Kommuneqarfik Sermersuumi Inuussutissarsiornermut immikkoortoqarfik, Suliffeqarfimmut Kiffartuussivik tusarniaanermut akissuteqarnissamut periarfissaq pillugu qujavoq .
Akuersissutit pinngortitap avatangiisillu illersorneqarnissaanut peqataasinnaapput kiisalu nunanit tamalaanit aningaasaleerusunneq ammassiffigalugu.
Akuersissutinik agguaanermi kommunit peqataatinneqarnerunerat pitsaasuuvoq, taakku kommunip immikkoortunik ineriartortitsinermut pilersaarusiorneranut ataqatigiissuutinneqartussaapput.
Ataatsimut isigalugu, inatsit taanna killiliussallu paragraferpassuarnut tunngatillugu ersarinngitsupilussuupput, Naalakkersuisunullu imaluunniit oqartussaqarfimmut tunniussivigineqartumut taamaallaat pissaaneqartitsisut siunissami namminneq inatsimmi killiliussassarpassuarnik aalajangiinissamut, tamannalu manna tikillugu ersarissarneqanngilaq. Inatsisissap massakkut siunnersuutigineqarnerani assigiinngitsunut tunngasut suli iluamik nassuiaasersorneqarsimanngitsut ersarissarlugit saqqummiunneqarnissaat kissaatigineqarpoq.
Akuersissutit suliarineqarnissaannut piumasaqaatit allaffissornerujussuarmik pilersitsissapput. Naalakkersuisoqarfik akisussaaffimmik tigusisussaq naliliiffigineqassaaq qulakkeerlugulu taanna qinnuteqaatinik akuersissutigineqartussanngortitanik suliaqarnissamut kiisalu qinnuteqaatit sivitsorneqarnissaanut nutaamik nalilersuinissamut, piffissaq sivikitsoq atorlugu, nukissaqarnersoq.
Paragrafinut ataasiakkaanut oqaaseqaatit:
§2, imm. 5 aamma 6 – nunaqavissuunerup aamma inuit allattorsimaffianniittuunerup suna assigiinngissutigivaa
§3, imm. 1. pisiortorfiit immikkoortunik akuersissutigineqarfiusunik piareersaanermik suliallit aamma akuersissummut piumasaqaammi ilaatinneqarput – assersuutigalugu nunamut attuumassuteqartuunissamik piumasaqaat – imatut isumaqarpa illuaqqanik/akunnittarfinnik ineriartortitsinermi illussanik titartaasarfiit nunanit allaneersut atorneqaqqussaanngitsut?
§4, imm. 5. Eqqortumik paasinninnerunerluni una, inuussutissarsiuteqartut assigiinngitsut marluk immikkoortumi akuersissuteqarfiusumi ataatsimi akuersissummik pisinnaasut – assersuutigalugu eqalunniarnermut aamma sisorarnermut
§11, naliliisartumik ataatsimiititaliunngikkaluarluni kommune piginnaatitsissummik tunniussisinnaava? Naleq: § 5
§12, naapertuutinngilaq kommune peqataatinnagu aamma pilersaarusiornerit allat avaqqullugit akuersissutip immikkoortumut pilersaarummut atatillugu tunniunneqartarnissaa
§17/18. Akuersissummik pigisaqartup sumiiffimmi pisiortortoqarnissaanik aamma najugalinnik sulisoqarnissaanik pisussaaffiliineq pillugu malittarisassaliortoqarnissaa ingasaassinertut misinnarpoq, malittarisassat sunik imaqarnerinik nassuiaatitaqanngitsumik imaluunniit qanoq pisoqarneratigut taakkuninnga aalajangersaasoqassanersoq pillugu
§ 20 – takornariaqarneq pillugu inatsit malittariaqarpaa piginnittuunerlu 51/49 %-iusariaqarluni
§22 allanngortittariaqarpoq, innersuussutigalugu Takornariaqarneq pillugu inatsisip allanngortinnera
Piginnaatitsissummut kommunimut tunniussinermut aamma nakkutilliinermut tunngatillugu paatsiveerusimaalaarpunga – tassani allannguuteqartoqarpa?
Akuersissutip aamma takornariaqarnermut inatsimmut tunngasut nalornissutigilaarpakka
Sanarfinermut Avatangiisinullu Ingerlatsivik ima oqaaseqaatissaqarpoq:
Kapitel 3, §4 imm. 4
Sulianut sunut akuersissummi tunniunneqarsinnaanerinut tunngatillugu erseqqissaassuteqartoqassasoq kiisalu nakkutilliisussaatitaanermut tunngatillugu erseqqissaasoqassasoq ingerlatsivimmit kissaatigineqarpoq. Aalajangersagaq imatut paasineqassava, qaavanut majuarsinnaanermut akuersissummik tunniussisoqarpat taava najugaqavissoq ilaquttat assersuutigalugu DK-miit tikeraartut peqatigalugit majuarneqartussamut pineqartumut majuaqqusaanngitsoq?
Kapitel 5 §12 imm. 2
Aalajangersakkap taassuma erseqqissarneqarnissaa ingerlatsivimmit kissaatigineqarpoq, immikkoortumut pilersaarut taamaalilluni nunaminertamik atuinissaq pillugu inatsimmi atuuttumi atuutilissammat (Namminersorlutik Oqartussat pilersaarusiortarneq aamma nunaminertamik atuineq pillugu inatsisartut inatsisaat nr. 4, 25. januaari 2024-meersumi inatsisaareersut allannguutaanik eqikkarlugit nalunaarutaat.).
Ingerlatsiviup innersuussutigivaa, immikkoortumut pilersaarummi immikkoortut akuersissutigineqarfiusut toqqarneqassanngitsut. Ingerlatsivimmit nalilerneqarpoq, nunaminertamik atuineq, akuersissuteqarneq ilanngullugu taamaallaat kommunimit atugassanngortinneqarsinnaasoq, siumoortumik tamanut tusarniaaneq ingerlanneqareerpat aamma kommunalbestyrelsimit akuerineqareerpat. Taamatut iliornikkut illoqarfiup ilaanut pilersaarutini aalajangersakkat qulakkeerneqarsinnaapput, akuersissummut tunniunneqartumut atatillugu sanaartortoqarnissaa kissaatigineqassappat. Taamatut iliornikkut innuttaasut ataasiakkaat kommunimut pilersaarummi nunaminertamik atuinissamut atatillugu paasissutissaatai qulakkeerneqassapput immikkoortumut pilersaarutit assigiinngitsut allallu paasiniaaffigeqqaanngikkaluarlugit.
Ingerlatsivimmit nalilerneqarpoq, aalajangersagaq taamatut oqaasertaqartillugu tamanna innuttaasut ataasiakkaat qanittuminni/kommuniminni sunik pilersaaruteqartoqarneranik paasisaqarnissaannut akerliusoq.
Siunnersuutigineqartutut aalajangersagaq attatiinnarneqarusussappat, ingerlatsiviup paaserusuppaa taamaalilluni naalakkersuisoqarfiup oqartussaasutut suliassap suliarineqarnissaa tiguniarneraa (nunaminertanut aamma sanaartugassanut allanullu suliassat) matumani akuersissummut atatillugu sanaartornermut tunngasut, tamanna pillugu illoqarfiup ilaanut pilersaarutini aalajangersakkanik peqartoqanngimmat (aatsitassanut tunngasut assigivai)?
Oqaloqataaqqinnissamut piareersimavugut.