Ittoqqortoormiit eqqaa Saqqaq-kulturimeersunit aamma Tornginit najugaqarfigineqarnikuuvoq.

Ittoqqortoormiit tunngavilerneqarpoq ulloq 17. august 1924-mi issittumi ilisimasassarsiortumit kingornalu Tunumut inspektøriusumit Ejnar Mikkelsenimit.

Tunngaviliinermut pissutaavoq ilaatigut Norgep Tunup avannaanik soqutiginnikkaluttuinnarnera, taamani qallunaat naalagaaffiata qularnaartariaqarsimavaa nunap immikkoortuanut oqartussaanini, tamanna nunap immikkoortua Norgemut tunniunneqaqqunagu. Ilaatigut Ammassallip eqqaani innuttaasut inuuniarnikkut pitsaanerusumik atugaqalernissaat qulakkeerniarneqarpoq sumiiffimmut nutaamut piniarfiginnerusumullu nuunnerisigut. Siunnersuut aatsaat 1910-mi Uummannami nakorsaanermit Alfred Berthelsenimit saqqummiunneqarpoq, isumaqarami Kalaallit Nunaata Kitaa inuttusigaluttuinnartoq taamaattumillu piniagassat ajornarsigaluttuinnartut, taamaattumik niuertoruseqarfik piniagassaqarnerusoq aaqqiissutissatut isigisimavaa.

Illoqarfik qallunaatut Scoresbysundimik taaguuteqarpoq. Illoqarfimmut atsiunneqarpoq tuluk arfanniaq, William Scoresby, siullersaalluni nunap immikkoortuanik 1822-mi titartaasoq. Ittoqqortoormiit danskisuunngorlugu isumaqarpoq ”stedet med de store huse”. Ullumikkut illoqarfik taamaallaat Ittoqqortoormiinik taagorneqarpoq (sumiiffimmi taaguut) imalunniit Illoqqortoormiut.

Ittoqqortoormiit pillugu sumiiffittut ilisaritinneqarnera

Kommunip illoqarfii nunaqarfiilu sumiiffikkaartumik borgmesterip allattoqarfianiit ilisaritinneqarnissai suliarai. Illoqarfiit nunaqarfiillu tamarmik immikkut ilisaritinneqarput.
Allaaserineqarnerinilu kommunip suleqatigisallu allat naatsorsueqqissaarutaat kisitsisaallu atorlugit inuussutissarsiutit, ineqarneq, ilinniartitaaneq inuttullu atukkat nassuiaatigineqarlutik.

Ittoqqortoormiit ilisaritinnerat

Quppernerup imarisaa qanganitsersimava?

Quppernermut naqqiutissaqarpit?