Siulittaasumit nalunaarutit
- 18. juuni 2019 Borgmesterip kvartalikkaartumik Nunaqarfiit Aqutsisuisa siulittaasuanik ataatsimeeqateqarnera oqarasuaat atorlugu ingerlanneqarpoq. 2020-mut missingersuutit sukumiisumik pilersaarusiornissaat anguniarlugu ataatsimiinnermi isumaqatigiissutigineqarpoq Borgmesterip Nunaqarfinni Aqutsisut siulittaasui immikkut ittumik ataatsimeeqatigineqarnissaannut aggeqqusissasoq, Kommunalbestyrelsimi 2020-mut missingersuutinik siullermeerinissaa qaammammik ataatsimik sioqqullugu.
- Inatsisartut aalajangigaat UA 19/229 tunuliaqutaralugu, Naalakkersuisut piumaffigineqarnerat, danskit naalagaaffiannut ikioqqullutik saaffiginnissasut, meeqqat Tasiilamiittut Kalaallillu Nunaanniittut sinneri ikiorneqarnissaat pillugu, Peqqissutsimut Naalakkersuisoqarfiup, Isumaginninnermut Inatsisilerinermullu Naalakkersuisup nuna tamakkerlugu borgmesterit ataatsimiinissaanut 26. juuni 2019 qaaqqusivoq. . Ataatsimiinnermi borgmesterit tamarmik peqataapput taamaallaat Kommune Kujalleq pinnani. Naalakkersuisup danskit naalagaaffianut ingerlasussanik borgmesterit allakkanik allaqqitassiamik nassiussiniarpoq, tassani allaqqassaaq ikiuutissat soorliit kommuninit ujartorneqartut. Borgmesterit Naalakkersuisoq ataatsimeeqatiginnginnerani, Kommuneqarfik Sermersuumi Borgmesterip Kommunalbestyrelsimi partiit siulittaasui qaaqquai politikkikkut isummatik aamma sammisamut siunnersuutitik tusartinnissaat periarfissinnissaat siunertaralugu.
- 26. juuni 2019 Kommuneqarfik Sermersooq Århusip borgmesterianik tikeraarneqarpoq taanna Nuummiippoq ”Århus Havnimeersut Nuummut tikeraarnerannut atatillugu. ”Århus Havn” Ataatsimiititap siulittaasua aamma Århus-ip kommuniata borgmesteriuvoq, taassumalu illoqarfiit pingaarnersaannut tikeraarnera iluatsillugu Kommuneqarfik Sermersooq takuaa tassungalu atatillugu aamma Borgmesteri naapillugu.
- 12. juuli Kommuneqarfik Sermersuumi Borgmesteri Avannaata Kommuneani borgmesterimit tikeraarneqassaaq.
- ullut 9-24. aggustimi 2019 Borgmesteri sulinngiffeqassaaq. Sulinngiffeqarnerani borgmesterip tullia siulleq borgmesteriugallassaaq.