Inoqarfinnut Avatangiisinullu Ataatsimiititaq suliani inatsisit naapertorlugit ataatsimiititamut suliassaritinneqartut malillugit aalajangiisassaaq.
Inoqarfinnut Avatangiisinullu Ataatsimiititap suliassaqarfiit inoqarfinnut avatangiisinut teknikkimullu tunngasut, kiisalu pinngortitamut piujuartitsinissamullu tunngasut kommunip suliassaanut tunngasut isumagisarai, taakkununnga ilanngullugit:
- Inoqarfiit Nuup avataaniittut
- Aqqusinernut tunngasut
- Nunat sunngiffimmi ornigarneqartartut
- Kommunip suliffiutai soorlu asfaltileriffik, eqqakkanik ikuallaavik assigisaalu
- Attavilersuutinik pilersuinerit soorlu kuuffissualersuineq aamma imikunut ruujorit assigisaallu
- Eqqaaveqarneq aamma avatangiisinut tunngasut
- Kommunip illuutaanik nutarterineq
- Pinngortitamik illersuinermi kommunip suliassai
- Ataatsimiititap suliassaqarfiata iluanit illuutinik ingerlatsineq
- Aalisarsinnaanermut akuersissutinik agguaaneq
- piniarnermut, aalisarnermut nunalerinermullu tunngasuni tusarniaanermi akissuteqaasiornerit
Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit inassuteqaateqartassaaq:
- Nuup avataani nunaqarfinni illoqarfinnilu sanaartugassat aserfallatsaaliugassallu
- Aserfallatsaaliinissamut aningaasaliissutit atuutilersinnissaanut ataatsimoortumik pilesaarusiorneq
- Akigititat
Ataatsimiititaq, Aningaasaqarnermut Inuussutissarsiornermullu Ataatsimiititaq aqqutigalugu, Kommunalbestyrelsimut makku pillugit siunnersuuteqartassaaq:
- Ataatsimiititap suliassaqarfiinut ataatsimut politikki
- Ataatsimiititap suliassaqarfiinut periusissat
- Ataatsimiititap suliassaqarfiinut ineriartortitsinermut pilersaarutit
Attaviguk
Ataatsimiititami siulittaasoq oqaloqatiginissaanut kissaatigaajuk? Immersugassaq una immersoriarlugu ataatsimiititami allatsimut Daniel F. Jakobsen-imut nassiuguk mailimut: iabm@sermersooq.gl
