Saattuarniarneq

Sunngiffimmi aalisartuuguit nammineq atugassannik saattuarniarnermi aalisarnissamut akuersissuteqartariaqanngilatit.

Aalisarnermut malittarisassat piumasaqaatillu aalajangersarneqarsimasut malinnissaannut pisussaaffeqarputit.

Piumasaqaatit

  • Danmarkimi innuttaasutut Kalaallit Nunaanni aalajangersimasumik najugaqassaatit.
  • Nunami allami naalagaaffimmi innuttaasutut Kalaallit Nunaanni aalajangersimasumik najugaqassaatit aamma ukiuni marlunni ataqatigiissumik najugaqarsimassallutit.
  • Sunngiffimmi aalisartutut saattuarniarnermi pullasersuutit amerlanerpaamik pingasut atorsinnaavatit.
  • Pullatit 70 mm sinnerlugu affarmik nigartallit atorlugit saattuarniarnissaq kisimi akuerisaavoq.
  • Taamaallaat saattuat angutivissat tunumikkut minnerpaamik 10 cm-mik takissusillit pisarisinnaavatit.  Saattussat arnarluit angallammiitinneqartassanngillat avalatseqqinneqartassallutilli.