Pisortaqatigiit piginnaasassat arfineq-marluk toqqarsimavaat taakku aaqqissuussaanermi aqutsisunut immikkut pingaaruteqartut. Imaanngilaq taannaannaq iliuuserineqassasoq kisianni tassa Kommuneqarfik Sermersuumi aqutsisutut aallutissallugu pingaaruteqartuusoq. Piginnaaneqarneq tassaavoq inuup piginnaasani iliuuseqarnikkut naammassinnissinnaanera taamaaliornermini naammassisat kissaatigineqartut angusinnaanngorlugit.

Aaqqissuussaanermi politikkikkut aqunneqartumi sulineq

Piginnaaneq taanna suleqateqarsinnaanermik imaqarpoq aamma politikkikkut aaqqissuusaaneq tassa ataatsimiititat kommunalbestyrelsilu tapersersorneqartut. Aamma tamanit sammineqarneq ajunngitsumik aqutsisinnaanermik imaqarpoq kiisalu aamma avataanit suleqatit assersuutigalugulu naalakkersuisoqarfiit imaluunnit tusagassiorfiit.

  • Immikkoortortaqarfimmi aqutsisoq
    • Immikkoortortaqarfinni politikkikkut aalajangiussat piviusunngortinnissaat illit isumagissavat
    • Illit immikkoortortaqarfinni suut pisut tamaasa tusagassiutitigut saqqummiussinnaanissaat qulakkiissavatit
    • Politikkikkut aaqqissugaanermut tatiginartumik pissuseqassaatit
    • Ilisimaarivat, nammineq isummatit inoqatinut attaveqaatit aqqutigalugit qanoq atussanersut
    • Suliffeqarfik pillugu oqaluttuat nuannersut allanut tusartissallugit peqataassaatit
  • Fagchefi
    • Ilisimavat, qanoq politikkikkut aaqqissuussaaneq periuseqarnersoq tassunga atatillugu suliassat sorliit politikkerit aalajangiiffigissagaat kiisalu ingerlatsivimmi suut aalajangerneqarsinnaanersut ilisimassallugit
    • Politikerinit nalunaarutit suliatigut oqaatsit atorlugit paasinarsarneqartassapput aammali suliatigut oqaatsit atukkat politikerinut paasinarsarneqartassallutik
    • Politikkikkut aalajangiiffigineqartut akisussaaffeqarfinni pappilissat uppernarsaatit sammiviliisuusut ilisimaarissavatit kiisalu tamakku immikkoortortami aqutsisut malissagaat qulakkiissavat
    • Eqqortumik iliuuseqarlutit tusagassiutinut tunngasut pillugit paasissutissiisassaatit avataaniillu soqutigisaqaqatigiit isumaqatigiinniarfigisinnaassallugit
    • Politikkikkut aalajangersakkat naammassissavatit akisussaaffeqarfinnilu Pisortaqatigiit naatsorsuussaat naammassissallugit
  • Pisortaq
    • Politikkikkut aaqqissuussaaneq ilisimaqarfigaat tatiginartuullutillu aamma qanoq qagukkullu eqqortumik iliuuseqarnissat attaveqarnissallu nalilersorsinnaavat
    • Politikerit pitsaassusilimmik politikkikkut sammisaat illersorlugillu akerlisersinnaavatit tassunga atatillugu ingerlatsiviit susassaqarfiini suliassanik periarfissanillu siunnersuisinnaallutit
    • Naatsorsuutit ersarissumik paasissutigisinnaavatit taakku politikkikkut anguniagaasunut iliuuseqarfigisassanullu tunngassuteqartut piviusunngortinnissaat pillugit
    • Politikkikkut kissaatit pitsanngorsassavatit aningaasaqarneq periusissiallu eqqarsaatigalugit
    • Politikkikkut partiit tamaasa uppernassusilimmik saqqummiiffigisinnaavatit peqataaffigalugillu pikkorissuunerit upperineqarmat

Aqutsisinnaassuseqarneq

Piginnaaneq una aqutsisup aqutsinnaaneranit periarfissanik imaqarpoq. Aqutsisinnaassuseq pitsaasoq pilersinniaraanni piumasaqaataavoq suliamik pitsaalluinnartumik naammassisaqarsinnaaneq aqutsisutut pilersitsisinnaassuseqarluni aaqqissuusaanermi suliatigut piginnaassuseqartunik kiisalu politikkikkut qaffasissutsip akornanni. Tamassuma ilutigaa aamma aqutsisinnaanermut pingaartitsineq kiisalu aqutsisut allat aqutsisinnaassusaat ataqqillugillu tapersersornissaat.

  • Immikkoortortaqarfimmi aqutsisoq
    • Nammineq suleqatillu atuuffisi akisussaaffisilu pillugit ersarissuliussaasi
    • Suliassanik agguaassillaqqissuuvutit taakkulu suliarineqarnissaat qulakkeertussaallugit
    • Immikkoortortaqarfimmi sulisut piginnaasaat taakkununngalu atugassarititaasut tamakkiisumik takunnissinnaassuseqarfigissavatit
    • Suliffeqarfimmi pisortaqatigiit piffissaq pineqartillugu pingaartinnerussavatit suliffeqarfimmi sulisut qaffasinnerusutut appasinnerusutulluunniit inissisimanerat apeqqutaatinnagu
    • Siunersiueqateqarlutillu isumasiueqateqassaatit suliavit suliarinerisa nalaani pitsaasumik naammassineqarnissaat pillugit
  • Fagchefii
    • Nammineq inissisimaffigisat takusinnaavat aamma suliffeqarfimmi sunik tamanik pisoqarfiusumi suleqatigiinnut ilanngussinnaalluarputit
    • Immikkoortortaqarfimmi aqutsisutit tapersersussavatit taakkununngalu akisussaaffinnik aalajangiisinnaassuseqarnermillu agguaasisinnaaassallutit
    • Piumasaqaatitit ersarissuussapput immikkoortortaqarfimmilu aqutsisunut sammisassat aalajangersakkallu inissitsitersinnaallugit. Akisussaaffeqartumik kiffaanngissuseqartumilli tatiginassuseqarlutit takutitsisinnaassaatit
    • Oqaloqatigiissinnaaneq inissaqartissavat ataqqissavalli anguniagaq arlalinnik periuseqarluni anguneqarsinnaammat
    • Aqutsisutut suliassat pineqartillugit siunersiueqateqartassaatit akissuteqartassallutillu pitsaasumik naammassinissaat pillugit
  • Pisortaq
    • Aqutsisinnaassuseq pitsaalluinnartoq pilersissinnaavat, suliffeqarfimmi qummut, ammut sanimullu sammigaluarpataluunniit
    • Fagchefiinut tatiginninnermik takutitsissaatit sammivissiussaatillu ersarissunik killiliisinnaallutit
    • Chefgruppit pitsaalluinnartut aqussinnaavatit assigiinngissutsinut inissaqartitsillutit aamma kukkuluttornerit ilinniutaasinnaanngorlugit
    • Aqutsisuusinnaatitaaneq, pisortarisanut aqqutit aamma inissisimaffinni appasinnerusuni aalajangiisinnaatitaanerit ersarissumik paasissavatit

Sulianut tunngatillugu aqutsineq

Piginnaanerup taassuma aaqqissuusaanerup suliassartaasa suliatigut isiginnittariaaseq imaraa. Tassa imaappoq aaqqissuussaanermut suliatigut toqqaanermik imalik aamma periutsinik, ilusilersuinernik aaqqissuussaanernillu imaqartoq qaffasissumik suliatigut tapertaasumik. Suliatigut nakkutiginninneq misissueqqissaarinerlu aamma piginnaanermut tassunga atavoq. Naggataatigut isumasioqatigiinneq coaching kiisalu iliuutsit allat tassani pineqarput, taakku suliatigut pitsaassutsimullu ineriartortitsinermik qulakkeerinnittuussapput.

  • Immikkoortortaqarfimmi aqutsisoq
    • Sulianut atatillugu pitsaassuseq qaffasissoq qulakkiissavat sulisunullu ataasiakkaanut suleqatigiinnullu ineriartortitsinermut periarfissanik takunnissinnaallutit
    • Qulakkiissavat, sulisuit suliassaminnut naammassiniaaneranni atugassarititaasut, aalajangersakkat sulihnermilu atortussat eqqortut pigissagaat
    • Sulianut tunngatillugu takunnissinnaassuseqassaatit isumasioqatigiinnikkut coachingi atorlugu aamma akissuteqartarnikkut allat suliaannik ineriartortitsisinnaassallutit
    • Immikkoortortaqarfiit akimorlugit ingerlatsiviillu akornanni suliatigut ilisimasaqarluarneq aamma assigiinngitsunik suliallit suleqatigineranni oqimaaqatigiisissavatit
    • Qitiusumik sulianut tunngasut eqqartueqatigiinnikkut suliallu naammassinissaannut aalajangigassat pillugit sulisut peqataatittassavatit
  • Fagchefi
    • Immikkoortortaqarfiup aqutsisui aqqutigalugit aqutsisinnaassuseqarputit taakkununngalu sulianut piginnaasat atorlugit isumasioqatiginnissinnaallutit
    • Qulakkiissavat, sulianut tunngasut qaffasissuunissaat aamma inatsisit malinneqarnissaat
    • Qulakkiissavat, immikkoortortaqarfimmi aqutsisut sulisutut sulianut naammaginartumik piginnaasaqarnissaat aamma aqutsisutut sulianut piginnaasaqarnissaat pillugit ilisimasaqarnissaq
    • Immikkoortortaqarfimmi aqutsisut aqutsisinnaassuseqarnerisa sunniuteqarnerat maluginiagassarivat ineriartornerannilu tapersersorlugit
    • Sulianut tunngasut aqqutissiuutissavatit sulianullu qitiusumik aalajangigassat pillugit immikkoortortaqarfimmi aqutsisutit peqataatillugit
  • Pisortaq
    • "Qulaaniillusooq" isiginnipputit Fagchefiillu sulianut tunngasut pitsaassusaat qulakkeertillugit
    • Amerlasuunik ilinniagaqartuuvutit kisiannili ingerlatsivinni suliatigut susassaqarfiit naammattumik paasisaqarfigalugit, siunniussisinnaallutit sulianullu atatillugu oqaloqatiginnissinnaallutit
    • Sulianut tunngasut politikkikkut qaffasissusilimmut ataqatigiissaakkamik paasissutigisinnaavatit
    • Politikkikkut qaffasitsigisumut aalajangiinissamut saqqummiussat saqqumiussinnaavatit nassuiarlugillu
    • Qitiutippat, ingerlatsinermi pitsanngorsaatit akisussaassuseqarnerlu aningaasaqarnermut aqutsineq imminnut ataqatigiinnissaat

Susassaqarfiit akimorlugit aqutsineq

Piginnaanerup taassuma imaraa aaqqissuusaanermi aaqqissuusaaneq susassaqarfiit tamakkerlugit ataatsimut isiginnilluni aamma pitsaalluinnartumik suliassanik naammassinnissinnaaneq.

  • Immikkoortortaqarfimmi aqutsisoq
    • Akisussaaffeqarfippit avataatigut isiginnissinnaassuseqarputit, suliatigut susassaqarfiit allat suliassat pillugit suleqatigisinnaallugit
    • Suleqatigiiffinni ersarissaassaatit suliat, sumiissutsit aaqqissuusaanerillu assigiinngissusiat apeqqutaatinnagit nikingassuteqaraluartut suleqatigiinnermut atassuteqarneq pitsaasoq pilersissavat
    • Immikkoortortaqarfinnut tunngassutillit akornanni attaveqarnissaq isumagisariaqarpat sulianullu assigiinngitsunut ataqqinnissuseqarlutit suleriuseqassallutit
    • Immikkoortortaqarfinni allani aqutseqativit ikiornissaannut piareersimassaatit suliaannullu soqutiginnissallutit
    • Ilisimasatit agguaassinnaassavatit sulianullu iliuuseqarnikkut peqataallutit taakku pitsaanermik iluarsineqarnissaannut naammassineqarnissaat akimut suleqatigiinneq aqqutigalugu
  • Fagchefi
    • Ataatsimut assilissamik takunnissinnaassaatit iluarsiinissamullu immikkoortortaqarfimmi aqutsisut ujartuineranni ikiuullutit tamanna ingerlatsiviup innuttaasunullu iluaqutaanissaat pillugu
    • Illit immikkoortortaqarfiit/susassaqarfiit suliniutinut akimut eqqortumik iliuuseqarnersoq pillugu ataqatigiissaaralutillu qulakkeerinnissaatit
    • Tapertariilluni suleqatigiinneq pillugu maligassiuissaatit immikkoortortaqarfinni aqutsisunut siaruaannissaat pillugit
    • Suliniutit taakkulu ingerlaneri immikkoortortaqarfiit akimorlugit pineqartillugit anguniakkanut akisussaassutsinillu agguaassisinnaallutit tamanut isiginnissinnaassuseqarputit
    • Fagchefiit allat ammasumik oqaloqatigisinnaavatit paasissutissanillu pingaarutilinnik taakkununnga ingerlatitseqqissinnaallutit
  • Pisortaq
    • Kommunip ingerlatsivii sumiiffiillu pineqartillugit akimut takunnissinnaassuseqassaatit aalajangiisinnaassallutillu kommune tamakkerlugu iluaqutaasussamik
    • Qitiusumik iliuuseqarnikkut akimut suleqatigiinnermi aalajangikkanut isumaqatigiissutinullu nalinginnaasunut ataatsimut piviusunngortitsinermi peqataalluinnassaatit
    • • Qulakkiissavat pisortat akornanni ingerlatsiviit allat pillugit nuanninngitsumik oqaluuserinnittoqannginnissaa aamma qulakkiissavat Fagchefiit suliassat akimorlugit naammassinissaannut iliuuseqarnikkut peqataatinneqarnissaat
    • Pisortaqatigiit suliaannut iliuuseqarnikkut peqataasassaatit suliffeqarfik tamakkerlugu suliassanut pingaarnernut atatillugu "ataatsimuussuseqarneq" piginnittuunerlu pilersissavat
    • Periusissiat suleriaatsillu ineriartortissavatit taakkuummata suliassamut pingaarnermut ataatsimut suleqatigiinneq akimorlugu pitsanngorsaataasussat

Pilersaarusiukkamik aqutsineq

Piginnaanerup taassuma imaraa, aqutsisut aaqqissuusaanermi sumiikkaluarunilluunniit piginnittuussuseqarsinnaanermik pilersitsisinnaassuseqarneq ingerlaannartumillu periutsinik atuutsitsilersinnaassuseqarneq ineriartortitsisinnaanerlu. Periusissiaq isumaqarpoq, qanoq atuuffik aaqqissuusaanerluunniit maannakkumiinnermit- siunissamut kissaatigisamut illuarsinnaaneq. Aamma isumaqarpoq suleqatigiinnermi ingerlariaatsit suliniutillu suliffeqarfiup iluani avataaniillu aqunnissaat ataqatigiissaarnissaallu. Sammiviup innersuunneqarnera qitiutillugu, naammassinnissinnaaneq ingerlaneratalu qitiutinnera.

  • Immikkoortortaqarfimmi aqutsisoq
    • Sulisunut periusissiat isumaqarluartunngorlugit sulisaaseq anguniakkamut qanittoq paasinarsassavat
    • Sulisunut periutsit naleqquttut aqqutigalugit peqataatitsineq piginnittuuneq malitseqartitsinerlu qulakkiissavat
    • Periutsit ulluinnarni atorsinnaanngorlugit suliarissavatit innuttaasunut iluaqutaanissaat ersarissarlugit
    • Anguniakkat ilaat iluatsikkaangata ersarissartassavatit taamaalillutik sulisut akuerineqartutut piumassuseqarnerullutillu misiginissaat anguniarlugu
    • Periutsit atuutsilerneri malitseqartittassavatit sulisunuinnaanngitsoq aammali Fagchefiimut ersarissunik paatsoorneqarsinnaanngitsunillu akissuteqartarnikkut
  • Fagchefi
    • Immikkoortortaqarfinnut ataasiakkaanut periusissiaq atorneqartoq "uummarissassavat". Akisussaaffik piginnittuunerlu pilersinniarlugit immikkoortortaqarfitit peqataatissavatit
    • Ingerlatsivippit iluani sulianullu susassaqarfippit iluani innuttaasoq qiteritissavat periusissiallu atuutsilernissaat suliarisinnaallugillu qulakkeersinnaassavatit
    • Susassaqarfinni periutsit pillugit suliaqarnermi immikkoortortaqarfiit aqutsisui peqataatinneqarnissaat qulakkiigassarivat
    • Ingerlaannartumik killiffiliussaatit pisortaqatigiinnut taakkulu nalinginut ingerlariaatsit suliniutillu suut suliarineqarnersut paasissutigisarlugit, kiisalu anguniakkap killiffiata pitsaassusaa paasissutigisarlugu
  • Pisortaq
    • Politikkikkut aalajangiussat suliassanngorlugit periusissiarinissaat qulakkiissavat
    • Ingerlatsiviinnaangitsumut kisiannili kommune tamakkerlugu aqqutissiuussissaatit, akisussaaffiliillutit innuttaasullu qiteritinnissaanut pingaartitsillutit
    • Periusissiat anguniakkat ersarissumik paatsoorneqarsinnaanngitsumillu inississinnaavatit Fagchefiitillu aqqutigalugit atuutsitsineq saqqummiullugu
    • Periutsimik sananeq atuutsitsilernerullu ingerlarnga sivisoorsuarmik ingerlanneqartartoq pillugu utaqqikatannaveersaarsinnaanerit naammagissavat
    • Fagchefiit suleqatigalugit ingerlanera nalilersussavat, aningaasaqarneq sulisussaqarnermullu tunngatillugu periusissiat anguniakkat anguniarneranni naleqqussaallutit

Attaveqatigiinnermut piginnaasat

Piginnaaneqarnerup uuma oqariartuutit tunngassutilit paasissutissiissutigineqarsinnaanerannik imaqarpoq, aaqqissuussaanermi qummut, ammut silammut sanimullu tassungalu atatillugu suliatigut piginnaasat politikkkikkullu qaffasissutsip akornanni "paasinartuliorsinnaaneq". Naatsumik oqaatigalugu imaaginnarpoq paasissutissat kimut ingerlateqqissinnaanerat nalilersorsinnaallugu aammalu paasissutissaq taanna ima paasinartumik kiisalu tigusisumut isumalimmik tunniussisinnaaneq. Attaveqatigiinneq aamma imaqarpoq allanik oqaloqatiginnissinnaanermik.

  • Immikkoortortaqarfimmi aqutsisoq
    • Sulisut isumaqatigiissutit akuerisat malinneraat pillugit malinnaaffigissavatit
    • Fagchefiinit paasissutissat attuumassutillit ujartortassavatit
    • Suleqatigisanut innuttaasunut atorfilinnullu paasinartumik assigiinngissitaartumillu attaveqatiginnittassaatit
    • Sulisunik paasissutissat oqariartuutillu ingerlateqqittassavatit
    • Sulisut oqaloqatigiumasassavatit isumaat misilittagaallu eqqartornerini tusarnaarlugit
  • Fagchefi
    • Takorluukkat, anguniakkat suliassallu pillugit attaveqartassaatit taakku immikkoortortaqarfinni aqutsisunut suleqatinullu allanut paasinartuussapput ersarillutillu
    • Immikkoortortanut aqutsisut illoqarfinni allaniittut piffissaq eqqorlugu akuttunngitsumillu attaveqatigisarnissaat qulakkiissavat
    • Innuttaasunut atorfilinnut suleqatigisanullu paasinartumik assigiinngissitaartumillu attaveqarfigissavatit
    • Suliffeqarfimmi suliassat periarfissallu pillugit atorfillit tamakkerlugit attaveqatigisinnaallugillu nalunaarfigisinnaavatit
    • Immikkoortortaqarfinni aqutsisunut naatsorsuutitit ersarissumik paatsoorneqarsinnaanngitsumillu attaveqarfigisassavatit aamma ilanngussaannut tusarnaartassaatit
  • Pisortaq
    • Oqaluttuarisinnaavat sooq kommunimi imminut tulluusimaarutigisassamik piumassuseqarlunilu sulineq qanoq pingaaruteqartigisoq
    • Aqutsisuuvutit ersarissoq tarkorluukkat anguniakkat suliassallu pillugit paasinartumik ersarissumillu attaveqarfigissavatit suliffeqarfimmi sulisut tamaasa akisussaaqataasutut misigilersillugit
    • Suliffeqarfimmut tunngatillugu politikkikkut periusissiat iliuutsillu paasinarsassavatit
    • Politikerit, innuttaasut, tusagassiortut allallu sullitat paasinartumik attaveqarfigisassavatit
    • Politikkerinut, Fagchefiinut innuttaasunut sullitanullu allanut oqaloqatiginnittasaatit

Rollemodel

Piginnaaneq una tassaavoq aaqqissuussaanerup anguniagai naleqartitaalu aqqutigalugit uummarissumik inuttut pissuseq aqqutigalugu piviusunngortitsineq. Tassa imaappoq siuttuulluni maligassiuineq.

  • Immikkoortortaqarfimmi aqutsisoq
    • Assigiinngissuseq inissaqartissavat aamma misiginneqataasinnaaneq takutissinnaassavat
    • Siuarsaassaatit unittoortitsinak
    • Suliassanik agguaassisinnaassaatit sulisunullu tatiginnillutit
    • Politikkikkut isummatit sulinerlu immikkoortissinnaavatit
    • Sulinerit sulisunnullu atatillugu ilumuussuseqarlutit soqutigisarivat
  • Fagchefi
    • Kinguneqartussamik isumaliussaatit "kukkuluttornerillu" ilinniutaasinnaanngorlugit isigissavatit
    • Pikkorissuuvutit, patajaattoq eqqissisimasumillu pissuseqartoq
    • Oqaatsitit piviusunngortittassavatit neriorsuutitillu piviusunngortittarlugit
    • Sulinermi inissisimaneq illillu pissutsit ilisimaarivat aamma suliffimmiit soraarnerup kingorna
    • Aaqqissuusaanermi naleqartitat, ataqqinninneq sulinermilu ineriartorneq piviusunngortissavat tamaviaarnartumilluunniit suliaqaraluaruit
    • Pissutsivit ersersippaa, amerlasuunik isigineqartutit tamannalu pisussaaffiusoq aamma ilisimaarivat
    • Suliffeqarfimmi naleqartitat, ataqqinninneq ineriartornerlu ilisimaarivat ersarissumillu tunniussillutit
    • Anguniagaqartuunerit iliuuseqarsinnaanerillu aqqutigalugit isumassarsiortuuvutit
    • Aaqqiagiinnginnerit kinguneqartussanngorlugit piviusorsiortumillu pimoorullugit iliuuseqarfigisarpatit

Quppernerup imarisaa qanganitsersimava?

Quppernermut naqqiutissaqarpit?