Quppernermi uani meeqqanik inuusuttunillu pillorissaaneq aamma timimik sungiusaaneq – Uani ilanngullugit kikkut ikiorneqarsinnaanersut, ikiorsiissullu suna neqeroorutaanersoq paasissutissanut qupperneq takusinnaavat.
Meeqqanut inuusuttunullu tunngasuni pillorissaasoq ataaseq timimillu sungiusaasoq ataaseq, meeqqanut 0-17-inut ukiulinnik sullisusut, pigineqarput.
Kikkut sullinneqarsinnaappat
- Meeqqat inuusuttullu Inuit innarluutillit tapersersorneqarnissaannut Inatsisartut inatsisaat nr. 13, 12. juuni 2019-imeersumi pineqartut.
- Meeqqat tapersersorneqarnissaannut Inatsisartut Inatsisaat nr 20, 26 juuni 2017-imeersoq
Qanoq attaveqartoqassava
- Angajoqqaat, isumassuisut, peqqinnissamik suliallit, atuarfinni aamma ulluunerani aamma ulloq unnuarlu paaqqinniffinni sulisut kiisalu tapersersortaasut katsorsaanissamik pisariaqartitsisoqartillugu sullissisumut saaffiginnissuteqarsinnaapput. Tamatuma kingornatigut sullissisut meeqqanik pillorissaasunut timimik sungiusaasunullu paasissutissiissapput
- Pillorissaasut timimillu sungiusaasut saaffiginnissut tigugunikku innuttaasumut attaveqassapput, qanorlu ingerlasoqarnissaa pillugu siumut pilersaarusiortoqarsinnaalissaaq
- Pillorissaasut timimillu sungiusaasut nalilersuissapput innersuussillutillu kisimiitillugu imaluunniit holdini ingerlanissaa pillugu
Pillorissaasut timimillu sungiusaasut qanoq neqerooruteqarsinnaappat?
Nalilersuineq, sungiusarneq, ilitsersuineq aamma uku eqqarsaatigalugit siunnersuineq
- Avatinik atuisinnaanerup ineriartornerata annikillisimappat, assersuutigalugu meeqqap pissusissamisoortumik avatiminik atuisinnaanera akornuteqarpat
- Atuisinnaaneq annikillisimappat, soorlu paarngunnermi, pisunnermi arpannermilu kiisalu nukilaallinermi, qasujasinermi, ataqatigiissitsisinnaanerup annikillinerani timillu inuusiata qerartaarikkunnaarnerani
- Sianitinik aamma naggussanik nukinnillu nalilersuineq, assersuutigalugu aalasinnaaneq killeqalersimappat, kukkusumik timimik inissisimatitsineq, timikkut sianiutitigullu innarluuteqarneq pillugit nalilersuineq
- Malugissutsinik naleqqussaasinnaanermik ajornartorsiuteqarneq, soorlu attorneqarnermut, nipimut, inimut, timimik malugisaqarsinnaanermut makittarissaarsinnaanermullu tunngatillugu
- Ulluinnarni isumagisassanik ajornartorsiuteqarneq, soorlu imminut isumaginermi, atisalersornermi atisaajarnermilu aamma nerinermi
- Sunngiffimmi sammisassaqarnermut peqataanissamut tunngatilugu ajornartorsiuteqarneq
- Pussuit atorlugit suliassanik ajornartorsiuteqarneq, soorlu titartaaniarnermi, allanniarnermi aamma qiortaaniarnermi
- Meeqqat ADHD-qartut, autsimeqartut, eqqissisimanngitsut aamma timi atorlugu qisuariartartut ulluinik pilersaarusiorneq aaqqissuinerlu.
- Pillorissaasut timimillu sungiusaasut misilittaaneq, aamma iluaqusersuutinik inniminniisarneq aamma atortunik naleqqussaaneq akisussaaffigivaat
Sungiusarneq
Sungiusarneq ulluinnarni piffissami 08.00 – 16:00 ingerlanneqartarpoq aamma angajoqqaat, pillorissaasut timimillu sungiusaasut tapersersorteqarpallu taakku akornanni suleqatigiissutigalugu pilersaarusiorneqartarpoq.
Holdikkuutaarluni sungiusarneq meeqqerivimmi Soralumi, innuttaasut illuanni Illorput-mi imaluunniit illoqarfiup naluttarfiani Malik-mi ingerlanneqartarpoq. Holdit ukiut, nappaatip suunera, meeqqap avatiminik atuisinnaanera, eqqarsartaatsikkut sumiinneq, soqutiginninneq aamma piumassuseqarneq malillugit agguataarneqarsinnaapput.
Ataasiakkaaraluni sungiusaaneq meeqqap angerlarsimaffiani, sungiusartarfimmi, naluttarfimmi imaluunniit meeqqap asssersuutigalugu uluunerani paarineqarfiani, meeraaqqerivimmi, meeqqerivimmi, atuarfimmi imaluunniit ulluunerani neqerooruteqarfimmi ingerlanneqarsinnsinnaavoq.
Atortorissaarutit, inigisallu allanngortinneqarnerat
Meeqqap timikkut aamma maluginiutiminik ajornartorsiutai tunngavigalugit pillorissaasut aamma timimik sungiusaasut iluaqusersuutaasinnaasunik, ulluinnarni nammineernerulernissamut iluaqutaasunik ajornartorsiutigineqartunullu taartaasinnaasut, nalilersortarpaat. Soorlu kugledynit, gangvognit, ajassaatit saviit alussaatillu immikkut sanaat.
Pikkorissaasut aamma timimik sungiusaasut aammattaaq inigisaq allanngortinneqassanersoq, soorlu inip aaqqinneqarneranik, angallavigiuminassusianik aamma isumannaatsuuneranik, nalilersuisarput. Pillorissaasut timimillu sungiusaasut nalilersuineq, inniminniineq, misilittaaneq, atortunik naleqqussaaneq aamma tunniusisarneq akisussaaffigivaat.
Suleqatit
Pillorissaasut timimillu sungiusaasartut angajoqaat, inunnut innarluuteqartunut sullissisut, tapersersortit aamma tapersersortinut ataqatigiissaarisartut, allallu pillorissaasut timimillu sungiusaasut aamma DIH-mi nakorsat qanimut suleqatigisarpaat. Aammattaaq pillorissasut timimillu sungiusaasut pisariaqartitsinermi allanik ilinniagalinnit ilisimasanik isumannillu meeqqap pisariaqartissinnaasaanik pissarsiorsinnaapput.
Sulinermut atatillugu angalaneq
Pillorissaasut timimillu sungiusaasut meeqqanut inuusuttunullu tunngasunik suliallit suleqatigiiupput angalasartut. Pillorissaasut timimillu sungiusaasut pisariaqartitsineq malillugu Paamiunut, Qeqertarsuatsiaanut, Kapisilinnut, Tasiilamut Ittoqqortoormiinut taakkulu nunaqarfiinut angalasarput.
Ukiumut ataasiarluni illoqarfiit tikinneqartarnissaat anguniagaasarpoq.
Pillorissaasut timimillu sungiusaasartut Nuummisut sungiusarnissamik pisariaqartitsinermik nalilersuisarput, inuit isumassuisut ilitsersorlugit kiisalu iluaqusersuutinik pisariaqartitsisoqarneranik inillu allanngortinneqarnissaanik nalilersuisarput.
Saaffiginnissutissatit tamarmik uunga mailimut ingerlatinneqartassapput: