqarpoq 2016-imi
  • Isumaga aqqutigalugu innuttaasut akornanni misissuineq, sivisussuseqarpoq sapaatip akunnerini 3-ni
  • "qupperneq imaqanngitsoq" kulturimik suliffeqarfinnut & eqqumiitsuliortut peqatigiiffiinut
  • Suliamik saqqummiusineq "qupperneq imaqanngitsoq" taannaavoq Paamiuni, Tasiilami, Ittoqqortoormiini aammalu Nuummi najukkami ataatsimiititaliani sisamani qiteritillugit sammineqartussanut suussusersineqartunik isumassarsiaannut takorluukkanullu tunngatillugu
  • INUUSUKOMBEST-imut suliamik saqqummiussineq

Taakku saniatigut suleqatigiinnissamik isumaqatigiissut aammalu pingaarnertut iliuusissaq politikkissamik taassuminnga tunngaviliissaaq.

Pingaartillugu tunngavissaq: Kulturi taannaavoq qangaanerusup siunissamut pisitsinera


    • Kalaallit Nunaata ineriartupiloornermik aqqusaagaqarneratigut kulturi inuiaqatigiinnik ikorfartuivoq
      • Ataqatigiissitsisoq: Kulturi taannaavoq "ilorpiatsinni uagutsinnik ataqatigiissitsoq"
      • Ileqqut attappavut
      • Ileqqullu nutaat ammaallugit

     

    • Kommunimi kulturimik suliaqarfiit kulturip piunissaanut tunngaviupput siammarterinermilu aalajangeeqataalluinnartuullutik aamma eqqumiitsulianik kulturimillu ilisimasanik annertusaaviullutik
      • Nunarsuup allatut paasineqarsinnaaneranut kulturi peqataavoq
        • Alliartornermi inersimasuulernermilu isummertarneq

     

    • Eqqumiitsuliornerup kulturillu inuttut ataasiakkaatut aamma inuiaqatigiittut unammillertarpaatigut taamaalillutalu inuiaqatigiittut imminut nappattariaqalersilluta
      • Akuutitsinermik, tatiginninnermik aammalu kulturi aqqutigalugu ataqqeqatigiinnermik naleqartitsineq tunngavigalugit

     

    • Kulturimik atuisut tamarmik, amerlanerusut ilaatikkusuppagut - pingaartumik meeqqat inuusuttullu eqqumiitsuliornermik kulturimillu ilisimasaqassuseqalersinnaasariaqarput
      • Pingaartumik meeqqat, inuusuttut taakkulu ilaqutaat kulturmik ingerlatanut peqataatinneqassapput
      • Kommunip meeraaqqeriviisa, paaqqinnittarfiisa atuarfiisalu kommunip kulturmik suliaqarfiinik peqateqarnerat pingaarutilik

     

    • Kommune kulturimik atuinissamut aamma nutaaliorluni periarfissanut pitsaasunik tunngaviliissaaq
      • Eqqumiitsuliorneq unammillilersitsisoq
      • Alapernaatsitsilersoq
      • Suliniutit imminnut attassinnaasut nutaat pilersinneqartut

     

     

    Kulturi aningaasaliiffigaarput pissutigalugu:

    • Kulturi pisuunngortitsimmat, unammillermat "Sermersoormiullu" ingerlaneranni ingiaqatigimmagit
    • Kulturip inuiaqatigiittut ukiuni allangoriartorfitsinni nukittorsarpaatigut
    • Kulturi ineriartortitsivoq, najukkami, nunatut aammalu nunanut tamalaanut nallersuunnitsinni


  • "Kulturip inuunerput naleqarlersippaa,

    Naleqassuseq oorinngortinneqarsinnaajuaannanngitsoq, kisiannili inuiaqatigiinni ataqatigiinnikkut, pinngorartitsinikkut, nutaaliornikkut, aningaasaqarnikkut inissisimalluarnikkut aammalu siunissamut piumassuseqarnermik uuttorneqarsinnaasoq.”



Suliassani qitiutitaq 1: Kulturi pinngorartitsinermi ingerlatsisutut

Takorluugaq:

Kulturip inuunerput naleqalersippaa. Naleqassuseq oorinngortinneqarsinnaajuaannanngitsoq, kisiannili inuiaqatigiinni ataqatigiinnikkut, pinngorartitsinikkut, nutaaliornikkut, aningaasaqarnikkut inissisimalluarnikkut aammalu siunissamut piumassuseqarnermik uuttorneqarsinnaasoq.

Eqqumiitsuliornikkut piginnaasat akuerivagut piginnaasallu taakku siunissamut ammaassisuusinnaanerat.

Takorluugaraarput eqqumiitsuliortut Kommuneqarfik Sermersuumiikkusunnissaat, pissutigalugu suliatik akuerineqarlutillu ataqqineqarmata. Eqqumiitsuliortut misigisimassapput sulinerminni atugassarisatik pitsaanerulersimanerannik aammalu atorfissaqartitaminnik tapersersorneqarsinnaanerminnik. Eqqumiitsuliornerup kulturillu aningaasarsiutaasinnaanera paasiartulerparput. Pinngorartitsisut aningaasaqarnerup ineriartortinneqarneranut peqataapput.

Kulturimut anguniagaq:

Eqqumiitsuliorneq kulturilu aningaasaliiffigivagut, eqqumiitsuliortut suliaminnik inuussuteqarnissaat pitsaanerusumik tunngavissaqartikkumallugu.

Eqqumiitsuliornerup inuussutissarsiutitut annertunerusumik akuerineqarnissaa sulissutigivarput.

Kulturikkut inuunermut aningaasaliinerit suliffissaqartitsilersarput ineriartortitsillutillu aamma atugarissaarnissatta pitsaanerulernissaanut napatitsisuullutik.

Eqqumiitsuliortut aallarnisaasunngorusussinnaanerinut periarfissat pitsaanerulernissaat pillugu aningaasaliivugut.

Kulturilerineq assassorlunilu eqqumiitsuliornerit Kommuneqarfik Sermersuumi pingaarutilerujussuupput, kisianni eqqumiitsuliornermi, kulturimi nutaaliortutullu sammisaqarnermi inuillu suliffeqarfinnik ilinniartitaanermillu aallartitsisut amerlanerusut kajuminnerulernissaannut atassusiissaagut.

Qanoq iliussaagut:

  • Eqqumiitsuliorneq kulturilu inuiaqatigiinni ineriartorfiusoq, alliartorfiusoq aammalu nutaaliorfiusoq. … pinngorartitsinissamik, pilersitserusussusermik aammalu nutaamik eqqarsarnermik periarfissiipput, pingaartumik paasinnissinnaanermut, tassalu inuiaqatigiit nutaaliortut ineriartornissamullu piareersimasut.
  • Eqqumiitsuliortututtaperneqarnissaq ajornannginnerusariaqarpoq
  • Kultureqarnermut tunngasut niuertorpalaartumik atorneqarnissaat
  • Eqqumiitsuliornerup aamma kulturip kiisalu inuussutissarsiornerup periarfissaanik atorluaasinnaanermik pitsanngorsaaneq, tassani eqqumiitsuliorneq kulturilu naligiittut peqataatinneqarnerisigut

Assersuutit:

  • Kultureqarnermut tunngasuni ilinniarnissamik suliniuteqarnerup nukittorsarnera ilisimasanik suliaqarfiit ilinniarfiillu suleqatiginerisigut
  • Tapiissuteqartarnermut aaqqissuussanik ullutsinnut naleqqussaaneq
  • Kulturimut tunngasunik paasissutissanik katersineq 

    Suliassani qitiutitaq 2: Killeqarfiit tamaasa aqqusaarlugit kulturi

     

    Takorluugaq:

    Inuiaqatigiinni allatigut aningaasaliigaangatta eqqumiitsuliorneq kulturilu eqqarsaatigisarnissaat. Kulturi taannaavoq uagutsinnik atatitsisoq aalajangiisuulluinnartuusorlu inuiaqatigiit kivinneqarnissaanni eqqumiitsuliornermik piginnaasat atorluarneqarneqarnerisigut. Killeqarfiit tamaasa aqqusaarlugit suleqatigiinnerit ataasiakkaannut ataatsimoortumillu nukittorsaataavoq - tunngaviuvorlu kulturikkut nutaanik sammisassaqartitsinissamut.

      

    Kulturimut anguniagaq:

    Malitassat tamaasa aqqusaarlugit eqqumiitsuliornermut kulturimullu aningaasaliivugut pissutigalugu kulturi taannaammat uagutsinnik ataqatigiissitsisoq. Kommunip suliffeqarfiutaata iluani aamma inuiaqatigiinni immikkoortuni allani suleqatigiinneq sammisassanut nutaanut tunngaviliisuuvoq.

    Aallarnisaasuuneq, ilisimatusarneq, takornariaqarneq, illoqarfiup initussusianik pitsanngorsaaneq, pinngortitaq - kulturitaqanngitsooranilu!

     

    Qanoq iliussaagut:

    • Eqqumiitsuliorneq nunat killeqarfii, oqaatsit, upperisallu aqqusaarlugit oqaluppoq. Eqqumiitsuliorneq inuiaqatigiinnik uppernarsaasuuvoq, ataqatigiissitsisuuvoq ataatsimullu kinaassuseqartitsilluni. Taamaattumik kommunimi immikkoortuni tamaginni sulinitsinni eqqumiitsuliorneq ilanngullugu eqqarsaatigisassavarput
    • Suliassat assigiinngitsut akimorlugit eqqarsarsinnaaneq pikkoriffigissavarput neqeroorutillu nutaat pissanganartullu pilersillugit
    • Kommunimi kulturimik suliaqartut akornanni suleqatigiinneq pitsanngorsarlugu
    • Kulturi taannaavoq piginnaasarpassuarnik nukittorsaasartoq, tamakkuuppullu misilittagassavut. Assersuutigalugu kulturi atorlugu inuiaqatigiinni minnerpaat sanngiinnerpaallu pillugit kivitsinissatsinnut suliniutinik nutaanik paasiniaassaagut.
    • Qangaaniilli ileqqut, periutsit kulturikkullu ilisimasat attattuarnissaannut iluarsiissutissanik paasiniaalluta
    • Illoqarfiup initaanik pitsanngorsaaneq, takornariaqarneq, nerisassanik pinngortitamillu misigisassat, immikkut ittunik nioqquteqarneq, pinaveersaartitsinermik suliniutit, peqqinneq, illoqarfimmut nutserartitsineq, timersorneq, … - kulturi taakkununnga tamanut ilaavoq
    • Kulturi piginnaasanik allanik amerlasuunik, misilitassatsinnik, nukittuunngortitsisarpoq. Assersuutigalugu inuiaqatigiinni sanngiitsortanik kivitsisinnaasunik suliniutinik nutaanik misissuineq - kulturi atorlugu
    • Kommunimi kulturimik aallutaqartunik suleqateqarnerup pitsaanerulersinneqarnera
    • Eqqumiitsuliornikkut pitsaassutsip paasisimasaqarfiginissaa
    • Kulturimik suliaqarfiit aamma ilinniarfiit, , taakku ataqatigiissutut eqqarsaatigineqartarnissaat aamma ilinniartitsinermiit ilisimatusarnermut imminnut pisariaqartittutut taamatullu siammarterinermi

     

    Assersuutit:

    • Suliniutit taakkuussapput assigiinngitsunik ukiulinnik attaveqaateqalersitsisussat
    • Illoqarfiup initaanik uummaarissumik eqqumiitsuliorneq kulturilu iluaqutigalugit pilersitsineq
    • Takornariaqarnermut eqqumiitsuliorneq kulturilu ilanngunneqarnerat. Kommunitsinni takornariat eqqumiitsuliat pitsaasut kulturimillu misigisassat ujartortarpaat.


    Suliassani qitiutitaq 3: Sermersuaq ikaarlugu kommune kulturilik

    Takorluugaq:

    Kommuneqarfik Sermersooq tamarmi pilerinartumik kulturikkut avatangiiseqarpoq innuttaasunik, takornarianik aammalu qanittumiit ungasissumiillu kulturimik suliaqarlutik ilisimasalinnik nutsuisuuvoq.

    Kommunimi tamarmi kulturimik suliaqartut attaveqaateqarluartuupput imminnullu suliatigut piginnaasanik imminnut avitseqatigiittarput, isumassarsioqatigiillutik suleqatigiillutillu.

    Kommuneqarfimmi tamarmi eqqumiitsuliornermik, assassornermik kulturikkullu inuunermik ingerlataqartut suliamik niuerutigisinnaanerinik atorluaasinnaapput.

    Kulturimut anguniagaq:

    Kommuneqarfik Sermersuumi kulturilerineq illoqarfiit pingaarnersaanni pissusissamisoortumik qitiusoqarfeqarpoq, tamatumunngalu peqatigitillugu kommunip ilaani tamani innuttaasut najugaqarfiini tikeraartullu angallaffigisaanni kulturikkut pitsaassutsit ataqqineqarluinnarlutik.
    Eqqumiitsuliat kulturilu inuit naapikkaangata akornanni isumassarsiorneq ineriartornerlu pilersarput.

    Qanoq iliussaagut:

    • Kommune tamakkerlugu kulturilerinermut suliffeqarfiit akornanni attaveqaatit pitsaanerulernissaat
    • Eqqumiitsuliat, kulturi, assassorluni suliat kulturilerinerlu uummaarissut angisuunik periarfissaqarput aamma niuerneq eqqarsaatigalugu, matumanilu kommune tamakkerlugu piginnaasaqarluartut pisariaqartippavut
    • Iluarsiissutit misilerarneqareersut attassilluarsinnaasullu kommunip sinneranut siammarterneqassapput
    • Eqqumiitsuliatsialaat kulturimillu misigisatsialaat kommunimi pinngortitaq ilanngullugu Kommuneqarfik Sermersuumi tamarmi tikeraanut takornarianullu pilerinarsaataapput angisuut
    • Illoqarfiit pingaarnersaasa eqqumiitsuliatigut kusassarneqarsimaneq ilisimaneqaatigissavaa, aamma inissialiorluni nutaalianngorsaallunilu illoqarfimmik annertuumik ineriartortitsinermi eqqumiitsuliat kulturilu pingaartinneqassapput
    • Kommunerujussuatsinni nukissanik misilittakkanillu ajornannginnerusumik paarlaasseqatigiinniarluta digitalikkut periarfissat nalituut atorluarpavut
    • Najukkani innuttaasut kulturimut tunngasunik sammisassaqartinneqarnerini ineriartorneq peqataatitsinerlu qitiutillugit
    • Digitaliseriineq kommunimut taamatut angitigisumut ajornannginnerusumik nukissanik misilittakkanillu avitseqatigiinnissamut iluatinnaatilimmik periarfissiivoq

    Assersuutit:

    • Kommunimi tamarmi kulturikkut suliat tapersersorneqarnerat
    • Inuusuttut piginnaasallit kulturikkut suliniutaannik ineriartornerannillu tapersersuineq
    • Nutaaliorluni kulturikkut misileraatit avatangiisiannik ineriartortitsineq
    • Kulturikkut nittarsaassineq 

      Suliassani qitiutitaq 4: Innuttaasunut tamanut kulturikkut inuuneq uummaarissoq

       

      Takorluugaq:

      Inuusuttut aamma ineriartornissaannut pitsanngorsarnissaannullu sammisassanik suliniutinillu pilersitsinissaq qitiutillugu. Inuunermut pitsaasumut eqqumiitsuliat kulturilu tunngaviulluinnartut ilagivaat.

      Eqqumiitsuliornikkut neqeroorutit kulturikkullu inuuneq uummaarissoq sapinngisamik innuttaasunut amerlanernut aamma tikeraanut ammallutillu tikinneqarsinnaasut. Qanorluunniit eqqumiitsuliat kulturilu kisimiilluta ataatsimoorlutaluunniit misigigaluarutsigit, taava eqqumiitsuliat kulturilu alapernaatsitsilertarput, nuannaalersitsiarput inuunermillu naleqarnerulersitsillutik.

      Eqqumiitsuliat kulturilu inuiaqatigiinni akuulersitsisarput imminullu aamma immitsinnut paasinninnissamut peqataasarlutik. Pingaartumik pisuni, innuttaasut tapersersorneqarnissaminnik pisariaqartitsiffiini tassani misissuisarpugut naaperiarnissaannut periarfissanik eqqumiitsuliat ikiorsiullugit.

       

       

      Kulturimut anguniagaq:

      Kulturikkut inuunermut aningaasaliivugut ammasunik tikinneqarsinnaasunillu sapinngisamik innuttaasunut tikeraanullu amerlanerpaanut neqerooruteqarnitsigut. Meeqqat tamarmik eqqumiitsuliornikkut kulturikkullu neqeroorutinut attaveqarsinnaasariaqarput.

      Aningaasaliivugut innuttaasut sapinngisamik amerlasuut pinngorartitsinissaminnut, piginnaasaminnik soqutigisaminnillu aallutaqarsinnaaqqullugit.

      Neqerooruteqarpugut allatut ilikkagaqarnissamut paasisaqarnissamullu.

      Eqqumiitsuliornermut kulturimullu aningaasaliivugut inuk aningaasaliiffigerusullugu.

       

      Qanoq iliussaagut:

       

      Najukkami inuttaasunik akuutitsineq:

      • Innuttaasutut eqqumiitsulianik kulturimillu atuisuuvugut piumanngikkaluaruttaluunniit. Taamaattumik eqqumiitsuliat kulturilu pingaaruteqartuupput. Inuup aningaasaliiffigineratigut suna pissarsiarissavarput.
      • Ineriartorneq qitiutinneqassaaq aamma najukkami inuttaasut akuutinneqassapput
      • Innuttaasut tamarmik sammisaqarsinnaanerisa inersimasuusinnaanerisalu peqataaffiginissaa ikorfartornissaalu
      • Eqqumiitsuliat kulturilu akuutitsilersarput immikkoortitsinermut taarsiullugu: Eqqimiitsuliat kulturilu inuppalaartunngortitsisarput, oqartussaaqataalersitsillutik aamma nalinginnaasumik inuit attaveqatigiinnerannik pilersitsisarput immitsinnut atorfissaqarnitsinnik ataatsimoornissatta pisariaqarneranik.
      • Utoqqaat inuusuttullu akornanni avatseqatigiissinnaanerup annertusitinnera, pingaartumik ileqquusunik piginnaasanik ilisimasanik ingerlatitseqqiinikkut

       

      Meeqqat inuusuttullu:

      • Inuusuttut kulturikkut sulianik pilersitsisinnaanngornissaat aamma ineriartortitsillutik naammassinnissinnaanngortinnissaat
      • Kikkulluunniit pitsaasumik ilikkalertorfiusumillu meeraanissaannut pisinnaatitaaffeqarnissaat periarfissanngortillugu
      • ”Tapersersuissaagut, taamaalilluta inuusuttuunermiit inersimasunngornermut ikaarsaarneq qaangersinnaassagatsigut” eqqumiitsuliat kulturilu aqqutigalugit kisaassuseqalersitsineq ikorfartorlugu

       

      Ilaqutariit:

      • Suliniutit inuusuttunut aamma ilaqutariinnut kulturinik ineriartortitsineq pitsanngorsaanerlu
      • Kulturikkut neqeroorutit attaveqaqatigiiffinni assigiinngitsuni takuneqarsinnaasuussapput. Neqeroorutinik pilerisaarinermi aamma, kisiannili kingornatigut aamma

       

      Pitsaaliuinermik suliniutit:

      • Eqqumiitsuliat atorlugit pitsaaliuinermut suliniutini periarfissanik misissuineq
      • Eqqumiitsuliat aqqutigalugit misissuissaagut pitsaaliuinermik suliniutinik periarfissat

       

       

      Assersuutit:

      • Ilaqutariinnut tamanut aaqqissuussanik aaqqissuussineq
      • Kinguaariit assigiinngitsut naapinnissaannut periarfissiilluni aaqqissuussanik aaqqissuussineq
      • Misilittagalinniit misilittagakitsunut ilisimasanik periutsinillu ingerlatitseqqiineq

        Kulturi pillugu politikki uani aasinnaavat.

        Quppernerup imarisaa qanganitsersimava?

        Quppernermut naqqiutissaqarpit?