Eqqakkat angisuut

Eqqakkanik angisuunik igitsinissamut aaqqissuussaq namminerisamik illuutillit eqqagassaatiminnik angisuunik ulluinnarni eqqagassanik eqqaanermi ilaatinneqarsinnaanngitsunik eqqaanissamut ikiorsiissutaavoq. Eqqakkat eqqortumik iginneqarnissaasa eqqagassallu aqqusernit sinaannaanut pinngortitamulluunniit qimaannarneqannginnissaat qulakkeernissaa siunertaavoq.

Kina eqqagassanik angisuunik aaqqissuussinermik atuisinnaava?

Eqqakkanik angisuunik aaqqissuussineq namminerisamik illuutilinnut atuuppoq. 

Aaqqissuussinermit makku pineqanngillat: Inissiaatileqatigiiffimmit aqunneqartumik ineqaruit kommunip angisuunik eqqagassanut aaqqissuussaanut peqataasinnaanngilatit, tassa inissiaatileqatigiiffiup eqqagassanik angisuunik eqqaasarneq akisussaaffigimmagu. Eqqagassat angisuut qanoq tunniunneqassanersut pillugit inissiaatileqatigiiffiit attavigissavat.

Eqqakkat angisuut suuppat?

Eqqakkat angisuut tassaapput angerlarsimaffimmit eqqagassat angisuut eqqaavinnut nalinginnaasunut iginneqarsinnaanngitsut.

Eqqagassanut angisuunut assersuutit:

  • Pequttat (nalaasaarfiit, nerriviit, issiaviit)
  • Qullit kiisalu atortut innaallagissamoortut minnerit
  • Igaffimmi atortut, ilisaatit pinngussallu
  • Natersuit annoraamerngillu
  • Pappit nutsernermilu karsit
  • Sikkilit, assakaasut qalequtai palitsillu
  • Qerititsiviit nillataartitsiviit errorsiviit innaallagissamoortullu

Eqqakkat angisuut ukuunngillat:

  • Sanaartornermit eqqagassat (beton, qammasissiat, gips, qisuit, fliisit il.il.)
  • Igaffitoqqat, eqqiluisaarnermi atortulersuutit, atortulersuutit ikkussukkat
  • Igitassat avatangiisimut navianartut (uulia, akuutissat, qummoroortartut, imassat)
  • Eqqagassat nalinginnaasut, issoq imaluunniit angallassissutit/angallatit atorunnaakkat

Eqqakkanik allertarneq

Nuuk

Nuummi eqqagassanik angisuunik katersineq ukiumut marloriarluni neqeroorutaasarpoq, upernaakkut aattulernerani kiisalu ukiakkut apinnginnerani.

Inoqutigiit illuisa eqqaanniittut katersorneqartarput, kisiannili Eqqagassaleriffimmut nalunaarsimagaanni aatsaat.

Nalunaarsimagaanni Eqqagassaleriffik attavigisinnaavat:

Ilanngunnissamut piffissaq killiliussarlu kommunip attaveqaqatigiittarfiatigut najukkami nalunaarutigineqartassaaq, matumanilu kommunip nittartagaatigut facebookikkullu nittartagaatigut. 

Piffissap katersiviusup avataatigut eqqagassaatitit illit nammineq kommunip Eqqagassaleriffianut tunniuttassavatit.

Kommunimi inoqarfiit sinneri

Arsuk, Isertoq, Ittoqqortoormiit, Kapisillit, Kulusuk, Kuummiit, Paamiut, Qeqertarsuatsiaat, Sermiligaaq, Tasiilaq aamma Tiilerilaaq aallernernik aaqqissuussanik pilersitsiffiusimapput namminerisamik illuutillit eqqakkamik angisuut aaneqarnissaannut nalunaaruteqarsinnaallutik.

Ukiup ingerlanerani aallertarneq ingerlaavartumik pisarpoq, illillu najukkami innuttaasunik sullissivimmut immikkoortumilu allaffimmut attaveqarnikkut nalunaarnissamik paasissutissanik suleriaatsinillu pissarsiniarsinnaavutit.

Eqqagassat angisuut igitassanngorlugit annikkaangakkit imaaliortassaatit

Pitsaasumik katersinissaq qulakkeerniarlugu eqqagassat angisuut annisissavatit eqqortumillu immikkoortillugit:

  • Atortussiat immikkoortitikkit – Ass. nerrivik qisuk saviminernik niululik qisuit savimernillu peerlugit immikkoortinneqassapput.
  • Sukujuaqqat eqqaavissiani akimut ersittuni – Eqqagassat minnerit eqqaavissianut akimut ersittunut katersorneqassapput.
  • Pappit qilersorlugit – Peqititerlugit qilersorlugillu.
  • Inissinneri – Eqqakkat pisortat aqqusiniinut qaninnermut imaluunniit kommunimut isumaqatigiissuteqarfiusumut inissikkit.

Apeqqutissaqarpit?

Eqqakkanik angisuunut tunngasunik apeqqutissaqaruit Sermersuup Eqqagassaleriffia attavigisinnaavat.

Eqqakkat immikkoortiternissaannut, malittarisassanik kiisalu eqqakkanik angisuunut tunngasunik allanik apeqqutissaqaruit ikiorsinnaavatsigit.