Illoqarfiit pingaarnersaat pillugu periaasissaq

NUUK – ISSITTUMI ILLOQARFIIT PINGAARNERSAAT

Nuuk illoqarfiuvoq periarfissarpassuaqartoq aamma unammilligassanik angisuunik peqartoq. Pingaaruteqarpoq periarfissanik takusaqarsinnaalluta atorluaasinnaalernissarput aammali unammilligassanut aaqqiissuteqarsinnaanissarput.

Inuttut nukiit aamma aningaasaqarnermi ineriartorneq ataatsimoorlutik Nuummi ineriartortitsineq ingerlatissavaat. Inuit piginnaasaat nukittorsarutsigik aningaasaqarnermi ineriartornissamut tunngavissaq pilersissavarput. Aamma aningaasaqarnermi ineriartornerup inuttut ineriartornermut aningaasaliinissamut akissaqartilissavaatigut. Kalaallit Nunaata ataatsimut soqutigisaraa, nunatsinni illoqarfiit pingaarnersaata anginerusup nukittunerusullu pilersinneqarnissaa, ineriartortitsinermut sinaakkutissiaq isertitassanik nutaanik pilersitsiffiusinnaasoq, aamma pitsan-ngorsaatit aqqutigalugit illoqarfiup aningaasartuutaanik ikilisaasinnaasoq.

Inunnut ataasiakkaanut aamma inuiaqatigiinnut ajornartorsiutaavoq, inuit amerlavallaat inuiaqatigiit avataanni inissisimammata. Inuit amerlanerit ilinniakkamik ingerlatsilerpata, inuit amerlanerit sulilerpata, inuit amerlanerit namminneq suliffeqarfimmik aallartitsinissamut kajumissuseqarlutik piginnaaneqarpata, amerlanerit eqqumiitsuliornermik soqutigisaqalerpata

pilersitsinermillu sammisaqalerpata – taava taakkua tamarmik inuiaqatigiinni siuariartornermik

pilersitseqataasinnaapput. Siunissamik pilersitsinissamut Kommuneqarfik Sermersuup aningaasaqarnikkut kiffaanngissuseqarluni aamma atugarissaarnermut akissaqarluni ingerlatsilernissaanut matuersaat tassaavoq silatusaartumik, piffissamut ungasissumut aningaasaliissuteqassalluni, isertitanik amerlisaalluni aningaasartuutinillu ikilisaalluni. Tamanna kisitta ingerlassinnaanngilarput. Nunat tamalaat akornanni periarfissat saqqummersut atorluarnissaannut pikkorinnerusariaqarpugut.

Issittumut nunarsuup sinneranit soqutiginninneq alliartorpoq, aamma Nuup Issittumi illoqarfiit pingaarnersaattut pilersinneqarnissaanut periarfissaalersut atorluarniassavagut.

Politikerit, suliffeqarfiit aamma takornariat Issittumik soqutiginnilerneranni Nuuk tassaasariaqarpoq qiviakkat siullersaat. Nunat tamalaat akornanni suleqatigiinnermik, nunani tamalaani aningaasalii-sartunik, nunanilu tamalaani aaqqissuussisartunik ujartuissaagut. Nuummi inissisimanissaq kajuminnartuusariaqarpoq. Mittarfiup allilerneqarnera aamma umiarsualivik nutaaq aallarniutissaapput pitsaasut. Illoqarfimmik ineriartortitsineq suliassaqarfinni allani ingerlateqqissavarput, minnerunngitsumik nunaqavissut sulisinnaasut piginnaasaqarluartut eqqarsaatigalugit.

Illoqarfiit pingaarnersaat pillugu periaasissaq (pixi)

Illoqarfiit pingaarnersaat pillugu periaasissaq

In english