Takornarialerinermi siuarsaanissamut aningaasaliissuteqarnissaq Kommuneqarfik Sermersuumi kommunalbestyrelsip 2019-imi akuersissutigaa. 2021-mut inuussutissarsiutigalugu angallassisinnaanermut misilitsinnermut aningaasaliissutit 300.000 koruunit immikkoortinneqarput.
Inuussutissarsiutigalugu angallassisinnaanermut uppernarsaatitaarniarnermi aningaasartuutit 25.000 koruunit tikillugit aningaasaliissutinit tapiiffigineqartarput, suliffeqarfiillu takornarianik angallammik angallassisartut qinnuteqarsinnaallutik. Matuma kinguliini paasisaqarnerusinnaavutit
Suut qinnutigisinnaavigit?
- Inuussutissarsiutigalugu angallassisinnaanermut uppernarsaatitaarnissamut pikkorissarnermut akiliummut matussutissatut inummut ataatsimut 25.000 koruunit tikillugit aningaasaliiffigineqarnissamik qinnutigineqarsinnaapput. 25.000 pr kursist til at dække kursusgebyr for erhvervsduelighedsbevis. Inuussutissarsiutigalugu angallassisinnaanermut uppernarsaatitaat 25.000 koruuni ataallugu akeqarpat pikkorissarnermut akiliutip nalinga tunniunneqassaaq.
- Pikkorissassutaareersimasunut tapiiffigineqarnissamut qinnuteqartoqarsinnaanngilaq.
- Pikkorissarneq ukiumi qinnuteqartitsiffiusumi ingerlanneqassaaq.
Kina qinnuteqarsinnaava?
- Suliffeqarfiit takornarianik angallammik angallassisartuutillit aningaasaliissutinik qinnuteqarsinnaapput.
- Suliffeqarfiit CVR-ikkut nalunaarsorsimasuussapput aamma Kommuneqarfik Sermersuumi najugaqassallutik. P-mik immikkoortortat ilanngunneqassanngillat.
Qanoq qinnuteqassaanga?
- Qinnuteqaat uunga nassiunneqassaaq inpi@sermersooq.gl
- Qinnuteqaammi ataatsimi pikkorissartussamut ataasiinnarmut qinnuteqarsinnaavutit.
- Suliffeqarfik ataaseq arlalinnik qinnuteqarsinnaavoq.
- Qinnuteqarnissamut immersugassaqanngilaq
- Qinnuteqaammi immikkoortut tallimat uku ilaatinneqassapput:
- Suliffeqarfik pillugu paasissutissat, uku ilanngullugit CVR-nummer, najugaq aamma tapiiffigineqarnermi ikisiffissaq kontonormu.
- Pikkorissartussatut qinnuteqaatigineqartup aqqa.
- Pikkorissaqataanissamut nalunaarnermut uppernarsaat, ulloq pikkorissarfissaq ilanngullugu.
- Atorfeqartitaanermut uppernarsaatit
- Aningaasat qinnutigineqartut
Qaqugukkut qinnuteqarsinnaavit?
- Qinnuteqaatit ingerlaavartumik tigoorarneqartarput.
- Qinnuteqaatit ingerlaavartumik suliarineqartarput.
- Qinnuteqaat pikkorissarnerup aallartinnissaa sioqqullugu nassiunneqassaaq.
Qanoq tapiissuteqartoqassava?
- Qinnuteqaatit tiguneqartut tulleriinnerat malillugu tapiissutit tunniunneqassapput.
- Aningaasaliissutit siammasissumik iluaqutaanissaat pillugu qinnuteqartorlu aningaasaliissutaasut affaannut ukiumi qinnuteqartitsiviusumi siusinnerusukkut siumoortumik akuerisaasimasoq pineqarpat, Sermersooq Business aalajangersinnaavoq, qinnuteqaatit tiguneqartut tulleriinneri malillugit qinnuteqartunik allanik salliutitsissalluni.
- Sermersooq Business pisinnaavoq, qinnuteqaatinik amigaateqarpallaartunik itigartitsissalluni. Taamaattoqartillugu nutaamik qinnuteqartoqarsinnaavoq.
Tapiissutit qanoq tunniunneqassappat?
- Uunga qinnuteqassaatit inpi@sermersooq.gl
- Sermersooq Business qinnuteqaatit siumoortumik akuerissavaa, qinnuteqaammullu normumik tunillutit. Sermersooq Business qinnuteqaatit siumoortumik akuerisinnaavaa oqaasertalerlugu aningaasat tamarmik allamut tunniuneqarsimasut aamma qinnuteqaatit tapiiffigineqartussani tulleriiaartuni normu X-imiittoq, innersuussutigalugu 6.5.
- Pikkorissarnerup kingorna pikkorissarsimanermut uppernarsaat aamma atorfeqartitaanermut uppernarsaat uunga nassiutissavatit inpi@sermersooq.gl. Qinnuteqaatip normua allassavat.
- Sermersooq Business tapiissutinik kontumut paasissutissiissutigineqartumut ikisissaaq.
- Pikkorissartoq pikkorissarnerminik naammassinninngippat imaluunniit atorfeqartitaanngippat tapiissuteqarnissaq atorunnaarsinneqassaaq. Taamaanngippat qinnuteqartumut tullinnguuttumut tapiissuteqarneq tunniunneqassaaq, innersuussutigalugu 6.2.
Oqaaseqaatigineqartut allat
- Pikkorissarnermut akiliut qinnuteqarfinnit allanit tapiiffigineqarsimappat aningaasaliissutinit ukunannga tapiiffigineqarsinnaanngilaq. Pikkorissarnermut akiliutip ilaa aningaasaliissutinit allanit matussuserneqarsimappat, tapiissutitut tunniunneqartut ikilisinneqarsinnaapput, taamaalilluni pikkorissarnermut akiliummut tapiiffigineqarneq ataatsimut katinnera sipporlugu tapiisoqaqqunagu.
- Angalanermut ineqarnermullu aningaasartuutinut tapiiffigineqarnissamut AMA-mut aningaasaliissutinut qinnuteqarsinnaatitaavutit.
Ilitsersuummut tunngasumik paasissutissanik annertunerusunik uani atuarsinnaavutit.