Nalunaarutit

   

Borgmester Avaaraq Olsen (IA) nalunaarutai: 

Sap. ak. 51

19. decembari Meeqqerivik Tupaarnamiit meeqqat arfineq-marluk kommuneqarfiup allaffianut pulaarpaannga, tassanilu kommunalbestyrelsip ataatsimiittarfia takutippara.

Sap. ak. 2

12 januaari: Meeqqerivik Puiamit meeqqat allaffimmut pulaarpaannga.

Sap. ak. 3

17. januaari: Usisaammut suliffeqarfimmut pulaarneq

18. januaari: Kommunalbestyrelsip ataatsimiittarfiani Nakuusa-p Meeqqanut Ataatsimeersuartitsineranit isumaqatigiissut 2022 atuarneqarpoq tunniunneqarlunilu.

19. januaari: Royal Arctic Linemut suliffeqarfimmut pulaarneq

19. januaari: Nunaqarfimmi aqutsisut siulittaasuannik ataatsimeeqateqarneq

19. januaari: Nuummi Eqqumiitsulianik Saqqummersitsivimmi ukiortaami ilassinninneq

Sap. ak. 4

24. januaari: Katuaq I/S pillugu Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsenimik ataatsimeeqateqarneq.

Sap. ak. 5

2. februaari: GNC-mut suliffeqarfimmut pulaarneq

2. februaari: Brøndum-mut suliffeqarfimmut pulaarneq

Sap. ak. 6

7. februaari: Arctic Prime Fisheries ataatsimeeqateqarneq

 

Suliffeqarnermut Isumaginninnermullu Ataatsimiititami siulittaasup Inge Olsvig Brandt (IA) nalunaarutai:  

Tasiilami ilinniarfiusinnaasut pillugit ulloqartitsineq nittarsaassinerlu

Tasiilami 2023-mi januaarimi perorsaanermut ilinniarfinnut ilinniarfiusinnaasunik qaaqqusanut 40-nut kiisalu ilinniarfiusinnaasut pillugit nittarsaassineq innuttaasunut tamanut ingerlanneqarput. Ilinniarfiusinnaasunik nittarsaassinermi innuttaasut 400-it miss. peqataasimasut missiliorneqarpoq, tassani ilinniarfiusinnaasut misissornissaannut suliffeqarfiillu assigiinngitsut pillugit paasissutissanik pissarsinissaq periarfissaalluarsimavoq. Aaqqissuussat taakku marluk iluatsilluartumik ingerlasimapput.

Inunnut innarluutilinnut tarnikkut nappaatilinnullu Immikkoortortaqarfik

Nakorsaatit pillugit pikkorissartitsinerit

Inunnut innarluutilinnut tarnikkut nappaatilinnullu Immikkoortortaqarfik sulisunut 60-it miss. aqutsisunullu tamanut nakorsaatit pillugit pikkorissartitsissaaq. Innuttaasut nakorsaataannik isumaginninnermut tunngatillugu nakorsaatit pillugit pikkorissaanikkut suliatigut ilisimasat annertusineqarlutillu akisussaaffiit qanoq agguataarneqartarnerat ersarinnerulissaaq. Immikkoortortaqarfimmi piginnaasat annertusarniarlugit 2023-mi suliniutit aallartinneqartut ilagaat.

Utoqqarnik suliassaqarfik

Utoqqaat Illuanni aqutsisoq nutaaq

Utoqqaat Illuanni ulloq 1. februaari 2023-mi Kathrine Lerch Amondsen aqutsisunngorpoq. Utoqqaat illuanni ukiut qulit missaanni sulivoq peqqissaanermilu assistentitut ilinniarsimasuulluni.

Tasiilami paasissutissiilluni qanigisaasunullu unnussiuaartitsineq

Tasiilami paasissutissiilluni qanigisaasunullu unnussiuaartitsineq ingerlanneqarpoq, tassani puigortunngortunut ataqatigiissaarisoq, tulleriissaarisartoq kiisalu ineriartortitsinermut siunnersorti akisussaaffitsik pillugu innuttaasunut paasissutissiipput. Innuttaasut takkuttut 50-it missaanniipput.  

 

Meeqqanut Atuarfeqarnermullu Ataatsimiititami siulittaasup Juaaka Lyberth (IA) nalunaarutai: 

Ukioq atuarfiusumut 2023/24-mut atualertussat pilersaarusiorlugit ingerlanneqarput. Atualertussarpassuupput taamaammat immikkut klassimik pilersitsisoqartariaqarpoq. USK-imi atualertussat atuaqatigiikkuutaanut pingasunut agguataarneqassapput. Atuarfittaami klassinut tallimanut inissaqarneranut tamanna naapertuuppoq (ASK-imiit marluk aamma USK-imiit pingasut).

 

Meeqqanut Ilaqutariinnullu Ataatsimiititami siulittaasup Naya P. Lyberth (IA) nalunaarutai:

Ataatsimiititap angalanissaa piffissami 6/3 – 11/3  ingerlanneqassaaq.  

Ingerlatsiviit arlallit suleqatigalugit Fairstart Fondenimiit Tasiilami suliassaqarfiit assigiinngitsut akornanni piginnaasanik siuarsaanissamut ilinniartitaanermik aallartitsisoqarpoq, tamannalu ingerlatsivimmi assigiinngitsorpassuarniit, meeqqerivimmi aqutsisunik allaffeqarfimmiillu peqataaffigineqarluni.

Suleqatigiiaat pitsaassusilimmik isumassuinissamut ilinniarnissamullu sungiusaanissaq pillugu qaammatini arfinilinni tulliuttuni peqataasut suleqatigiissutigissavaat. Taamaalillutik Tasiilami meeqqanut angajoqqaanullu ataatsimut suliniutinut iluaqutaasussamik suliatigut killigititat qaangerneqarsinnaapput. Ilinniartitaanerup naammassinerata kingorna suleqatigiiaat innuttaasunik suleqateqarlutik ulluinnarni ajornartorsiutinik tamakkiisumik aaqqiissutissarsiussapput aaqqiissutigisallu pissarsiareriaannaallutillu atoriaannaassapput. Ilinniartitaaneq qulequttallu sungiusaatit kalaallisut qallunaatuullu suliaapput sumiiffinnilu peqataasut kissaataat tunngavigalugit pilersitaallutik.

 

Sanarfinermut Avatangiisinullu Ataatsimiititami siulittaasup Finn Karlsen (N) nalunaarutai: 

Aqutisoqarfik ukuninnga taasassaqqissnik nalunaarissaqarpoq:

  • Nuummi atuarfissap sananeqarnerata NCD-mit kommunip anlægsafdelinngianut tiguneqarnissaa ingerlanneqarpoq.
  • Tasiilami kalaalimineerniarfittaaq marlunngormat atoqqaarfissiorneqarpoq.

Sanarfinermut Avatangiisinullu pisortaq allamik suliffittaarnini peqqutigalugu, martsimi kommunemi sulinermini naggataassaaq.