Pisortani katinneq

Uani atuarsinnaavat pisariitsumik Innuttaasunik katititsinermut atatillugu  – Uani ilanngullugu aappariinnerup uppernarsarneqarnera allallu uppernarsaatitut pisariaqartut atuarnerusinnaavatit.

Kommuneqarfik Sermersuumit tikilluaqquneqarpusi kommunimi pisortanit katitinneqarnissamut.

Katinnissamik kissaateqarussi siullertut katinnermi uppernarsaat immersussavarsi, immersugassaq uaniittoq atorlugu.

Malugiuk, katinnermi uppernarsaat ulloq katiffik sioqqullugu qaammatinik sisamanik pisoqaanerussanngimmat.

Katinnermi uppernarsaat immersoriigaq allagartallu allat kommunimit tiguneqaraangata, katinnissamut piumasaqaatit eqqortuunerannik misissuineq aallartinneqartarpoq. Piumasaqaatit naammassineqarsimappata misilinneqarnermik uppernarsaammik tunniussisoqassaaq. Kommunimi nunamiluunniit allami katitinneqassagussi misilinneqarnermik uppernarsaat katititsinermik oqartussaasumut tunniunneqassaaq.

Katinnermi uppernarsaammut ilanngullugit allagartat makku assilisanngorlugit tunniunneqassapput:

Uppernarsaatit tamarmik Innuttaasunik Kiffartuussivimmut tunniunneqassapput katinnissaq sapaatip-akunnerinik marlunnik sioqqullugu.

Pisortatigoortumik katititsinermi inatsisit toqqammaviusoq: Aappariilertarneq aappariigunnaartarnerlu pillugit inatsisip Kalaallit Nunaannut atortuulersinneqarnissaanik peqqussut nr. 307 af 14. maj 1993

Piffissat katiffiusinnaasut

Kommuneqarfik Sermersuup nalinginnaasumik ammasarfiata nalaani.

Nalliuttuni aamma juunip 21-anni inuiattut ullorsiornermi katititsinerit ingerlanneqarneq ajorput.

Katititsineq Kommunalbestyrelsip ataatsimiittarfiani ingerlanneqartarpoq katittussat allami katitinneqarnissartik kissaatigippassuk taanna katittussat namminneq akisussaaffigaat.

Pisortani katinneq pillugu apeqqutissaqaruit Innuttaasunik Kiffartuussivik saaffigisinnaavat oqarasuaat 367900 imaluunniit e-mailikkut innuttaasunut@sermersooq.gl

Pisortani katinnermi atinik allanngortitsineq

Katinnermi atinik allanngortitsinissamut makku periarfissaapput

Kinguliaqut allannguuteqanngitsoq

Katitassap/Aappariligassap kinguliaqutaanik atulerneq nammineq kinguliarisaq atorunnaarlugu

Katitassap/Aappariligassap kinguliaqutaanik atulerneq nammineq kinguliarisaq aternut ilanngullugu.

Malugiuk periarfissaq 2 tamagiinnut atuutinngimmat, aappaanaata aapparmi kinguliaqutaa atulersinnaavaa nammineq kinguliaqutarisani atorunnaarlugu.

Kinguliaqutit akornanni kittoraat kissaatigineqarpat katinnerup kingorna Naalagaaffiup Sinniisoqarfia saaffigineqassaaq. Kinguliaqutit tulleriinnerisa allanngortinnissaat kissaatigineqarpat Palaseqarfik saaffigineqassaaq. Atit allanngortinneqartut tunngavigalugit katissimanermut uppernarsaat nutaaq pineqarsinnaavoq.

Pisortanit katitinneqarnermit atit allanngornerat utertinneqarsinnaapput katinnerup siorna atit atuleqqinneqarsinnaallutik (taamaattoq siornatigut katissimanikkut atiusimasut pinnagit).

Malugiuk, inuit Kalaallit Nunaanni aalajangersimasumik najugaqanngitsut, Kalaallit Nunaanni katinnermut atatillugu atiminnik allanngortitsisinnaanngimmata.

Atinik allanngortitsineq pisarpoq Personnavneanordning § 4, stk. 2 og Cirk. Nr. 103, § 17 toqqammavigalugu.

Nunani allani katinneq

Nunami allami katinnissaq kissaatigigussiuk katinnermut uppernarsaat kommunimi angerlarsimaffigisassinni immersussavarsi pappiaqqat piumasaqaatigineqartut ilanngullugit (tunniullugit qulaaniittoq tak.). Kommunimit misissorneqassaaq qallunaat inatsisaat naapertorlugit aappariilernissamut piumasaqaatit naammassineqarsimanersut. Taamaappat katinnermut uppernarsaat kommunip suliarissavaa nassiullugulu, taanna nunami allami katititsinermik ingerlatsisussamut tunniunneqassaaq.

Nunami allami ilissi katissimagussi katinnermut uppernarsaat taannarpiaq ajornanngippallu uppernarsaatip nutserneqarnera, Innuttaasunut Sullissivimmut takutissavarsi katissimanersi inunnik nalunaarsuiffiup eqiteriffiani allanneqassammat.

Pisortani katinneq pillugu apeqqutissaqaruit Innuttaasunik Kiffartuussivik saaffigisinnaavat oqarasuaat 367900 imaluunniit e-mailikkut innuttaasunut@sermersooq.gl

Pisortanit katititsineq

Kommuneqarfik Sermersuumi borgmesteri pisortatut katititsinermik ingerlatsisinnaavoq. Aamma kommunalbestyrelsimut ilaasortat tamarmik borgmesterimit pisortatut katititsinermik ingerlatsinissamut pisinnaatitsissummik tunineqarsinnaapput. Uani takusinnaavat Kommunalbestyrelsimut ilaasortat allattorsimaffiat.

Taamaattoq Innuttaasunik Kiffartuussivik kommunalbestyrelsimut ilaasortanik attaveqartussaavoq uppernarsaatissat tamaasa tiguneqarpata katissinnaanermullu piumasaqaatit naammassineqarpata.

Immikkut ittoqartillugu Borgmesteri pisinnaatitsissummik tunniussisinnaavoq, ass. nunaqarfimmi kommunalbestyrelsimut ilaasortaatitaqanngitsumi.

Kommunit agguataarnerisa avataanni pisortatut katititsineq Naalagaaffiup Sinniisaanit ingerlanneqassaaq. Kalaallit Nunaanni Naalagaaffiup Sinniisaa pillugu uani annermik paasisaqarit.

Pisortani katinneq pillugu apeqqutissaqaruit Innuttaasunik Kiffartuussivik saaffigisinnaavat oqarasuaat 367900 imaluunniit e-mailikkut innuttaasunut@sermersooq.gl