Meeqqanut inersimasunullu innarluutilinnut neqeroorutit tapersersuinerillu

Quppernermi uani paasissutissat, meeqqanut inersimasunullu innarluutilinnut attuumassutilimmik neqeroorutit – Uani ilaalluni kina attaveqarfissaasoq, ilanngullugit ikorfartuinerit suut periarfissaanersut suunerat.

Kommuneqarfik Sermersooq meeqqanut inersimasunullu innarluutilinnut ikiuinissamik tapersersuinissamillu neqerooruteqarpoq. Timikkut tarnikkullu piginnaasakillisimaguit Kommuneqarfik Sermersooq assigiinngitsunik neqerooruteqarpoq tapersersorneqarnissannullu periarfissaqartitsilluni.

Sullissisut illillu marluullusi nalilersussavarsi neqeroorutit sorliit pisinnaatitaaffigineritit pisariaqartinneritillu.

Kommunip innarluutilinnut neqeroorutai inersimasunut suliassaqarfinni meeqqanut inuusuttunullu suliassaqarfinni agguataagaapput. Tamatuma saniatigut meeqqanut inuusuttunullu suliassaqarfik marlunngorlugu avinneqarpoq, tapersersuineq atuarnerup nalaani avataanilu ingerlanneqarnera apeqqutaatillugu.

Immikkoortumut ilinnut ikiuilluarsinnaasumut apeqqutinnik inissisimaninnullu ikiuilluarsinnaasunut iluatsittumik saaffiginnissinnaavutit. Ikiorneqarsinnaanerlutit nalorniguit kommunip eqqortumut saaffiginninnissannik ikiussavaatit.

Kina attaveqarfigissaviuk

Meeqqanut inuusuttunullu tunngasunik suliassaqarfik ilaqutariinnit 18-it tungaannut ukiulinnik meerartalinnut sullissiviuvoq
  • Atuarnerup nalaani tapersersuineq
    Saaffiginninnerit meeqqap atuarnerata nalaani tapersersuinermut tunngassuteqarpat Meeqqanut Atuarfeqarnermullu Ingerlatsivik attaveqarfigissavat.
    E-mail: alim@sermersooq.gl
  • Atuarnerup avataani tapersersuineq
    Saaffiginninnerit meeqqamut innarluutilimmut meeqqamulluunniit innarluutilimmut ilaqutaasumut tunngassuteqarpat Meeqqanut Ilaqutariinnullu Ingerlatsivik saaffigissavat.
    E-mail: sepi@sermersooq.gl
Inersimasunut tunngasut innuttaasunut 18-inik ukioqalereersimasunut
  • Inersimasunut tunngasut innuttaasunut 18-inik ukioqalereersimasunut
    Suliffeqarnermut Isumaginninnermullu Ingerlatsivik. Ikiorsiissutit inersimasunut tunngasut tamarmik Suliffeqarnermut Isumaginninnermullu Ingerlatsivimmi innarluutilinnut tunngasuni suliassat allaaserineqarnerini takuneqarsinnaapput. Suliat allaaserineqarneri atuuttut kommunip nittartagaani nassaassaapput.
    E-mail: si@sermersooq.gl

Inatsisitigut tunngavigineqartut

Inuit innarluutillit tapersersorneqarnissaannut Inatsisartut inatsisaat nr. 13, 12. juuni 2019-imeersoq

Inuit innarluutillit tapersersorneqarnissaannut Namminersorlutik Oqartussat nalunaarutaat nr. 29. 7. august 2020-meersoq

Isumaginninnermi suliassaqarfimmi nakkutilliisarneq pillugu Namminersorlutik Oqartussat nalunaarutaat nr. 22, 24. juni 2020-meersoq

Inunnut innarluutilinnut najugaqarfissatut neqeroorutit pillugit Namminersorlutik Oqartussat nalunaarutaat nr. 19, 4. november 2019-imeersoq

Tapersersorneqarnissamut periarfissat atorneqakulasut

Tapersersorneqarnissamut periarfissat pillugit allattorsimaffik uani takuneqarsinnaavoq: Allattukkat tamakkiisuunngillat, ikorfartorneqarsinnaaninnullu/-sinnullu inissisimanerit/inissisimanersi pisariqartitasilu aallaavigalugit neqeroorutigineqassapput. 

Meeqqanut tunngasuni ikorfartuineq

Aningaasatigut tapersersorneqarneq
Kommuneqarfik Sermersooq pissutsini immikkut ittuni aningasatigut ikorfartuisinnaavoq. Makkuusinnaapput:

–          Innarluuteqarnerup annertuumik aningaasartuuteqarnerunissaq kingunerippagu

–          Nammineq angerlarsimaffigisami qitornarisap innarluutillip isumassorneqarnissaanut tapersersorneqarnissamik pisariaqartitsineq

–          Innarluuteqalernermik aallaavilimmik nuunnermi aningaasatigut ikorfartortariaqaruit 

Siunnersuinerit ilitsersuinerillu
Kommuneqarfik Sermersooq inunnut innarluutilinnut siunnersuinermik aqqutissiuussinermillu ingerlatsisarpoq. Siunnersuineq aqqutissiuussinerlu ilaatigut ima ingerlanneqarsinnaavoq:

–          Oqaloqatiginninnerit katsorsaataasut

–          Iluaqusersuutinik atuinissamut toqqaanissamik siunnersuineq

–          Iluaqusersuutinik atuinermik ilitsersuineq

Oqilisaassineq
Kommuneqarfiup inunnik innarluutilinnik oqilisaassinissaq, ulluinnarni isumassuineq angajoqqaanit imaluunniit nammineq angerlarsimaffimmi qanigisamit imaluunniit ilaqutariinnit paarsisartunit isumagineqarpat, neqeroorutigisarpaa.  Ima pisoqarpat oqilisaassisoqarsinnaavoq:

–          isumassuineq suliaqartitsinerulerpat

–          angajoqqaat, ilaqutaasut allat ilaqutariilluunniit paarsisartut isumassuinermik isumaginniinnarsinnaanissaannut oqilisaassinissaq pisariaqarpat.

Ingiallortit
Inuk innarluuteqarnini pissutigalugu kisimiilluni angalaarsinnaanngippat Kommuneqarfik Sermersooq ingiallorteqarnissamik neqerooruteqassaaq. Sammisanut sunut ingiaqateqarusunnerluni inuup innarluutillip nammineq aalajangissavaa.
Taamaattoq taamaallaat sammisanut isumaginninnermi perorsaasunit tapersersorneqarnissamik pisariaqartitsiviunngitsunut ingiaqateqartoqarsinnaavoq.

ikorfartorti
Kommuneqarfik Sermersooq inunnut innarluutilinnut ikorfartortinik neqerooruteqartarpoq. Inuup innarluutillip nammineq piumasani malillugu ajornanngippat nalinginnaasumik inuunissaanut periarfissaqarnissaata nukittorsarnissaa siunertaavoq.
Atuarnerup nalaani aamma ikorfartorteqarnissaq periarfissaavoq.

Inunnut Innarluutilinnut Sullissivimmi Nunamut Tamarmut Atuuttumi piginnaanngorsarneqarneq piginnaanngorsaqqinneqarnerlu.
Kommuneqarfik Sermersuup inuk innarluutilik Nuna tamakkerlugu Innarluutilinnik Sullissivimmi piginnaanngorsaanissaanut piginnaanngorsaaqqinnissaanullu neqeroorfigissavaa.

Ulloq unnuarlu neqeroorummi najugaqartitsineq
Inuk annertuumik imaluunniit immikkut ilisimasalimmik ikorfartorneqarnissamik pisariaqartitsippat allatullu matussuserneqarsinnaanngippat inunnut innarluutilinnut ulloq unnuarlu neqeroorutini najugaqarnissannik Kommuneqarfik Sermersooq neqerooruteqassaaq.

Iluaqusersuutit
Kommuneqarfik inuit innarluutillit iluaqusersuutinik pissarsinissaannik neqerooruteqassaaq.

Inigisap aaqqissuunneqarnera
Inissiap immikkut aaqqissorneranut ikorfartuissaaq, angerlarsimaffik inummut innarluutilimmut tulluarsarnissaa pisariaqarpat Kommuneqarfik Sermersooq ikorfartuissaaq. 

Pikkorissaanerit siunnersuinerillu
Inuit innarluutillit kiisalu ilaqutaasut pikkorissarnerni, atuartitsinerni siunnersuinernilu peqataanissaannut Kommuneqarfik Sermersooq neqerooruteqassaaq.

Sungiusarneq
Inuit innarluutillit nammineerlutik nammineersinnaanissaannut akornuteqaratillu periarfissaqarsinnaanissaat pillugu nukittorsaanissamik siunertalimmik Kommuneqarfik Sermersooq timikkut sungiusaanissamik neqerooruteqassaaq.
Nalinginnaasumik sungiusarneq, piginnaanngorsaqqinneq peqateqarlunilu ikiorsiissutit attuumassutillit qitiutillugit  sungiusartoqarsinnaavoq. 

Pillorissuseq – nuussinermut atatillugu ilitsersuutit
Innuttaasut angerlarsimaffimminni avataanilu nammineerlutik nuussinnaanngitsunut qanigisaannullu Kommuneqarfik Sermersooq ikorfartuinissamik neqerooruteqarpoq. Qanigisaasut sulisulluunniit innutaasup nuutsinnerata isumannaatsumik aamma illersorneqarsinnaasumik pisinnaanera qulakkiissavaat.
Inersimasunut neqeroorut

Aningaasatigut tapersersorneqarneq
Kommuneqarfik Sermersooq pissutsini immikkut ittuni aningasatigut ikorfartuisinnaavoq. Makkuusinnaapput:

–          Innarluuteqarnerup annertuumik aningaasartuuteqarneruneq kingunerissappagu.

Siunnersuinerit ilitsersuinerillu
Kommuneqarfik Sermersooq inunnut innarluutilinnut siunnersuinermik aqqutissiuussinermillu ingerlatsisarpoq. Siunnersuineq aqqutissiuussinerlu ilaatigut ima ingerlanneqarsinnaavoq:

–          Oqaloqatiginninnerit katsorsaataasut

–          Iluaqusersuutinik atuinissami toqqaanissamut siunnersuineq

–          Iluaqusersuutinik atuinermut ilitsersuineq

Oqilisaassineq
Inersimasut innarluutillit ulloq unnuarlu paaqqinnittarfimmi oqilisaanneqarnissaannik Kommuneqarfik Sermersooq neqerooruteqarpoq.
Ulloq unnuarlu paaqqinnittarfiit oqilisaassinissamut pisariaqartinneqartunik inissaqartitsinngippata utaqqisoqarsinnaavoq.

Ingiallortit
Inuk innarluuteqarnini pissutigalugu kisimiilluni angalaarsinnaanngippat Kommuneqarfik Sermersooq ingiallorteqarnissaanik neqerooruteqassaaq. Sammisanut sunut ingiaqateqarusunnerluni inuup innarluutillip nammineq aalajangissavaa.
Taamaattoq taamaallaat sammisanut isumaginninnermi perorsaasunit tapersersorneqarnissamik pisariaqartitsiviunngitsunut ingiaqateqartoqarsinnaavoq.

Ikorfartorti
Kommuneqarfik Sermersooq inunnut innarluutilinnut ikorfartortinik neqerooruteqartarpoq. Inuup innarluutillip nammineq piumasani malillugu ajornanngippat nalinginnaasumik inuunissaanut periarfissaqarnissaa nukittorsassallugu siunertaavoq.

Inunnut Innarluutilinnut Sullissivimmi Nunamut Tamarmut Atuuttumi piginnaanngorsarneqarneq piginnaanngorsaqqinneqarnerlu.
Kommuneqarfik Sermersuup inuk innarluutilik Nuna tamakkerlugu Innarluutilinnik Sullissivimmi piginnaanngorsarnissaanik piginnaanngorsaqqinnissaanillu neqeroorfigissavaa.

Ulloq unnuarlu neqeroorummi najugaqartitsineq
Inuk annertuumik imaluunniit immikkut ilisimasalimmit ikorfartorneqarnissamik pisariaqartitsippat allatullu matussuserneqarsinnaanngippat inunnut innarluutilinnut ulloq unnuarlu neqeroorutini najugaqarnissanik Kommuneqarfik Sermersooq neqerooruteqassaaq.

Iluaqusersuutit
Kommuneqarfik inuit innarluutillit iluaqusersuutinik pissarsinissaannik neqerooruteqassaaq.

Inigisap aaqqissuunneqarnera
Inissiap immikkut aaqqissorneranut ikorfartuissaaq, angerlarsimaffiup inummut innarluutilimmut tulluarsarnissaa pisariaqarpat Kommuneqarfik Sermersooq ikorfartuissaaq. 

Pikkorissaanerit siunnersuinerillu
Inuit innarluutillit kiisalu ilaqutaasut pikkorissarnerni, atuartitsinerni siunnersuinernilu peqataanissaannik Kommuneqarfik Sermersooq neqerooruteqassaaq.

Sungiusarneq
Inuit innarluutillit nammineerlutik nammineersinnaanissaannut akornuteqaratillu periarfissaqarsinnaanissaat pillugu nukittorsaanissamik siunertalimmik Kommuneqarfik Sermersooq timikkut sungiusaanissamik neqerooruteqassaaq.
Nalinginnaasumik sungiusarneq, piginnaanngorsaqqinneq peqateqarlunilu ikiorsiissutit attuumassutillit qitiutillugit  sungiusartoqarsinnaavoq. 

Pillorissuseq – nuussinermut atatillugu ilitsersuutit
Innuttaasut angerlarsimaffimminni avataanilu nammineerlutik nuussinnaanngitsunut qanigisaannullu Kommuneqarfik Sermersooq ikorfartuinissamik neqerooruteqarpoq. Qanigisaasut sulisulluunniit innutaasup nuutsinnerata isumannaatsumik aamma illersorneqarsinnaasumik pisinnaanera qulakkiissavaat.

Innarluutilinnut inuusunnerusunut isumassorneqartariaqartunullu immikkoortortaq
Kommuneqarfik Sermersooq inuusunnerusunut (18-init ukiulinnit pensionilinnut) innarluutilinnut immikkut ikorfartortarialinnut isumassortarialinnullu immikkoortortaqarpoq. 

Najugaqatigiiffiit
Kommuneqarfik Sermersooq innuttaasunut innarluutilinnut inissamik neqerooruteqarsinnaavoq. Najugaqatigiiffiit tassaapput innuttaasunut timimikkut imaluunniit tarnimikkut annertuumik ataavartumillu piginnaanikillisimasut imaluunniit inuttut immikkut tapersersorneqarnissamik, ikiorneqarnissamik isumassorneqarnissamillu pisariaqartitsisut najugaqarfissaat.

Najugaqatigiiffiit nakkutigisaasut:
Kommuneqarfik Sermersuumi innuttaasunut innarluutilinnut inissamik neqerooruteqarsinnaavoq. Najugaqatigiiffiit illersukkat tassaapput innuttaasunut timikkut, tarnikkut, eqqarsartaatsikkut imaluunniit malugissutinik atuisinnaanikkut innarluutilinnut ulluinnarni ikiorneqarnissamik pisariaqartitsisunut najugaqatigiiffiit.

Susassaqartitsinermut ataatsimooqateqartitsinissamullu neqeroorut
Sammisaqartitsivittut ornittakkami inissamik neqeroorfigineqartartut tassaapput innuttaasut innarluutillit, inunnik peqateqarnissaminnik ataatsimoorlunilu sammisaqarnissaminnik pisariaqartitsisut. Neqeroorut iluaqutaasinnaavoq, innuttaasut pineqartut angerlarsimaffimminniit qimagutilaartarnissaannut peqataajartorlutik ataatsimoorluni ingerlataqarnissamut kiisalu periarfissaqartumi suliaqarnissamut allanik peqateqarluni.
Sammisassaqartitsinissanut katerisimaaqateqartitsisarnissanillu neqeroorutinik unnukkut ammatitsinissamik periarfissaqarpoq.

Innarluutillit bussiannik angallassineq
Kommuneqarfik Sermersooq innuttaasunut namminneerlutik tamanik angallassisunik imaluunniit taxanut ilaasinnaanngitsunut neqerooruteqartarpoq.