Sanarfinermut Avatangiisinullu Ingerlatsivimmit qujassutigineqarpoq, Naalakkersuisut aallarnisaanermik 2025-2026-mut periusissiaat pillugu tusarniaanermut akissuteqaqqusinermik tigusamut.
Sanarfinermut Avatangiisinullu Ingerlatsivik ima oqaaseqaatissaqarpoq:
Aallaqqaasiutigalugu oqaatigineqassaaq, aallarnisaaneq qanoq isumaqartinneqarnersoq allaqqasuuppat iluaqutaassagaluarpoq, matumanilu qanoq sivisutigisumik aallarnisaasutut suliffeqarfik isigineqassava pilersinneqarlualersutut isigineqarnissami tungaanut – imaluunniit tassani nassuiaammi kaaviiaartitat pillugit kisitsisit pineqarpat. Nassuiaammik ersarissumik peqartuuppat kommuninut tamanna iluaqutaassaaq, sakkukinnernik piumasaqaatinik siunniussisoqarmat ilaatigut nunaminertamik atuinissamut akuersissummik / atuinissamik tunineqarnissaq eqqarsaatigalugu. Sanaartornermi akit qaffasinnerujussui kiisalu tulluuttunik atortoqarnissap imminnut ataneri tikkuarneqarput. Tassani taaneqarsinnaavoq Namminersorlutik Oqartussat illoqarfinni annerni illuuterpassuaqarpoq atungassaminik/ aserfallakkiartortunik taakkulu arlallit naleqqussarlugit allanngortiterneqarsinnaalluarput. Taamaalilluni najukkami sanaartortut atorluarlugit ikiorneqarsinnaapput. Containerinik atuinissamut tamanna taarsiutaasinnaavoq. Kommuneqarfik Sermersuup inassutigaa, containerinik atuinissaq eqqarsaatigeqqinneqassasoq, siunertamullu illuinnik atuisoqarluni. Kommuneqarfik Sermersooq kommunip inoqarfiini kusassaarusuppoq, containerillu tamatuminnga anguniakkamut ilaanngitsut isumaqarluni.
Suliniutit 2: Tassani takuneqarsinnaavoq, kommunit nunaminertat inuussutissarsiortunut atungassat annertusassagaat, tamatumunngalu aningaasalersueqataanissamut apeqqut akisassanngorluni. Namminersorlutik Oqartussat inuussutissarsiortunut atungassanik nunaminertanik nunagissaanermut aningaasaleeqataaniarpat?
Kommunit inuussutissarsiortunut atungassanik nunaminertanik aqutsineranni eqaannerulersitsinissaq siunertaralugu inatsimmik sakkukillisaasoqarnissaa allannguisoqarnissaaluunniit aamma kissaatigineqarpoq. Nipaatsumik atuisoqarnissaanik avatangiisinik illersuinissaq ingerlatsivimmit ersarissarneqarpoq, matumanilu inissiaqarfiit eqqarsaatigalugit. Taamaalilluni inuussutissarsiorfiit inerisarneqarnerat arriilisinneqarsinnaavoq immikkoortut ilaanni nipituuliortoqannginnissaanik akuersissuteqartoqarpat. Taamaammat inoqarfitta qanoq ineriartortinnissaat kissaatiginerlutigit isumaliutigeqqissaarluarnissaat pingaaruteqarpoq, tassalu amerlanertigut kommunimi pilersaarusiornikkut tamanna pisarluni.
Tusarniaanermi akissut allaffeqarfimmit suliarineqarpoq.
Inussiarnersumik inuulluaqqusillunga
Sanarfinermut Avatangiisunullu Ingerlatsivik