Suleqatigiit timimik sungiusaasut pillorissaasullu Isumaginninninermut Ingerlatsiviup ataani Inunnut innarluutilinnut Tarnimikkullu Nappaatilinnut Immikkoortortap ilagaa Kommuneqarfik Sermersooq tamakkerlugu sullissisoq.

Timimik sungiusaasut pillorissaasullu suleqatigiit sisamanik pillorissaasoqarput, tallimanik timimik sungiusaasoqarlutik aqutsisoqarlutillu. Timimik sungiusaasuni tallimaasuni ataaseq Paamiuni sulivoq sinnerilu Nuummiillutik.

Suliassat innuttaasut angerlarsimaffiini, paaqqinniffinni assigiinngitsuni, sammisassaqartitsivinni imaluunniit sungiusartarfinni ingerlanneqartarput. Soorlu Ippiarsummi, Utoqqaat Illuanni, meeqqerivimmi Soralumi aamma Kammagiinni.

Suleqatigiit timimik sungiusaasut pillorissaasullu suliassaqarfinnut sisamanut agguataarneqarnikuupput: meeqqanut suliassaqarfik, inersimasunut suliassaqarfik, piginnaanngorsarnermut suliassaqarfik kiisalu inunnut innarluutilinnut tarnimikkullu nappaatilinnut suliassaqarfik.

Inersimasunut meeqqanullu timimik sungiusaasut pillorissaasullu angalasartuupput Kommuneqarfik Sermersuumi illoqarfinnut nunaqarfinnullu tikeraartartut.

Suleqatigiit timimik sungiusaasut pillorissaasullu innuttaasut timikkut, eqqarsartaatsikkut, malugissutsikkut aamma/imaluunniit tarnikkut ulluinnarni unamminartitaminnik namminersorsinnaanerulernissaat anguaniagaraat. Iliuuseqarfigisavut:

  • Ulluinnarni sapinngisat naapertorlugit isumaqarluartunik sungiusartitsineq.
  • Piginnaariikkanik sungiusarneq, ataasiakkaanik holdikaartunillu.
  • Nuussinermi, issiasunik innangasunillu ikiuinermi nalilersuineq innuttaasunut suleqatigisanullu ilitsersuineq.
  • Inooriaaserisap kingunerisaanik nappaatit pitsaaliorniarlugit siunnersuineq eqaarsaarnerlu aamma peqqinnarnerusumik sammisassaqartitsineq.
  • Sullitat iluaqusersuutinik pisariaqartitsinerannik inigisaanillu allannguinissamik naliliineq.
  • Sisimiuni Pissassarfimmi sungiusariarnissamik kissaateqartoqarpat timimik sungiusaasut pillorissaasullu piginnaasanik nalunaarsuinermik ikiuussinnaapput.

Timimik sungiusaasut pillorissaasullu suliffiat Narsarviaq 26, 3905 Nuussuarmi inissisimavoq.

Suleqatigiit timimik sungiusaasut pillorissaasullu peqqumaasivimmi ingerlatsisoqarput inunnullu innarluutilinnut biilertoqarlutik.

Ikiorsiissutinik peqqutaasivik peqqumaasivimmilu ingerlatsisoq Nuummiippoq. Ikiorsiissutinik peqqumaasivimmi ikiorsiissutinik peqqumaateqarnissaq, aaqqissuussinissaq salittarnissaanullu akisussaaffigineqarpoq.

Inunnik innarluutilinnik biilertup innuttaasut ingerlanneqartarnissamut innersuunneqarsimasut ingerlatsissallugit akisussaaffigaa. Soorlu suliffimmut, atuarfimmut, nakorsamut, aningaaserivimmut pisiniarnissamut imaluunniit sammisassaqartitsivimmut ingerlanneqarneq.

Quppernerup imarisaa qanganitsersimava?

Quppernermut naqqiutissaqarpit?