Qeqertarsuatsiaat 1754-imi niuertoruseqarfimmi Godthåbimi niuertorutsimit norskiusumit, Anders Olsenimit tunngavilerneqarpoq.

1920-mi avataani ilisimaneqalerpoq Qeqertarsuatsiaat kangerluata paavani ukioq kaajallallugu saarulleqartartoq, taamaattumik aalisartut savalimmiormiut danskit naalagaaffiannut qinnuteqarput kalaallit imartaanni aalisartalerumallutik. Aallaqqaammut qinnuteqaat itigartinneqarpoq, savalimmiormiulli uteriillutik qinnuteqartuaannarmata 1925-mi aalisarsinnaanissamut akuerineqarput.

Aalisartut savalimmiormiut Qeqertarsuatsiaani aalisarnermut sunniutaasa ilagaat, Qeqertarsuatsiaarmiut ”savalimmiormiut pujortuleeraannik” aalisariuteqalernerat. Saarullippassuaqarnera Canadami 1800-kkut aallartinneranni kuultisiulernersuannut assersuunneqarsinnaavoq.

1980-ikkunni nunaqarfimmiut piginneqatigiillutik aalisakkerivik Godthåb Fiske Industriminngaanniit pisiarivaat nutarterlugulu. Ateqalerpoq ’Ervnga A.M.B.A.’. Saarullinnik tarajorterinerup kingorna saarullinnik qerisunik tunisassiorneq ingerlanneqarpoq.

Saarulliit 1980-ikkut qiteqqunneranni tammakarmata aalisakkerivik piginneqatigiinnit pigineqartoq akiliisinnaajunnaarpoq. Sumiiffimmi aalisartunut aalisarneq akilersinnaajunnaarpoq aalisariutillu ikilineqarput. Umiatsiaararsorluni aalisarneq aallunneqalerpoq aalisartullu assagiarsunniarneq isumalluutigilerpaat. Ukioq kaajallallugu puisit amii aamma tunisaalerput.

1950-ikkunni 1960-ikkunnilu inunnik eqiterineq pilermat asimioqarfinni Kangillermiuni, Akunnaani, Uugarsiorfimmi, Kangerluarsussuarmilu (Grædefjorden) najugaqartut Qeqertarsuatsiaanut nutsertinneqarput. Ikittunnguit Nuummut nuupput. Typehusinik sanaartorneq nunaqarfimmi aallartinneqarpoq.

Qeqertarsuatsiaat pillugu sumiiffittut ilisaritinneqarnera

Kommunip illoqarfii nunaqarfiilu sumiiffikkaartumik borgmesterip allattoqarfianiit ilisaritinneqarnissai suliarai. Illoqarfiit nunaqarfiillu tamarmik immikkut ilisaritinneqarput.
Allaaserineqarnerinilu kommunip suleqatigisallu allat naatsorsueqqissaarutaat kisitsisaallu atorlugit inuussutissarsiutit, ineqarneq, ilinniartitaaneq inuttullu atukkat nassuiaatigineqarlutik.

Qeqertarsuatsiaat pillugu sumiiffittut ilisaritinneqarnera 

Quppernerup imarisaa qanganitsersimava?

Quppernermut naqqiutissaqarpit?